ဆော်ဒီ ဗိသုကာ နယ်မြေအတွင်း ကျောက်ခေတ်နှင့် ကြေးခေတ် အသုံးအဆောင်များ တွေ့ရှိ

ဖေဖော်ဝါရီ ၂၊ ၂၀၁၆
M-Media

– ဆော်ဒီ-ပြင်သစ် ဗိသုကာရှင်များ ပူးပေါင်းကာ ဆော်ဒီမြို့တော် ရီယာ့ဒ်မှာရှိတဲ့ အလ်ခါ့ဂ်ျဒေသက သမိုင်းဝင်နေရာတွေကို တူးဖော်ရှာဖွေမှုအတွင်း ကျောက်ခေတ်၊ ကြေးခေတ်နဲ့ အဘ္ဘာစစ်ဘုရင်တွေလက်ထက်က ရှေးဟောင်းသမိုင်းဝင်ပစ္စည်းများကို ရှာဖွေတွေ့ရှိခဲ့တယ်လို့ သိရပါတယ်။

အဲဒီလိုရှာဖွေတွေ့ရှိမှုကြောင့် ကမ္ဘာလှည့်ခရီးသွားလာရေးလုပ်ငန်း မြှင့်တင်ရေးအတွက် အရေးပါတဲ့နေရာတစ်ခု ဖြစ်လာမှာဖြစ်ပြီး ဆော်ဒီ ကမ္ဘာလှည့်ခရီးသွားလုပ်ငန်းနှင့် ရှေးဟောင်းအမွေအနှစ်များဆိုင်ရာ ကော်မရှင် (SCTNH) က တာဝန်ရှိသူ တစ်ဦးကတော့ ရီယာ့ဒ်မြို့တော်ဝန် မင်းသား ဖိုင်ဆယ် ဘင် ဘန်ဒါက ဆော်ဒီ-ပြင်သစ်အဖွဲ့ရဲ့ အလ်ခါ့ဂ်ျ ဒေသမှာရှိတဲ့ အလ်ယမာမာဟ် ရှေးဟောင်းသမိုင်းဝင်နယ်မြေမှာ ဗိသုကာဆိုင်ရာ တူးဖော်ရှာတွေ့မှုတွေကို လက်ခံအသိအမှတ်ပြုခဲ့တယ်လို့ ပြောခဲ့ပါတယ်။

အလ်-ခါ့ဂ်ျဒေသမှာ ရှေးဟာင်းသုတေသနလုပ်ငန်း လုပ်ဆောင်နေတာဟာ ၅ နှစ်ရှိနေပြီဖြစ်ပါတယ်။

“အဲဒီအချိန်ကာလအတွင်းမှာ တူးဖော်ရေးအဖွဲ့ဟာ အနောက်မြောက် ရှဒီဒါတောင်ကုန်းမှာ ကျောက်ခေတ်လက်ရာတွေကို တွေ့ရှိခဲ့ပြီး အလ်ခရာခ်ျအလယ်လောက်မှာရှိတဲ့ သမိုင်းဝင် အလ်-ဘီနာမှာတော့ ဗလီတစ်လုံးကို တွေ့ရှိခဲ့ပါတယ်” လို့ အဲဒီတာဝန်ရှိသူက ထည့်သွင်းပြောကြားခဲ့ပါတယ်။

ဗိသုကာပညာရှင်တွေရဲ့အဆိုအရ ယင်းဗလီဝတ်ကျောင်းတော်ဟာ အဘ္ဘာစစ် ဘုရင်တွေလက်ထက်က ဗလီဖြစ်တယ်လို့ ဆိုပါတယ်။ ကမ္ဘာလှည့်ခရီးသွားလုပ်ငန်းအတွက် ရှေးဟောင်းအမွေအနှစ်ဆိုင်ရာ နေရာအဖြစ် ထိန်းသိမ်းစောင့်ရှောက်ဖို့ ရီယာ့ဒ်မြို့ အုပ်ချုပ်ရေးအဖွဲ့၊ အလ်-ခါ့ဂ်ျ စည်ပင်သာယာအဖွဲ့တို့ဟာ SCTNH၊ ရီယာဒ်မြို့တော် ဖွံ့ဖြိုးရေးအာဏာပိုင်အဖွဲ့တို့နဲ့ ပူးပေါင်းဆောင်ရွက်နေတယ်လို့ ဆိုပါတယ်။

အလ်-ခ့ါဂ်ျက ဘုရင်အဘ်ဒူလ်အဇီးဇ် ဘုရင့်နန်းတော်နဲ့ ပတ်ပတ်လည်နေရာကို ပြန်လည်တူးဖော်ကာ သမိုင်းဝင်နေရာတစ်ခု အဖြစ်ပြောင်းလဲသွားဖို့လည်း သူတို့က စီစဉ်နေပါတယ်။

SCTNH ရဲ့ ဒီလို အားထုတ်ကြိုးပမ်းမှုတွေဟာ ဗိသုကာနေရာတွေကို ရှာဖွေဖော်ထုတ်ပြီး ဆော်ဒီနိုင်ငံရဲ့ ယဉ်ကျေးမှုအမွေအနှစ်များကို ထုတ်ဖော်ပြသနိုင်ဖို့၊ ရီးသွားလုပ်ငန်းကို ပိုမိုမြှင့်တင်ဖို့နဲ့ ပြည်သူလူထုကို ပိုမိုချပြနိုင်ဖို့ ရည်ရွယ်တာဖြစ်ပါတယ်။

Ref: Arabnews