ရခိုင်ကမန်နွယ် ပါလီမန်အမတ် ဒေါ်အေးညွန့်

ဒေါ်အေးညွန့်ကို စစ်တွေမြို့ ရူပရပ်နေ ရခိုင်ကမန်နွယ် အဘ မင်းတိုင်ပင် အမတ် ဦးဘိုးခိုင်၊ အမိ ဒေါ်မမတို့မှ ၁၉၁၉-ခု ဧပြီလ ၁၁ ရက် အင်္ဂါနေ့ တွင် ဖွားမြင်သည်။ငယ်စဉ်က စစ်တွေမြို့ စိန့်အင်းကွန်ဗင့်တွင် သတ္တမတန်း အောင်သည်အထိ ပညာသင်ယူသည်။

၁၉၃၇-ခုနှစ်တွင် စစ်တွေမြို့ အစိုးရ အထက်တန်းကျောင်းမှ တက္ကသိုလ်ဝင်စာမေးပွဲ အောင်သည်။ ၁၉၃၇-ခု မှ ၁၉၃၉ ခုနှစ်အထိ ဆေးကျောင်းတွင် ဆည်းပူးသည်။ စိတ်မ၀င်စားသည့်အတွက် ၁၉၃၈-၃၉-ခုနှစ်တွင် ဆရာဖြစ်သင်ကောလိပ်သို့ ပြောင်းပြီး ဆရာဖြစ် ပညာဆည်းပူးသည်။

၁၉၃၉-၄၀ ခုနှစ် ကျောင်းသူဘ၀ကပင် အမ်အေဦးမောင်ကြီး၏အမျုိး သမီး ရဲတပ်ဖွဲ့ အဖွဲ့ဝင် ဖြစ်သည။် တက္ကသိုလ်သပိတ်အတွက် စည်းရုံးလှုံဆော်သည်။ ထိုစဉ်ရဲသတင်းစာတွေင်ေ၇ွှတိုင်သူ ခင်မျိုးညွှန့်အမည်ဖြင့် ပါဝင်ရေးသားသည်။ ခေတ်ပြိုင်သတင်းစာအချို့၌လည်းဆောင်းပါးများရေးသားပြီး အမျိုးသမီးများ နိုင်ငံရေး၌ပါဝင်လာရန်လှုံ့ဆော်သည်။ တက္ကသိုလ် မွတ်စလင်အသင်းတွင် အမှုဆောင်အဖွဲ့ဝင်နှင့်ဆရာဖြစ် ကောလိပ်ကိုယ်စားလှယ်အဖြစ် တာဝန်ယူခဲ့သည်။ စစ်တွေမြို့သို့ ပြန်ရောက်သောအခါ စစ်တွေမြို့ အထက်တန်းကျောင်းတွင် အလယ်တန်း အင်္ဂလိပ်စာပြဆရာမ ၀င်လုပ်သည်။ ဖခင်ဖြစ်သူ မင်းတိုင်ပင်အမတ် ဦးဘိုးခိုင်၏ တိုင်းရေးပြည်ရေး ဟောပြောဆောင်ရွက်မှုများကို အားကျစိတ်ပါပြီး တို့ဗမာသခင်အဖွဲ့နှင့် ဆက်သွယ်သည်။ တို့ဗမာအစည်းအရုံး၊ ရွှေရတုသဘင် ကျင်းပသည့်အခါ အဖွဲ့ဝင်အဖြစ်တက်ရောက်ခွင့်ရခဲ့သည်။

တော်လှန်ရေးကာလတွင် ဗိုလ်ရန်အောင် သခင်လှမြိုင် ဦးစီးသော စစ်တွေမှ ရန်ကုန်သို့ သာပေါင်းလမ်းခရီးကြောင်းတွင် လိုက်ပါတာဝန်ယူသည။် ရန်ကုန်တွင် ညွန့်ညွန့်ခိုင်ဟူသော လျို့ဝှက်အမည်ဖြင့်လှုပ်ရှားသည်။ ၁၉၄၄-ခုခန့်တွင် အိုအင်အေ အိန်္ဒိယစစ်တပ်၊ ဂျပန်စစ်တပ်၊ဘီဒီအေတပ်တို့ ဆက်သွယ်ရေးကိစ္စများဆောင်ရွက်ရင်း ထောက်လှမ်းရေးတာဝန်ကို သက်စွန့်ကြိုးပမ်းဆောင်ရွက်သည်။ ပဲခူးသို့သွားစဉ် ဒါးပိန်ဘူတာတွင် သူတစ်ပါး မတရားခံရသည်ကို ကြားမှမခံမရပ်နိုင်ဖြစ်ပြီး ဂျပန်စစ်သားကို ခြေမြန်လက်မြန် ပါးရိုက်လိုက်သဖြင့် ချက်ချင်း ဖမ်းဆီးခေါ်ဆောင် စစ်ဆေးခြင်းခံရသည်။ သတိ်္တိရှိစွာ ချေပရှင်းလင်းနိုင်သဖြင့်သဘောထားမှန်သည့် ဗိုလ်ဖြစ်သူက ပြန်လွှတ်ပေးလိုက်၍သာ အသက်ဘေးမှ ချမ်းသာရာရခဲ့သည်။

