အင်တာနက်စာမျက်နှာမှာ တွေ့မိသမျှ

စက်တင်ဘာ၊ ၃၊ ၂၀၁၂

M-Media

Lily Flower

အခုနောက်ပိုင်း အထူးသဖြင့် အွန်လိုင်းလောက(အင်တာနက်စာမျက်နှာတွေ)မှာ ကျမမြင်တွေ့နေရတာပြောပြချင်ပါတယ်။

ဒီလို ပြောလိုက်တာက ကျမ အခုရေးတဲ့စာဟာ အင်တာနက်စာမျက်နှာပေါ်မှာဖြစ်လို့ အွန်လိုင်းလောကလို့ပြောလိုက်ခြင်းပါ။ တကယ်တမ်းတော့ အပြင်လောကမှာလည်း ရိုက်ခတ်သက်ရောက်နေတာရှိပါတယ်။

ဘာကိုမြင်တွေ့နေရသလဲဆိုရင် တစ်ယောက်နဲ့တစ်ယောက် မကြားဝံ့မနာသာပြောဆိုရေးသားမှုတွေ၊ ဘာသာတရားကိုထိုးနှက်တိုက်ခိုက်မှုတွေ စတဲ့ မကောင်းမြင်မှုတွေကို အဓိကတွေ့နေရပါတယ်။ ဘာကြောင့် အဲလိုတွေဖြစ်နေရတာလဲ။ အဖြေကရှင်းပါတယ်။ နားလည်မှုမရှိကြလို့ပါ။ နားလည်မှုမရှိဘူးဆိုတာ တစ်ယောက်နဲ့တစ်ယောက် ပြောဆိုတဲ့စကားလုံးအသုံးအနှုန်း (အသားလွတ် ကြမ်းတမ်းရိုင်းစိုင်းတဲ့ အရေးအသားများကို မဆိုလိုပါ)၊ နောက် ခိုင်မာတဲ့ သမိုင်းကြောင်း၊ နောက်ပြီးတော့ ဘာသာတရား (မိမိဘာသာအပြင် အခြားသူရဲ့ဘာသာတရား) အစရှိတဲ့ အကြောင်းအရာတွေကို ဆိုလိုပါတယ်။

တစ်ယောက်က ရေးသားလိုက်တဲ့စကားလုံးက ဘာကိုရည်ရွယ်တယ်ဆိုတာ နောက်တစ်ယောက်က သေချာနားမလည်ပဲ ကိုယ်တိုင်ရဲ့စိတ်အလိုကျ မကောင်းမြင်ပြီး အဲဒီ မကောင်းမြင်စိတ်နဲ့ပဲ နားလည်မှုလွဲစွာ ပြန်လည်ရေးသားလိုက်တတ်ကြတယ်။

နောက်တစ်ခု သမိုင်းကြောင်းကို နားမလည်တာပါ။ သမိုင်းဆိုတာ ဒဏ္ဍာရီမဟုတ်ပါဘူး။ ပါးစပ်ပြောပုံပြင်မဟုတ်ပါဘူး။ တကယ်ဖြစ်ပျက်တည်ရှိခဲ့တာကို သမိုင်းလို့ခေါ်တာပါ။ ဒီတော့ ခိုင်မာတဲ့သမိုင်းကြောင်းတွေကို ကိုယ်တိုင်နားလည်သဘောပေါက်ခြင်းမရှိထားတော့ ကိုယ်ကြားဖူးခဲ့တဲ့ ပုံပြင် ဒဏ္ဍာရီကိုသာ သမိုင်းလို့ထင်ပြီး တကယ့်သမိုင်းကို လက်မခံတော့ဘဲ ဇွတ်ငြင်းတော့တာဟာလည်း သမိုင်းကြောင်းကို နားမလည်တာပါပဲ။ ဒါကြောင့် ကိုယ်တိုင် မသိတာနဲ့ဘဲ သမိုင်းမရှိဘူးလို့ တပ်အပ်မပြောဘဲ သေချာလေ့လာသင့်ပါတယ်။ အခြားတစ်ယောက်/လူတစ်စုရဲ့ သမိုင်းကို လိမ်ညာခြင်း၊ ဖျောက်ဖျက်ခြင်းတွေကို ကိုယ်တိုင်က မသိပဲ၊ သေချာမလေ့လာပဲ အဲဒီသူတွေပြောတဲ့ သမိုင်းလိမ်ကို ယုံကြည်လက်ခံလိုက်ခြင်းဟာလည်း သမိုင်းကိုနားမလည်စေတော့တဲ့ အချက်တစ်ခုပါပဲ။ အဲဒီအခါမှာ ကိုယ်လက်ခံထားတဲ့သမိုင်းကသာ အမှန်ဖြစ်တယ်ဆိုပြီး အမှားကိုအမှန်အဖြစ် ဇွတ်အတင်းတွန်းပို့တော့တာဟာ သမိုင်းကိုနားမလည်ဘူးဆိုတာ ထင်ထင်ရှားရှားကြီး ပေါ်လွင်နေပါတယ်။ ဒါကြောင့် သမိုင်းမှန်ကို သိရှိလက်ခံနိုင်တတ်ဖို့ အလွန်အရေးကြီးပါတယ်။

