ဂိုးလွယ်လွယ်ပေးရသည့် အသင်းနောက်တန်းအား ရူနီအပြစ်တင်

ဇန်န၀ါရီ ၁၃၊ ၂၀၁၆
M-Media

– ယနေ့မနက်က ကစားခဲ့သည့် နယူးကာဆယ်နှင့်ပွဲတွင် မပေးသင့်သောဂိုးများကို ပေးလိုက်ရသည့်အတွက် အသင်း၏နောက်တန်းအား စိတ်ပျက်ရသည်ဟု မန်ယူတိုက်စစ်မှူး ၀ိန်းရူနီက ဝေဖန်ပြောကြားလိုက်သည်။

ထိုပွဲတွင် မန်ယူမှာ စောစောပိုင်းတွင် ၂ ဂိုးပြတ် ဦးဆောင်ထားနိုင်ခဲ့သော်လည်း ချေပဂိုးများ ပြန်ပေးခဲ့ရကာ ပွဲအပြီးတွင် ၃ ဂိုးစီ သရေကျခဲ့သည်။ ရူနီကမူ ထိုပွဲအတွင် အကောင်းဆုံး ခြေစွမ်းပြခဲ့ပြီး ၂ ဂိုး သွင်းယူခဲ့ကာ ကျန်တစ်ဂိုးကို ဖန်တီးပေးနိုင်ခဲ့သည်။ သို့သော်လည်း ၎င်း၏ အားထုတ်မှုများ အရာမထင်ခဲ့သည့်အတွက် နောက်တန်းကို အပြစ်တင်ခဲ့သည်။

“၂ ဂိုးပြတ်နေတဲ့အချိန်မှာ ပွဲကို ကျွန်တော်တို့ ထိန်းချုပ်နိုင်ခဲ့တယ်လို့ ကျွန်တော် ထင်ပါတယ်။ အဲဒီနောက်မှာတော့ သူတို့ကို ပြန်လာခွင့် ကျွန်တော်တို့ ပေးခဲ့ရပါတယ်။ တတိယဂိုးရပြီး ချေပဂိုးပြန်ပေးလိုက်ရတာက ကျွန်တော်တို့အတွက် စိတ်ပျက်စရာပါပဲ။ ကျွန်တေ်ာတို့ ပေးလိုက်ရတဲ့ဂိုးတွေက တလွဲဂိုးတွေဖြစ်ပြီး မပေးသင့်တဲ့ ဂိုးတွေပါပဲ။ အဲဒီဂိုးတွေကြောင့် ကျွန်တော်တို့ ၂ မှတ် ပေးဆပ်လိုက်ရပြီး စိတ်ပျက်ဖို့ကောင်းပါတယ်” ဟု ရူနီက ပွဲအပြီးတွင် ပြောကြားခဲ့သည်။

ထို့ပြင် အသင်း၏ စိတ်ပျက်ဖွယ်ရာ ဂိုးသွင်းနှုန်းအတွက် ခက်ခက်ခဲခဲ ကြိုးစားနေရသည်ဟုလည်း ရူနီက ၀န်ခံခဲ့သည်။

Ref: Goal