ဇီဒိန်းအဖွင့်လှမှုနဲ့အတူ ထိပ်ဆုံးနေရာ အပြောင်းအလဲမရှိခဲ့တဲ့ လာလီဂါပွဲစဉ် ၁၉

ဇန်န၀ါရီ ၁၂၊ ၂၀၁၆
M-Media

– ဒီတစ်ပတ်လာလီဂါမှာတော့ နည်းပြသစ်နဲ့ရီးယဲလ် ဂိုးပြတ်ခဲ့ပြီး ဘာစီလိုနာကလည်း အားကျမခံ ဂိုးပြတ်နဲ့ အနိုင်ရအောင် ကစားခဲ့ပါတယ်။

အိမ်ကွင်းဘာနေဗျူး နည်းပြဇီဒိန်းရဲ့ ပထမဆုံးပွဲမှာ ရီးယဲလ်တို့ အကောင်းဆုံး ခြေစွမ်းပြနိုင်ခဲ့ပြီး ဒီပို့တီဗိုကို ဘေးလ်ရဲ့ ဟက်ထရစ်ဂိုး၊ ဘန်ဇီမာရဲ့ ဂိုး ၂ ဂိုးနဲ့ ၅ ဂိုးပြတ်အနိုင်ရခဲ့တာဖြစ်ပါတယ်။ အက်သလက်တီကိုရဲ့ ကျော်တက်မှုကို ခံထားရတဲ့ ဘာစီလိုနာကလည်း တန်းဆင်းဇုန်နားက ဂရာနာဒါကို တစ်ဖက်သတ်ကစားကာ ၄ ဂိုးပြတ်နဲ့ အနိုင်ရခဲ့ပါတယ်။ ဂိုးတွေကိုတော့ မက်ဆီက ဟက်ထရစ်နဲ့ နေးမာက ၁ ဂိုး သွင်းယူပေးခဲ့တာဖြစ်ပါတယ်။ ဒီဟက်ထရစ်ဟာ မက်ဆီရဲ့ ဒီရာသီ ပထမဆုံးဟက်ထရစ် ဖြစ်ပါတယ်။

ကစားရခက်တဲ့ အဆင့် ၅ က ဆဲလ်တာဗီဂိုကို အက်သလက်တီကိုက ဒုတိယပိုင်းသွင်းဂိုး ၂ ဂိုးနဲ့ အနိုင်ယူပြီး တစ်ပွဲပို ၂ မှတ်အသာနဲ့ ဇယားထိပ်ဆုံးကို ဆက်လက်ဦးဆောင်ထားနိုင်ခဲ့ပါတယ်။ ဂယ်ရီနဗီးလ်ရဲ့ ဗလင်စီယာကလည်း အဝေးကွင်းမှာ ဆိုစီဒက်ကို ၂ ဂိုး ဂိုးမရှိနဲ့ အရှုံးပေးခဲ့ရပြီး နဗီးလ်လက်ထက် ကစားပုံ ပိုကောင်းလာပေမယ့် နိုင်ပွဲတော့ မရသေးပါဘူး။

ဒီတစ်ပတ် လာလီဂါ ပွဲစဉ် ၁၉ ရဲ့ ရလဒ်များကတော့ အောက်ပါအတိုင်းဖြစ်ပါတယ်။

ဘာစီလိုနာ ၄-၀ ဂရာနာဒါ
ဆီးဗီးလား ၂-၀ ဘီဘာအို
ဂီတာဖေး ၁-၀ ဘက်တစ်
ရီးယဲလ် ၅-၀ ဒီပို့တီဗို
လီဗန်တေး ၂-၁ ဗယ်လက်ကာနို
ဗီလာရီးယဲလ် ၂-၀ စပို့တင်းဂီဂျွန်
ဆိုစီဒက် ၂-၀ ဗလင်စီယာ
လက်စ်ပါးလ်မက်စ် ၁-၁ မာလာဂါ
အိုက်ဘာ ၂-၁ အက်စပန်ညို
ဆဲလ်တာဗီဂို ၀-၂ အက်သလက်တီကို