နောက်တစ်ခုက ဘာသာရေးကို နားမလည်တာပါ။ ဘာသာတရားတိုင်းမှာ တကယ့်စစ်မှန်တဲ့အနှစ်သာရတွေနဲ့ ပြည့်နေပါတယ်။ ဘာသာတရားတိုင်းရဲ့ လမ်းပြပုဂ္ဂိုလ်တွေဟာ လူတွေကို မကောင်းမှုလုပ်ဖို့မသွန်သင်ပါဘူး။ ကောင်းမှုတွေကိုပဲ သွန်သင်ခဲ့တာပါ။ ဒီတော့ ကိုယ့်ဘာသာတရားရဲ့ တကယ့်အနှစ်သာရက ဘာကိုလဲဆိုတာ နားလည်ဖို့ပါတယ်။ ကိုယ့်ဘာသာတရားကိုမှ အားလုံးနားမလည် မသိပဲနဲ့ သူများဘာသာတရားကို စော်ကားတာမျိုးဟာမဖြစ်သင့်ပါဘူး။ ဘာသာတရားဆိုတာ လူတစ်ယောက်ရဲ့ ပါးစပ်ဖျားက အော်နေတာထက် နှလုံးသားထဲကသာ ယုံကြည်သင့်တာပါ။ ကိုယ့်ဘာသာတရားသာ ကိုယ့်နှလုံးသားမှာပြည့်နေရင်၊ လူတိုင်းရဲ့နှလုံးသားမှာပြည့်နေရင် အဲဒီဘာသာတရားပျောက်ကွယ်သွားမှာလည်း ပူစရာမလိုပါဘူး။

ကိုယ့်ဘာသာတရားပျောက်ပျက်မှာစိုးလို့ တစ်ခြားဘာသာတရားကို နှိမ့်ချပြောစရာလည်းမလိုပါဘူး။ လူတစ်ယောက်ဟာ ကိုယ်တိုင်က သီလသမာဓိနဲ့လုံခြုံပြည့်စုံနေရင် ဘယ်သူကပဲ မကောင်းမှုလုပ်ဖို့တိုက်တွန်းတိုက်တွန်း အဲဒီသမာဓိအပြည့်နဲ့လူရဲ့ သမာဓိကပျောက်ပျက်သွားမှာမဟုတ်ပါဘူး။ တကယ်လို့ သူသာ သမာဓိနဲ့မပြည့်စုံရင်တော့ သူများကနည်းနည်းလာတိုက်တွန်းတာနဲ့ သမာဓိလျော့မှာပါပဲ။ ဘာသာတရားဆိုတာလည်းအဲလိုပါပဲ လူတစ်ယောက်ရဲ့နှလုံးသားထဲက နှစ်နှစ်ကာကာ ယုံကြည်တယ်ဆိုရင် တစ်ခြားဘာသာကို ကူးပြောင်းဖို့ဆိုတာ အလွန်ကိုခဲယဉ်းပါတယ်။ ဒါကြောင့် ကိုယ်လက်ခံရာဘာသာတရားကို စိတ်နှလုံးသားနဲ့ ယုံကြည်တယ်ဆိုရင် ကိုယ့်ဘာသာ ပျောက်ပျက်သွားမှာ ပူပင်နေစရာမလိုပါဘူး။ ကိုယ်ယုံကြည်ရာ ဘာသာတရား မပျောက်ပျက်အောင် ထိန်းသိမ်းဖို့ပဲလိုပါတယ်။ ကိုယ့်ဘာသာတရား ပျောက်ပျက်မှာစိုးလို့ ထိန်းသိမ်းတယ်ဆိုပြီး တစ်ခြားဘာသာတရားအကြောင်း မဟုတ်မမှန်ပြောဆိုခြင်းဟာ  တစ်ခြားဘာသာကို အပုတ်ချပြောဆို ရေးသားခြင်းသာဖြစ်ပါတယ်။ တကယ်လို့ အဲလိုမဟုတ်မမှန်ပြောတာဟာ ကိုယ်သိထားတဲ့ အနည်းငယ်လေးနဲ့ပဲပြောတာဆိုရင်တော့ လေးနက်တဲ့ တရားစစ်မှန်တွေကို ပိုမိုသိရှိအောင် လေ့လာဖို့လိုပါတယ်။

