ပါလက်စတိုင်းကို အီးယူက ကန်ဒေါ်လာ ၂၅၂.၅ သန်း ကူညီရန် အတည်ပြု

မတ် ၄၊ ၂၀၁၆
M-Media

– ပါလက်စတိုင်း အာဏာပိုင်အဖွဲ့ (PA) နဲ့ ပါလက်စတိုင်း ဒုက္ခသည်တွေအတွက် ယူရို ၂၅၂.၅ သန်း ကူညီဖို့ ဥရောပသမဂ္ဂ ကော်မရှင်က အတည်ပြုခဲ့ပြီး ပါလက်စတိုင်းကို ၂၀၁၆ ခုနှစ်အတွင်း ပေးအပ်မယ့် အကူအညီရဲ့ ပထမဆုံး အစိတ်အပိုင်း ဖြစ်တယ်လို့လည်း သိရပါတယ်။

“အခုအစီအစဉ်ကနေတဆင့် ပါလက်စတိုင်းပြည်သူတွေရဲ့ ကျန်းမာရေးနဲ့ ပညာရေးကဏ္ဍက နေ့စဉ် လိုအပ်ချက်တွေကို အီးယူက ပံ့ပိုးပေးသွားမှာပါ။ ပြီးတော့ နိုင်ငံတစ်ဝှမ်းက အချို့တဲ့ဆုံး မိသားစုတွေကို ကာကွယ်ရင်း၊ ပါလက်စတိုင်း ဒုက္ခသည်တွေရဲ့ လိုအပ်ချက်တွေကို ဖြည့်ဆည်းပေးသွားမှာ ဖြစ်ပါတယ်” လို့ အီးယူကိုယ်စားလှယ်အကြီးအကဲ ဖက်ဒရီကာ မိုဂါရီနီက အင်္ဂါနေ့မှာ ထုတ်ပြန်ခဲ့တဲ့ ကြေငြာချက်မှာ ဖော်ပြခဲ့ပါတယ်။

“အခုလုပ်ဆောင်ချက်တွေက မလုံလောက်သေးပါဘူး၊ ပါလက်စတိုင်းအဖွဲ့အစည်းတွေကို ပိုမိုအားကောင်းလာအောင်၊ ပိုပြီး ပွင့်လင်းမြင်သာမှုရှိလာအောင်၊ ပိုပြီးတာဝန်ခံနိုင်အောင်နဲ့ ဒီမိုကရေစီဆန်လာဖို့ကိုလည်း ကြိုးပမ်းရဦးမှာ ဖြစ်ပါတယ်”

ယခုအစီအစဉ်အရ ယူရိုသန်း ၁၇၀.၅ သန်းကို ကျန်းမာရေးနဲ့ ပညာရေးဝန်ဆောင်မှုတွေ ပေးအပ်ရာမှာ တိုးတက်စေဖို့အတွက် ပါလက်စတိုင်းအာဏာပိုင်အဖွဲ့ကို ကူညီပေးနေတဲ့ PEGASE လုပ်ငန်းစဉ်ကနေ ပါလက်စတိုင်းအာဏာပိုင်အဖွဲ့ကို တိုက်ရိုက် လွှဲပြောင်းပေးအပ်သွားမှာ ဖြစ်ပါတယ်။

ကျန်ရှိတဲ့ ယူရို ၈၂ သန်းကိုတော့ အစ္စရေးက ပိတ်ဆို့ထားတဲ့ ဂါဇာကမ်းမြှောင်မှာ ဒုက္ခရောက်နေတဲ့ ပါလက်စတိုင်းပြည်သူတွေကို အကူအညီပေးနေတဲ့ ကုလသမဂ္ဂ UNRWA အဖွဲ့ကို လွှဲပြောင်းပေးမှာဖြစ်ပြီး ဒေသတစ်လျှောက်မှာရှိတဲ့ ပါလက်စတိုင်း ဒုက္ခသည်တွေအတွက် မရှိမဖြစ်လိုအပ်တဲ့ အကူအညီတွေ ပေးနိုင်ဖို့ဖြစ်ပါတယ်။

ပါလက်စတိုင်းတွေအတွက် ဒုတိယမြောက် ကူညီရေးအစီအစဉ်ကိုတော့ ယခုနှစ်နောက်ဆုံးပိုင်းလောက်မှာ ကြေညာမယ်လို့ ဆိုပါတယ်။ ၂၀၀၈ ခုနှစ်က အီးယူကနေ တည်ထောင်လိုက်တဲ့ PEGASE လုပ်ငန်းစဉ်ဟာ ပါလက်စတိုင်းအာဏာပိုင်အဖွဲ့ရဲ့ ဘက်ဂျက်ထဲကို အီးယူနဲ့ အဖွဲ့ဝင်နိုင်ငံတွေရဲ့ဘက်ဂျက်ကနေ တိုက်ရုိုက်ထောက်ပံ့ပေးဖို့ အသုံးပြုနေတဲ့ လုပ်ငန်းစဉ်ဖြစ်ပါတယ်။

Ref: IINA