တစ်နေ့ ပန်းသီးတစ်လုံးစားခြင်းဖြင့် ကိုယ်အလေးချိန်လျော့ကျစေနိုင်

ဇန်န၀ါရီ ၃၀၊ ၂၀၁၆
M-Media

– တစ်နေ့ပန်းသီးတစ်လုံးစားခြင်းဖြင့် ကျန်းမာရေးအတွက် ကောင်းမွန်သလို ကိုယ်အလေးချိန်ကိုလည်း ကျစေနိုင်တယ်လို့ ဗြိတိန်သုတေသီများက ပြောဆိုလိုက်ပါတယ်။

သူတို့ရဲ့ လေ့လာမှုအတွင်းမှာ ဖလာဗိုနွိုက်များများပါဝင်တဲ့ အသီးအနှံတွေက ကိုယ်အလေးချိန် မတက်စေတာကို တွေ့ရှိခဲ့ရတာကြောင့် ဖလာဗိုနွိုက်ပါဝင်ပြီး အလွယ်တကူ ၀ယ်ယူလို့ရနိုင်နဲ့ ပန်းသီးကို ပုံမှန်စားသုံးခြင်းပေးခြင်းအားဖြင့် ကိုယ်အလေးချိန်ကို လျော့ကျစေနိုင်တာ ဖြစ်ပါတယ်။

ပန်းသီးအပြင် အဲဒီ ဖလာဗိုနွိုက်ကို ဘယ်ရီသီး၊ ပန်းသီး၊ သစ်တော်သီး၊ စတော်ဘယ်ရီသီးနဲ့ မုန်လာဥတွေမှာလည်း တွေ့ရပါတယ်။

အဲဒီဒြပ်ပေါင်းမှာ ဆဲလ်ပျက်စီးမှုကို ကာကွယ်ပေးပြီး၊ ဓာတ်တိုးဆန့်ကျင်တဲ့ အကျိုးသက်ရောက်မှုတွေ ရှိပါတယ်။ ကျွမ်းကျင်ပညာရှင်တွေကတော့ ယင်းဒြပ်ပေါင်းတွေဟာ အစားအစားတွေကနေ ရရှိတဲ့ သကြားလို စွမ်းအင်တွေကို လျှော့ချရာမှာလည်း အကူညီပေးတယ်လို့ ဆိုထားပါတယ်။

အင်္ဂလန်က East Anglia တက္ကသိုလ်နဲ့ ဟားဗတ်ဆေးတက္ကသိုလ်မှာရှိတဲ့ သုတေသီတွေက အချို့ဖလာဗိုနွိုက်ဒြပ်ပေါင်းတွေဟာ ကိုယ်အလေးချိန်မတက်အောင် ထိန်းသိမ်းပေးတဲ့အပြင် ၀ိတ်အနည်းငယ်ကျဆင်းအောင်တောင် ကူညီပေးနိုင်ကြောင်းကို တွေ့ရှိခဲ့ပါတယ်။

ဖလာဗိုနွိုက် ၈၀ ဂရမ် (၂.၈ အောင်စ) ပါဝင်တဲ့ အသီးအနည်းငယ်ကို နေ့စဉ်စားသုံးပေးပြီး လေးနှစ်ကြာတဲ့အခါ မှာ ကိုယ်အလေးချိန် ၂ ပေါင် နဲ့ ၁၀ အောင်စ ကျစေပါတယ်။ အဲဒီ လေးနှစ်တာကာလအတွင်းမှာ သာမန် အမျိုးသမီးတစ်ဦးဟာ ၂ ပေါင်နဲ့ ၃ အောင်စလောက် ကိုယ်အလေးချိန် တက်နိုင်ပြီး၊ သာမန်အမျိုးသားတစ်ဦးကတော့ ၄ ပေါင် ၆ အောင်စလောက် ကိုယ်အလေးချိန် တက်နိုင်ပါတယ်။

သုတေသနပညာရှင်တွေဟာ အမျိုးသမီးအုပ်စုတစ်ခုအပါအ၀င် အုပ်စုကြီး ၃ စုကို ၂၄ နှစ်ကြာ စောင့်ကြည့်ခဲ့တာဖြစ်ပါတယ်။ အဲဒီ သုတေသနအတွင်းမှာ အသီးတွေမှာ ပါဝင်တတ်တဲ့ အန်သိုဆိုင်ယာနင်၊ flavan-3-ols၊ ဖလာဗာနုန်းနဲ့ ဖလာဗာနော ဒြပ်ပေါင်းတွေနဲ့ အ၀လွန်ခြင်းရောဂါတို့အကြား ဆက်စပ်မှုကို လေ့လာခဲ့တာပါ။

ဘလူးဘယ်ရီနဲ့ စတော်ဘယ်ရီသီးတွေဟာ အန်သိုဆိုင်ယာနင် ဒြပ်ပေါင်းတွေ အဓိကပါဝင်တဲ့အစားအစာဖြစ်ပြီး flavan-3-ols ဒြပ်ပေါင်းတွေကိုတော့ လက်ဖက်နဲ့ ပန်းသီးတွေကနေ ရရှိနိုင်ပါတယ်။

Ref; IINA