ကိုယ့်ဘာသာတရားကို တကယ်တန်ဖိုးထား လေးစားနားလည်သူဟာ သူတစ်ပါးရဲ့ ဘာသာ သာသနာကို မဟုတ်မမှန် ယုတ်ညံ့တဲ့ စော်ကားပြောဆိုမှုမျိုးကို ဘယ်သောအခါမှ ပြုလုပ်မှာမဟုတ်ပါဘူး။ ဘာကြောင့်လဲ ဆိုတော့ ဘာသာတရားမှာရော ဘာသာတရားရဲ့လမ်းပြပုဂ္ဂိုလ်တွေကရော တစ်ခြားသူကို စော်ကားပြောဆိုဖို့ မသွန်သင်ခဲ့လို့ပါ။ ဒီတော့ သူများဘာသာ သာသနာကို  စော်ကားနေသူတွေ အနေနဲ့ ပထမဦးဆုံးက ကိုယ့်ဘာသာ တရားရဲ့အနှစ်သာရကို သေချာနားလည်အောင်လေ့လာဖို့ နှလုံးသွင်းဖို့ လိုအပ်ပါတယ်။ ဒုတိယကတော့ တစ်ခြားဘာသာသာသနာရဲ့ အနှစ်သာရကို နားလည်အောင်လေ့လာသင့်ပါတယ်။

(ဒီလိုပြောရတာက တချို့တချို့သော ဘုန်းဘုန်းတွေရဲ့ တရားတော်တွေကို ကျမ အမြဲတမ်း နားထောင်လေ့ရှိလို့ပါ။ ထေရ်ကြီးဝါကြီးဆရာတော်တချို့ တရားပွဲတွေလုပ်ရင် နိဗ္ဗာန်ရောက်ကြောင်းတရားဒေသနာဟောကြားခြင်းလို့ ခေါင်းစဉ်တပ်ထားပေမယ့် တခြားသာသနာကို မကောင်းပြောနေတာပိုများပါတယ်။ မကောင်းပြောတယ်လို့ ကျမသုံးနှုန်းလိုက်ရတာက ဘုန်းဘုန်းတို့ဟောနေ ပြောနေတာတွေက တခြားဘာသာတရားရဲ့ အနှစ်သာရနဲ့ တလွဲဖြစ်နေလို့ပါ။ တချို့ဆို ဘာသာခြားမုန်းတီးရေးကို တမင်တကာဟောကြားနေတာပါပဲ။ ဘုန်းဘုန်းတို့ဟောကြားလိုက်တဲ့ တရားတွေကို နာယူနေတဲ့ ဒကာဒကာမတွေဟာ တခြားဘာသာအကြောင်းကိုမသိတဲ့အခါ ဘုန်းဘုန်းတို့ဟောကြားတာတွေကို အမှန်လို့ထင်မှတ်ပြီး တခြားဘာသာဝင်တွေအပေါ် အမြင် မကြည်လင်မှုတွေ ဖြစ်လာပါတယ်၊ ကိုယ့်ဘာသာကို လွှမ်းမိုးခြယ်လှယ်တော့မယ်လို့ ထင်မှတ်ပြီး မုန်းတီးမှုတွေဖြစ်လာပါတယ်။ ဒါကြောင့် ဘုန်းဘုန်းတွေလည်း တရားဒေသနာ ဟောကြားတဲ့အခါမှာ သူများသာသနာကို သေချာ နားမလည်လို့ပဲဖြစ်ဖြစ် နားလည်ရက်နဲ့ဖြစ်ဖြစ် လွဲမှားစွာဟောကြားခြင်းထက် မိမိတို့ဘာသာရဲ့ နိဗ္ဗာန်ရောက်ကြောင်း တရားတော် အစစ်အမှန်များကို ဟောကြားခြင်းဖြင့်သာ မိမိယုံကြည်ရာ ဘာသာကို ထိန်းသိမ်းနိုင်ပါတယ်။)

ဘာသာပေါင်းစုံချစ်ကြည်ရေးဖော်ဆောင်မှုဖြင့် ဘာသာပေါင်းစုံ စုပေါင်းနေထိုင်ကြတဲ့ သတ္တလောကကြီးကိုလည်းအလှဆင်သင့်ပါတယ်။ ဘာသာပေါင်းစုံ ချစ်ကြည်ရင်းနှီးစွာနေထိုင်ရင်း အေးချမ်းသာယာတဲ့ အမိမြန်မာပြည်ကို အလှဆင်နိုင်ကြပါစေ။

Lily Flower