လွှတ်လပ်ရေးရပြီးနောက် ဗဟိုစာတိုက်ကြီးတွင် စာရေးမ ၀င်လုပ်ပြီးအလွတ်သင်ဆရာမအဖြစ် စာလိုက်သင်သည်။ ဗမက (ဗမာမွတ်စလင်ကွန်ဂရက်) ဖဆပလ (ဖက်ဆစ်ဆန့်ကျင်ရေး ပြည်သူ့လွတ်လပ်ရေး)အဖွဲ့များနှင့် ဆက်သွယ်ဆောင်ရွက်ရင်း ဖူးစာဖက် တွေ့သည်။ တိုင်းပြည်ပြုလွှတ်တော် မောင်းတောမဲဆန္ဒနယ်အမတ် ဦးစူလ်တန်အာမက် ခေါ် ဦးစိုးသန်း ဆိုသူ ဖြစ်သည်။ ဦးစူလ်တန်အာမက်သည် နောင်သော် ပါလီမန်အတွင်းဝန်နှင့် ရခိုင်မြောက်ပိုင်း လူထုကိုယ်စားပြု ဂျမီတွလ်အိုလမာအဖွဲ့ ခေါင်းဆောင်ဖြစ်လာသည်။

ဒေါ်အေးညွန့်သည် ခင်ပွန်းဖြစ်သူ ၏ နိုင်ငံရေး၊ လူမှုရေးလုပ်ငန်းများတွင် ဒုက်္ခအမျိုးမျိုး အခက်အခဲအမျိုးမျိုးကို ရင်ဆိုင်ပြီးပါရမီဖြည့်သည်။၁၉၆၄-ခုနှစ်တွင် အလက(၂)၊ အထက(၂)ရန်ကင်းတို့တွင် မူလတန်းပြဆရာမ ၀င်လုပ်သည်။ မြန်မာ့တပ်မတော်နှင့်အတူ နိုင်ငံရေးရာများတွင်သက်စွန့် ကြိုးပမ်းရဲဝံ့စွာ ဆောင်ရွက်ခဲ့ သဖြင့် ၁၉၇၅-ခုနှစ်တွင် နိုင်ငံတော်မှ မော်ကွန်းဝင် ဒုတိယအဆင့် (စစ်ရေးနှင့်နိုင်ငံရေး) ကြယ်နှစ်ပွင့် တံဆိပ် ချီးမြှင့်ခြင်း ခံရသည်။

၁၉၄၈-ခုနှစ်မှ ၁၉၅၈ ခုနှစ်အတွင်း ရခိုင်ဒေသ တိုင်းရင်းသားများစည်းလုံးရေး၊ ကယ်ဆယ်ရေးလုပ်ငန်းများကို ခေါင်းဆောင်မှု ပေးခဲ့သည်။ အမျိုးသမီးများကို စစ်ပညာသင်ပေးရန် အဆိုကို ပါလီမန်တွင် တင်သွင်းခဲ့သည်။ မြန်မာ့ဆိုရှယ် လစ်လမ်းစဉ်ပါတီခေတ်တွင် တင်းပြည့်ပါတီဝင်ဗဟိုအလုပ်သမားအဖွဲ့ဝင် ဖြစ်သည်။ ၁၉၇၉ တွင် သက်ပြည့် ပင်စင်အငြိမ်းစားယူခဲ့သည်။ တောင်ဥက္ကလာပမြို့နယ် စစ်မှုထမ်းဟောင်းအဖွဲ့သို့ဝင်ရောက်ပြီး ကျရာတာဝန်ကို လိုလိုလားလား ထမ်းဆောင်သည်။ ၁၉၈၁-ခုနှစ် နိုဝင်ဘာလတွင် ပါလီမန်အမတ်ဟောင်းအဖြစ် နိုင်ငံတော်ပင်စင်ကို ခံစားခွင့်ရသည်။အဖေ ပါလီမန်အမတ်၊ ခင်ပွန်း ပါလီမန်အမတ် ဖြစ်ရုံမျှမက ကိုယ်တိုင်လည်း ပါလီမန်အမတ်ဖြစ်ကာ နိုင်ငံတော်အတွက် ဘာသာ သာသနာအတွက် ဘ၀ကိုမြှုပ်နှံကာ ကြိုးပမ်းခဲ့သူဖြစ်သည်။

ပါမောက္ခ ဒေါက်တာအောင်ဇော်ရေးသားသည့် စာပြုစာဆိုတိုင်းရင်းမွတ်စ်လင်မ်များ စာအုပ် (၂) မှ ကူးယူဖော်ပြခြင်းဖြစ်သည်။