အစ္စလာမ်ကပေးသည့် ဘာသာရေးလွပ်လပ်ခွင့်ကို မွတ်စလင်မဟုတ်သူများ ခံစားနိုင်စေရန် ဆောင်ရွက်သွားမည်ဟု ကမ္ဘာ့မွတ်စလင်ခေါင်းဆောင်များ ကတိပြု

ဇန်န၀ါရီ ၂၉၊ ၂၀၁၆
M-Media

– IS နဲ့ အခြား မွတ်စလင်အမည်ခံ အစွန်းရောက်တွေက အရှေ့အလယ်ပိုင်း၊ အာဖရိကနဲ့ တောင်အာရှ စတဲ့နိုင်ငံတွေမှာ
မွတ်စလင်မဟုတ်သူတွေအပေါ် ငြှင်းပမ်းသတ်ဖြတ်နေတာတွေကို တိုက်ဖျက်ဖို့၊ အစ္စလာမ်က သတ်မှတ်ပေးထားတဲ့ ဘာသာရေးလူနည်းစုအခွင့်အရေးကို အစ္စလာမ်ဘာသာဝင်မဟုတ်သူများ ရရှိခံစားနိုင်စေဖို့အတွက် ဆောင်ရွက်သွားမယ်လို့ ကမ္ဘာ့မွတ်စလင် ခေါင်းဆောင်းတွေနဲ့ မွတ်စလင်ပညာရှင်တွေက တစ်ညီတစ်ညွတ်တည်း ကတိပြုပြောကြားလိုက်ပါတယ်။

ပြီးခဲ့တဲ့ရက်အတွင်း မော်ရိုကိုနိုင်ငံမှာပြုလုပ်ခဲ့တဲ့ မွတ်စလင်နိုင်ငံများရှိ ဘာသာရေးလူနည်းစုများအခွင့်အရေး ကာကွ
ယ်စောင့်ရှောက်ပေးရေးဆိုင်ရာ ဆွေးနွေးညှိနှိုင်းမှုအတွင်း ထုတ်ပြန်တဲ့ မာရာကက်ခ်ျ ကြေငြာချက် (Marrakesh Declaration) မှာ ဒီလို ပြောကြားလိုက်တာ ဖြစ်ပါတယ်။

မော်ရိုကိုနိုင်ငံ မာရာကက်ခ်ျမြို့မှာ ပြုလုပ်ခဲ့တဲ့ အဲဒီဆွေးနွေးပွဲကို နိုင်ငံပေါင်း ၁၀၀ ကျော်က မွတ်စလင် နိုင်ငံရေးခေါင်းဆောင်နဲ့ ဘာသာရေးခေါင်းဆောင် စုစုပေါင်း ၂၀၀ ကျော်လောက် တက်ရောက်ခဲ့ကြပါတယ်။

အဲဒီဆွေးနွေးမှုကို ဦးဆောင်ခဲ့သူတွေမှာ ပါဝင်သူတစ်ဦးဖြစ်တဲ့ အမေရိကန်မွတ်စလင်ပညာရှင် ရှိခ်ဟမ်ဇာ ယူစွဖ်က ဒီအစည်းဝေးဟာ မွတ်စလင်နိုင်ငံတွေမှာရှိတဲ့ ဘာသာရေးလူနည်းစုတွေရဲ့ ဒုက္ခသုက္ခတွေကို ဖြေရှင်းရေး အဓိကထားပြုလုပ်တာလို့ ဆိုပါတယ်။

“လိင်ကျေးကျွန် အပြုခံရသူတွေ ရှိနေတယ်။ အစ္စလာမ်မတိုင်ခင်ကတည်းက ရှိနေခဲ့တဲ့ ခရစ်ယာန်ဘုရားကျောင်းတွေ ဖျက်ဆီးခံရတာတွေလည်း ရှိနေပါတယ်။ ယီမင်နိုင်ငံမှာ သက်တမ်းအရင့်ဆုံး ဂျူးလူ့အဖွဲ့အစည်းတွေဟာ သူတို့ရဲ့ တည်ရှိမှုကို ခြိမ်းခြောက်ခံနေရတာတွေလည်း ရှိနေပါတယ်” လို့ ယူစွဖ်က ပြောကြားခဲ့ပါတယ်။

မွတ်စလင်အများစုတည်ရှိရာဒေသတွေက ဘာသာရေးလူနည်းစုတွေကို ကာကွယ်စောင့်ရှောက်ဖို့၊ သူတို့ရဲ့ အခွင့်အရေးကို အပြည့်အ၀ ရရှိခံစားနိုင်စေဖို့ ရည်ရွယ်ပြုလုပ်တဲ့ ဒီဆွေးနွေးပွဲဟာ လွန်ခဲ့တဲ့ နှစ်ပေါင်း ၁၄၀၀ အရင်က တမန်တော် မုဟမ္မဒ်သခင် (ငြိမ်းချမ်းသာယာမှုသက်ရောက်ပါစေ) မျိုးစေ့ချပေးခဲ့တဲ့ “မဒီနာပဋိဉာဏ်စာတမ်း” ကို အခြေပြု တာဖြစ်ပါတယ်။

