ကိုယ်လက်လေ့ကျင့်ခန်းက ကင်ဆာ ၁၃ မျိုးကို ကာကွယ်ပေး

မေ ၂၀၊ ၂၀၁၆
M-Media

– ကိုယ်လက်လေ့ကျင့်ခန်း ပြုလုပ်ခြင်းက သေဆုံးမှုများလေ့ရှိတဲ့ ရောဂါတစ်ချို့ အပါအ၀င် ကင်ဆာရောဂါအမျိုးအစား တော်တော်များများကို ထိထိရောက်ရောက် ကာကွယ်ပေးနိုင်တယ်လို့ အမေရိကန်မှာ မကြာသေးမီက ပြုလုပ်ခဲ့တဲ့ လေ့လာမှုတစ်ခုအရ သိရပါတယ်။

အဲဒီလေ့လာမှုကို မြောက်ကယ်ရိုလိုင်းနားက ချက်ပဲဟေးလ် ပြည်သူ့ကျန်းမာရေးတက္ကသိုလ်မှာ ပြုလုပ်ခဲ့တာဖြစ်ပါတယ်။ လေ့လာမှုအတွင်း အရွယ်ရောက်ပြီးသူပေါင်း ၁.၄ သန်းလောက်ကို စောင့်ကြည့်ခဲ့ပြီး တစ်ပတ်မှာ နှစ်နာရီစာလောက် ကိုယ်လက်လေ့ကျင့်ခန်း ပြုလုပ်ခြင်းဟာ ရင်သားကင်ဆာ၊ အူမကြီးကင်ဆာ၊ အဆုတ်ကင်ဆာ စတာတွေ အပါအ၀င် ကင်ဆာ ရောဂါ ၁၃ မျိုး ဖြစ်နိုင်ချေကို လျော့ကျစေတယ်လို့ တွေ့ရှိခဲ့တာဖြစ်ပါတယ်။

လေ့လာမှုကို ဦးဆောင်သူဖြစ်ပြီး အမေရိကန် ကင်ဆာသုတေသနဌာနက တာဝန်ရှိသူတစ်ဦးဖြစ်တဲ့ စတီဗင်မိုးရ်ကတော့ ကိုယ်လက်လေ့ကျင့်ခန်းပြုလုပ်တဲ့ အချိန်အတိုင်းအတာ မြင့်တက်လေလေ၊ ကင်ဆာရောဂါဖြစ်ပွားမှုအန္တရာယ် လျော့ကျလေပဲလို့ ပြောကြားခဲ့ပါတယ်။

ဒါပေမယ့် ဒီတွေ့ရှိချက်ဟာ လေ့ကျင့်ခန်းလုပ်မှုနဲ့ ကင်ဆာလျော့ကျမှုအန္တရာယ်အကြား ဆက်နွယ်မှုကိုပဲ ဖော်ထုတ်နိုင်တာဖြစ်ပြီး ဘာ့ကြောင့် ဒီလိုကျဆင်းတယ်ဆိုတဲ့ အကြောင်းအရင်းကိုတော့ သက်သေမပြနိုင်ခဲ့ပါဘူး။

Ref: INA