ဇီဒိန်းမှာ လာမည့်နှစ်တွင် ရီးယဲလ်၌ ဆက်ရှိနေရမည်ဟု အန်ဆယ်လော့တီပြော

ဖေဖော်ဝါရီ ၂၆၊ ၂၀၁၆
M-Media

– ရီးယဲလ်မှာ ယခုနှစ်တွင် ဖလားတစ်လုံးမှ မဆွတ်ခူးနိုင်သည့်တိုင်အောင် နည်းပြ ဇီဒိန်းအား ဆက်ရှိနေစေရမည်ဟု နည်းပြဟောင်း အန်ဆယ်လော့တီက ပြောကြားလိုက်သည်။

အန်ဆယ်လော့တီမှာ ရီးယဲလ်အား နည်းပြစဉ်က ချန်ပီယံလိဂ်ဖလားကို ၁၀ ကြိမ်မြောက် ကိုင်မြှောက်ခွင့်ရအောင် စွမ်းဆောင်ပေးနိုင်ခဲ့ကာ သမိုင်းဝင် အခြေအနေတစ်ခုကို ရရှိစေခဲ့သည်။ ဘင်နီတက်ဇ်အား အသင်းက ထုတ်ပယ်ခဲ့ပြီးနောက် နည်းပြသစ်ဖြစ်လာသည့် ဇီဒိန်းမှာ လက်ရှိအချိန်အထိ အသင်းအား ရလဒ်ကောင်းများ ရရှိအောင် စွမ်းဆောင်ပေးထားနိုင်ပြီး ပရိတ်သတ်များကလည်း ၎င်းအပေါ် မျှော်လင့်ချက်များ ပုံအောထားကြသည်။

“ရာသီကုန်မှာ ဘယ်လိုအခြေအနေမျိုးပဲဖြစ်ဖြစ်၊ ဇီဒိန်းဟာ နောက်နှစ်မှာ နည်းပြအဖြစ် ဆက်ရှိနေသင့်ပါတယ်။ ချန်ပီယံလိဂ်ဟာ မလွယ်ကူပါဘူး။ အားထုတ်မှုအများကြီး လိုအပ်ပြီး၊ တော်တော်လေး အာရုံစူးစိုက်မှု ရှိရပါတယ်။ အမှားအတွက် ဆင်ခြေမရှိပါဘူး။ ကံနည်းနည်းကောင်းဖို့လည်း လိုအပ်ပါတယ်” ဟု အန်ဆယ်လော့တီက Sina Sports သို့ ပြောကြားခဲ့သည်။

Ref: Goal