အဲဒီ ပဋိဉာဏ်စာတမ်းမှာ မုဟမ္မဒ်သခင်က ဘာသာတရားအားလုံးကို လွတ်လပ်စွာကိုးကွယ်ခွင့်ပေးခဲ့ပြီး အဲဒီလူနည်းစုတွေကိုလည်း လူများစုဖြစ်တဲ့ မွတ်စလင်တွေက ကာကွယ်စောင့်ရှောက်ပေးမယ်ဆိုတဲ့ ကတိက၀တ်ကိုလည်း ပေးအပ်ခဲ့ပါတယ်။ ဒီပဋိဉာဏ်ကြောင့် မုဟမ္မဒ်သခင်ဟာ ကမ္ဘာ့သမိုင်းမှာ လူနည်းစုအခွင့်အရေးကို တရားဝင်အသိအမှတ်ပြုခဲ့တဲ့ တစ်ဦးတည်းသော ဘာသာရေးခေါင်းဆောင်၊ ပထမဆုံး နိုင်ငံရေးခေါင်းဆောင်အဖြစ် မှတ်တမ်းဝင်ခဲ့ပါတယ်။

“ဒီနေ့အချိန်အခါမှာ အဲဒီကြေဉာစာတမ်းကို လူထုကြားထဲ ပြန့်နှံ့အောင်လုပ်ဖို့ လိုအပ်နေပါတယ်။ အထူးသဖြင့် လူနည်းစုတွေရဲ့ အခွင့်အရေး ချိုးဖောက်ခံရတဲ့ အချိန်မျိုးမှာပေါ့။ အကြမ်းဖက်လုပ်ရပ်တွေမှာ ပါဝင်တဲ့ သူတွေဟာ အစ္စလာမ်ကို အလွဲသုံးစား လုပ်နေတာပါပဲ။ ပြီးတော့ သူတို့ရဲ့ ဆိုးရွားတဲ့ လုပ်ရပ်တွေအတွက် တမန်တော် မုဟမ္မဒ်သခင် ကိုလည်း ခုတုံးလုပ်နေတာပါ” လို့ အစ္စတန်ဘူလ် Fatih University က အစ္စလာမ်ဓမ္မပညာရှင် ရီဆက်ပ် ဆန်တာ့က်က ပြောကြားခဲ့ပါတယ်။

အဲဒီအစည်းအဝေးကထုတ်ပြန်တဲ့ ကြေကြာချက်ထဲမှာ ပညာရေးဆိုင်ရာ သင်ရိုးညွှန်းတမ်းတွေအတွင်း အကြမ်းဖက်ဝါဒကိုဆန့်ကျင်တဲ့ သင်ကြားမှုတွေ ထည့်သွင်းပေးတာအပါအ၀င် အစွန်းရောက်ဝါဒလွှမ်းမိုးမှုကို တိုက်ဖျက်ရေး ဆောင်ရွက်သွားဖို့ မွတ်စလင်ခေါင်းဆောင်တွေကို တိုက်တွန်းချက်လည်း ပါဝင်ပါတယ်။

အစ္စလာမ်က ဘာသာရေးဖိနှိပ်မှုကို ခွင့်မပြု

ဘာသာရေးဖိနှိပ်မှုကို အစ္စလာမ်က လုံးဝလက်မခံပဲ အစ္စလာမ်သာသာနာမှာ ဘာသာရေးလူနည်းစုတွေရဲ့ အခွင့်အရေးကို အာမခံပေးထားတယ်လို့လည်း အစည်းအဝေးကို တက်ရောက်လာကြတဲ့ ခေါင်းဆောင်တွေ၊ ပညာရှင်တွေက ပြောကြားခဲ့ပါတယ်။

“ဘာသာရေးလွတ်လပ်ခွင့်ကို ကုရ်အာန်ထဲမှာ ဖော်ပြထားပါတယ်။ ဒီသတင်းစကားကို ကျယ်ကျယ်ပြန့်ပြန့်သိရှိအောင်ဆောင်ရွက်ဖို့ လိုအပ်သလို IS နဲ့ အလ်ကိုင်းဒါးတို့က ဖြန့်ချီနေတဲ့ အယူအဆတွေကို တိုက်ဖျက်ဖို့လည်း လိုအပ်ပါတယ်” လို့ အမေရိကန်က ဘာသာပေါင်းစုံချစ်ကျည်ရေး တက်ကြွလှုပ်ရှားသူ အစ္စလာမ့်ဓမ္မပညာရှင် မိုဟာမက် အဲလ်ဆာနျူဆီက ပြောကြားခဲ့ပါတယ်။

အီဂျစ်နိုင်ငံက မွဖ်သီကြီးတစ်ဦးဖြစ်တဲ့ ရှော်ကီ အာလမ်က အစ္စလာမ့်ရရှီအသ်လမ်းစဉ်ဟာ လူသားအားလုံးရဲ့ အခွင့်အရေးကို အာမခံထားပြီး လူသားဖြစ်တည်မှုအကြား ခွဲခြားထားတာမရှိဘူးလို့ ပြောကြားခဲ့ပါတယ်။ နောက်ပြီး အစ္စလာမ်ဟာ သာတူညီမျှဖြစ်မှု၊ တရားမျှတမှုနဲ့ လူ့အသက်ပေါ် လေးစားမှုတွေထားဖို့ တိုက်တွန်းထားတယ်လို့လည်း မွဖ်သီကြီးက ဆိုပါတယ်။

“အစ္စလာမ်က မွတ်စလင်မဟုတ်သူတွေအတွက် ငြိမ်းချမ်းစွာ အတူယှဉ်တွဲနေထိုင်မှုကို အာမခံထားရုံတင်မကဘဲ၊ သူတို့ရဲ့ ဘာသာတရားကို လွတ်လပ်စွာကျင့်သုံးခွင့်လည်း ပေးအပ်ထားပါတယ်”

Ref: npr.org, allafrica.com, deseretnews