ချန်ပီယံလိဂ်ဝင်ခွင့်နေရာကို ချယ်ဆီး စွန့်လွှတ်

မတ် ၆၊ ၂၀၁၆
M-Media

– ပရီးမီးယားလိဂ် ထိပ်ဆုံး ၄ သင်းအတွင်း ၀င်ရန်မှာ ချယ်ဆီးအတွက် မဖြစ်နိုင်သလောက် ဖြစ်သွားပြီဟု နည်းပြ ဂူစ်ဟစ်ဒင့်က ၀န်ခံပြောကြားလိုက်သည်။

ယမန်နေ့က ကစားခဲ့သည့် စတုတ်စီးတီးအသင်းနှင့်ပွဲတွင် ချယ်ဆီးမှာ ဘားထရန့် ထရာအိုယေး၏ဂိုးဖြင့် ဦးဆောင်ခဲ့သော်လည်း ချေပဂိုးပြန်ပေးခဲ့ရကာ သရေတစ်မှတ်ဖြင့်သာ ကျေနပ်ခဲ့ရသည်။ ထို့ကြောင့် ချယ်ဆီးမှာ အဆင့် ၁၀ နေရာတွင် ရပ်တည်နေပြီး စတုတ္ထနေရာမှ မန်စီးတီးအသင်းနှင့် ၁၀ မှတ် ကွာဟသွားပြီဖြစ်သည်။

ဟစ်ဒင့်ကမူ ချန်ပီယံလိဂ်ဝင်ခွင့်မျှော်လင့်ချက်ကို စွန့်လွှတ်ခဲ့သည်။

“(ထိပ်ဆုံးလေးနေအတွင်း ၀င်ဖို့ကတော့) မဖြစ်နိုင်သလောက် ဖြစ်သွားပါပြီ။ အထူးသဖြင့် အခြားအသင်းတွေက အပြိုင်ကြိုးစားနေတဲ့အခါမှာပါ။ တစ်ဖက်ကကြည့်ရင် ဒီဇင်ဘာမှာ တန်းဆင်းဇုန်နဲ့ တစ်မှတ်သာ ကွာနေတဲ့ ကျွန်တော်တို့အသင်းဟာ ပြန်လာနိုင်ခဲ့တာ ဖြစ်ပါတယ်။ ဒီလောက် အချိန်တိုတိုလေးအတွင်းမှာ ကျွန်တေ်ာတို့ဟာ အန္တရာယ်ကင်းတဲ့နေရာကို ရောက်လာခဲ့ပါတယ်။ ချယ်ဆီးရဲ့ ပုံမှန်အနအထားနဲ့ ဇယားအလယ်လောက် ရောက်နေတာဟာ မလုံလောက်ပါဘူး” ဟု ဟစ်ဒင့်က ပြောကြားခဲ့သည်။

Ref : Goal