မဟာတမန်တော်နေ့ အထိမ်းအမှတ် ဘာသာပေါင်းစုံ ချစ်ကြည်ညီညွတ်ရေး အခမ်းအနား စစ်ကိုင်း တွင် ပထမအကြိမ် ကျင်းပ

ဒီဇင်ဘာ ၃၀ ၊ ၂၀၁၅
M-Media
သတင်း- လှိုင်းသစ်(CJ)

မဟာတမန်တော်မွေးနေ့အထိမ်းအမှတ် ဘာသာပေါင်းစုံ ချစ်ကြည်ညီညွတ်ရေး အခမ်းအနားတစ်ရပ်အား စစ်ကိုင်းမြို့ ရွှေဟင်္သာ ခန်းမတွင် ၂၈ရက်၊ ၁၂လ၊ ၂၀၁၉ ခုနှစ် ည ဂနာရီမှ ၁၀နာရီခွဲအထိ ပထမအကြိမ်မြောက်အဖြစ် ကျင်းပပြုလုပ်ခဲ့ပါသည်။

အခမ်းအနားတွင် ဘာသာပေါင်းစုံ ချစ်ကြည်ညီညွှတ်ရေးအဖွဲ့ (ဗဟို) ဥက္ကဌ ဦးစိန်ဝင်းအောင်မှ ပေးပို့တဲ့ သဝဏ်လွှာကို စစ်ကိုင်းတိုင်းဒေသကြိး ဘာသာပေါင်းစုံ ချစ်ကြည်ညီညွှတ်ရေး အဖွဲ့ တိုင်းအတွင်းရေးမှုး ဦးတင်ဝင်မှ ဖတ်ကြားခဲ့ပါသည်။

IBEC ဗုဒ္ဓဘာသာ ပညာရေးစင်တာ ကျောင်းအုပ် နာယကဆရာတော် ဦးသောဘိတ၊ သီတဂူဗုဒ္ဓတက္ကသိုလ် ဒုတိယပါမောက္ခ ဆရာတော်၊ အင်္ဂလိကန်သာသနာ သာသနာပိုင် သိက္ခာတော်ရဆရာတော် David ဦးညီညီနိုင်၊ မန္တလေး ခရစ်သျှဏ ဘာသဝနာအသင်း ဥက္ကဋ္ဌ ဆရာတော် ရာမစန္ဒြ၊ အလ်အဇ်ဟရ် အစ္စလာမ့်သိပ္ပံမှ အလ်ဟာဂ်ျဆရာဦးစိန်ဋ္ဌေးတို့ အမှူးပြုသော စစ်ကိုင်း မန္တလေး မုံရွာ စသည့်ဒေသများမှ ဘာသာပေါင်းစုံ ဧည့်သည်တော်များ အခမ်းအနားသို့ တက်ရောက်ခဲ့ကြပါသည်။

အခမ်းအနားတွင် ဆရာတော် ဦးသောဘိတက ငြိမ်းချမ်းရေး သြဝါဒစကား မြွက်ကြားရာတွင် Globalization ကမ္ဘာ့ခေတ်ကြီးတွင် Localization ကိုယ့်ဒေသ၏အခြေအနေကို လူတိုင်းသိနားလည်ကြသော Globalization ၏ အရေးပါပုံနှင့် ပြည်တွင်းရှိ မည်သည့်ဘာသာ သာသနာကို ကိုးကွယ်သူမဆိုသည် မြစ်များမှ ခွဲဖြာစီးဆင်းကြသော မြစ်ခွဲများပမာ ညီနော်ငများပင်ဖြစ်ကြောင်း၊ ချစ်ချစ်ခင်ခင် ရင်းရင်းနှီးနှီး လက်တွဲကာ အတူယှဉ်တွဲနေနိုင်ကြရမည်ဖြစ်ကြောင်း၊ IBEC ကျောင်းအနေနှင့်လည်း စံပြအဖြစ် ဘာသာပေါင်းစုံ ချစ်ကြည်ရင်းနှီးရေး အစီအစဉ်များ ဆောင်ရွက်နေကြောင်း စသည်တို့ကို ရင်းနှီးနွေးထွေးစွာ မြွက်ကြားပါသည်။

ခရစ်ယာန်သာသနာမှ သိက္ခာတော်ရဆရာတော် David ဦးညီညီနိုင်ကလည်း နံနက် အိပ်ယာထသည်မှစကာ ဘာသာပေါင်းစုံမှ ငြိမ်းချမ်းရေးဖိတ်ခေါ်သံ မေတ္တာပို့ဆုတောင်းသံတို့ဖြင့် နေ့တစ်နေ့ကို စတင်ရသည်မှာ မင်္ဂလာရှိလှပါကြောင်း၊ ငြိမ်းချမ်းရေးနှင့် မေတ္တာကို မိမိတို့က အလိုရှိလျင် ထိုအရာတို့ကို ဝေမျှသူတို့အဖြစ် မိမိတို့ ရပ်တည်ရန် လိုကြောင်း၊ ဘာသာတရားတိုင်းသည် ကောင်းရာကိုသာ သွန်သင်ပြီး ဘာသာတရားတို့သည် ပြဿနာမဟုတ်၊ ဘာသာဝင်တို့က မိမိတို့ဘာသာတရားများ၏ သွန်သင်ချက်ကို မလိုက်နာကြခြင်းက ပြဿနာဖြစ်ကြောင်း စသည်တို့ကို လက်တွေ့ ဥပမာများဖြင့် မိန့်ကြားသွားပါသည်။

ထို့နောက် ဟိန္ဒူဘာသာကိုယ်စားပြု ဆရာတော် ရာမစန္ဒြကလည်း ဘာသာတရားအသီးသီး၏ အခြေခံများသည် ငြိမ်းချမ်းရေးသာဖြစ်ကြောင်းနှင့် ဟိန္ဒူဘာသာတရားက ညွှန်ပြထားသော ငြိမ်းချမ်းရေးလမ်းညွှန်များကို သွန်သင်ဝေမျှပေးသွားပါသည်။

အစ္စလာမ်သာသနာကိုယ်စားပြု အလ်ဟာဂ်ျဆရာဦးစိန်ဋ္ဌေးက လူသားတိုင်း လိုလားတောင့်တနေကြသောငြိမ်းချမ်းခြင်းအား သစ်ပင်တစ်ပင်နှင့် နှိုင်းယှဉ်ကာ ငြိမ်းချမ်းရေး မျိုးစေ့မှန်အား အပင်သန်စေရန် တရားမျှတခြင်း၊ ကိုယ်ချင်းစာတတ်ခြင်း စသည့် မြေဆီလွှာပေါ်တွင် ရေလောင်း ပေါင်းသင်ကြရန်လိုကြောင်း ဥပမာ ညွှန်းဆိုကာ အစ္စလာမ်ကသွန်သင်သည့်ငြိမ်းချမ်းရေးတရားများ ဘာသာပေါင်းစုံချစ်ကြည်ရေးတရားများ ပြောကြားခဲ့ပါသည်။

အခမ်းအနားတွင် တမန်တော်မြတ်အား ချီးကျူးသည့် ဓမ္မတေးကဗျာ ရွတ်ဆိုခြင်း၊ နှစ်ခြင်း ခရစ်ယာန်အသင်းမှ ငြိမ်းချမ်းရေး ဓမ္မတေးသီကျူးခြင်း စသည့် စီအစဉ်များလည်း ပါဝင်ခဲ့သည်။