ကမ္ဘာတစ်ဝှမ်း ငတ်မွတ်ခြင်းကြောင့် သေဆုံးမှုမှာ အဓိကရောဂါများဖြင့် သေဆုံးမှုထက် ပိုမိုများပြား

မေ ၂၉၊ ၂၀၁၆
M-Media

– ကမ္ဘာပေါ်တွင် အငတ်ဘေးကြောင့် သေဆုံးနေရသူ အရေအတွက်မှာ အေအိုင်ဒီအက်စ်၊ ငှက်ဖျားနှင့် အဆုတ်နာရောဂါများကြောင့် သေဆုံးမှု စုစုပေါင်းထက် ပိုမိုများပြားနေသည်ဟု သိရသည်။

၂၀၁၅ ခုနှစ်အတွက် ကမ္ဘာ့ငတ်မွတ်ခေါင်းပါးမှုဆိုင်ရာ အညွှန်းကိန်း Global Hunger Index 2015 အရ ထိုသို့ တွေ့ရှိရခြင်းဖြစ်ပြီး အဟာရ လုံလုံလောက်လောက် ရရှိခြင်းက ကုန်ထုတ်စွမ်းအား ကြီးမားမှုနှင့်လည်း ဆက်စပ်နေသည်ဟု ဆိုသည်။

အဟာရမပြည့်ဝသူများ၏ ၉၈ ရာခိုင်နှုန်းမှာ ဖွံ့ဖြိုးဆဲနိုင်ငံများတွင် ရှိနေပြီး အာဖရိကနှင့် အရှေ့တောင်အာရှဒေသများမှာ ငတ်မွတ်ခေါင်းပါးမှုဒဏ်ကို အခံစားရဆုံး ဒေသများဖြစ်သည်ဟု အညွှန်းကိန်းတွင် တွေ့ရှိခဲ့ရသည်။ သို့သော်လည်း နိုင်ငံအချို့ မှ ငတ်မွတ်ခေါင်းပါးမှု အချက်အလက်ကို အတိအကျ မရရှိခဲ့ပေ။

ငတ်မွတ်ခေါင်းပါးမှု အမြင့်ဆုံး နိုင်ငံ ၁၀ နိုင်ငံတွင် ဗဟိုအာဖရိကနိုင်ငံက ထိပ်ဆုံးတွင်ရှိနေပြီး ချဒ်၊ ဇမ်ဘီယာ၊ တီမောလက်စ်တီ၊ ဆီရာ လီယွန်နီတို့က အစဉ်လိုက် တည်ရှိနေသည်။