ရုရှားက အီရန်တွင် နျူဓာတ်ပေါင်းဖိုနှစ်ခု စတင်တည်ဆောက်တော့မည်

ဒီဇင်ဘာ ၂၄၊ ၂၀၁၅
M-Media

– ရုရှားမှာ အီရန်တွင် အဏုမြူဓာတ်ပေါင်းဖိုနှစ်ခု စတင်တည်ဆောက်တော့မည်ဖြစ်ကြောင်း အီရန် နျူစွမ်းအင်ဌာန၏ ထိပ်တန်းအရာရှိတစ်ဦးက ပြောကြားလိုက်သည်။

အီရန်နိုင်ငံတောင်ပိုင်းရှိ ရုရှားလုပ် ဘူရှားနူကလီးယားစက်ရုံအနီးတွင် နောက်ထပ်အဏုမြူဓာတ်ပေါင်းဖိုနှစ်ခု ထပ်မံဆောက်လုပ်ရန် အီရန်နှင့် ရုရှားတို့ သဘောတူညီမှုတစ်ရပ်ကို လက်မှတ်ရေးထိုးခဲ့ကြပြီးနောက် ယခုကဲ့သို့ အီရန်က ကြေငြာခဲ့ခြင်းဖြစ်သည်။

အီရန်နျူစွမ်းအင်ဌာနမှ လက်ထောက်အကြီးအကဲဖြစ်သူ ဘဲဟ်ရူဇ် ကမာလ်ဗန်ဒီကမူ အဆိုပါ ဓာတ်ပေါင်းဖို နှစ်ခုကို လာမည့်တစ်ပတ်တွင် စတင်တည်ဆောက်သွားမည်ဟု ဆိုသည်။ အီရန်နှင့် ရုရှား နှစ်နိုင်ငံအကြား ပြီးခဲ့သည့်နှစ်က လက်မှတ်ရေးထိုးခဲ့သည့် သဘောတူညီချက်များရ အီရန်နိုင်ငံတွင် ရုရှားမှဆောက်လုပ်ပေးသော နျူဓာတ်ပေါင်းဖိုများမှာ ၉ ခုအထိ ရှိလာမည်ဖြစ်သည်။

ယခုဆောက်လုပ်မည့် ဓာတ်ပေါင်းဖိုနှစ်ခုအတွက် ကုန်ကျစားရိတ်များကို အီရန်က စိုက်ထုတ်ပေးမည်ဖြစ်သည်ဟု ရုရှားအစိုးရပိုင် နျူကုမ္ပဏီ Rosatom က ထည့်သွင်းပြောကြားခဲ့သည်။

အဆိုပါ နျူလုပ်ငန်းစဉ်များမှာ ဆယ်စုနှစ်တစ်ခုကြာ လိပ်ခဲတည်းလည်းဖြစ်နေခဲ့သည့် အီရန်၏ နျူကလီးယားအစီအစဉ်အတွက် ဇူလိုင်လက အီရန်နှင့် ကမ္ဘာ့နိုင်ငံများအကြား သဘောတူညီချက် ရရှိပြီးနောက် ပြန်လည် စတင်ခဲ့ခြင်းဖြစ်သည်။ သဘောတူညီချက်တွင် နျူစွမ်းအားကို အီရန်က အရပ်ဖက်အတွက် အသုံးချမှုအား ကန့်သတ်ထားခြင်းမရှိပေ။

ရုရှား စက်မှုလက်မှုနှင့် ကုန်သွယ်ရေးဝန်ကြီး ဒန်းနစ် မန်တူရို့ဗ်က ရုရှားမှာ အီရန်အား လာမည့်နှစ်တွင် ဒေါ်လာ ၅ ဘီလီယံ ထုတ်ချေးရန် အစီအစဉ်ရှိကြောင်း ပြောကြားခဲ့သည်။

Source: Agencies