ရခိုင်ပြည်နယ်ဆိုင်ရာ ကော်မတီမှ အဖွဲ့ဝင်များ မြေပုံရှိ မွတ်စလင် ဒုက္ခသည်စခန်းသို့ သွားရောက်

ဇွန် ၁၊ ၂၀၁၆
M-Media
.
– ယနေ့ ဇွန်လ ၁ ရက်နေ့တွင် ရခိုင်ပြည်နယ် မြေပုံမြို့ရှိ မွတ်စလင်ဒုက္ခသည်စခန်းသို့ မေလ ၃၀ ရက်နေ့က ဖွဲ့စည်းခဲ့သည့် ရခိုင်ပြည်နယ် တည်ငြိမ်အေးချမ်းမှုနှင့် ဖွံ့ဖြိုးမှု တိုးတက်ရေး အကောင်အထည်ဖော်ရေး ကော်မတီမှ ကော်မတီဝင်များ သွားရောက်ခဲ့ကြသည်ဟု သိရသည်။
.
အဆိုပါအဖွဲ့တွင် ရခိုင်ပြည်နယ် ၀န်ကြီးချုပ် ဦးညီပု၊ နယ်စပ်ရေးရာဝန်ကြီး၊ ကျန်းမာရေးဝန်ကြီး၊ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ၀န်ကြီး တို့ ပါဝင်ခဲ့သည်။
.
ရခိုင်ပြည်နယ်ဝန်ကြီးချုပ် ဦးညီပုက မိမိတို့အနေဖြင့် အခြေအနေအရပ်ရပ်ကို သိရှိထားပြီး လိုအပ်သည်များကို ဆောင်ရွက် သွားမည်ဖြစ်ကြောင်း၊ စခန်းအတွင်း နေထိုင်နေရသူများ၏ ဆန္ဒများကို နိုင်ငံတကာ အဆင့်အတန်းနှင့်အညီ လုပ်ကိုင်ပေး သွားမည်ဖြစ်ကြောင်း၊ ရေရှည်ကိုကြည့်ကာ ဆောက်ရွက်ရန်လိုအပ်ပြီး မိမိတို့အတွက်သာကြည့်ပါက အချိန်ကြာသွားမည်ဖြစ်ကြောင်း၊ မိမိတို့မှာ ဥပဒေသစ်၊ မူအသစ်ဖြစ့် ဆောင်ရွက်ချင်ကြောင်း စသဖြင့် ပြောကြားခဲ့ပြီး မိမိတို့၏ ဆောင်ရွက်မှုများအပေါ် ယုံကြည်စွာဖြင့် လက်ခံပေးရန်လည်း တောင်းဆိုခဲ့သည်။
.
ထို့နောက် နယ်စပ်ရေးရာဝန်ကြီး ဒုတိယဗိုလ်ချုပ်ကြီးရဲအောင် ကလည်း စခန်းများတွင် နေထိုင်နေရသူများ နေထိုင်စားသောက်မှု အဆင်ပြေ၊ မပြေနှင့် မိမိတို့ဘက်မှ ရှေ့ဆက်၍ မည်သည့်အရာများ ဆက်လက် လုပ်ဆောင်ရန် လိုအပ်နေသည်ကို သိရှိရန် လာရောက်ကြည့်ရှုခြင်းဖြစ်ကြောင်း၊ အကောင်းဆုံးဖြစ်စေရန် စဉ်းစားနေပြီး လူသားအချင်းချင်း ထားရှိရမည့် မေတ္တာမပျက်ကြောင်း၊ အခြေခံဥပဒေအရ လူတိုင်းမှာ မိမိယုံကြည်ရာကို ကိုးကွယ်ကြပြီး မည်သူ့ကိုမှ ထိခိုက်နစ်နာမှုမရှိကြောင်း၊ နိုင်ငံသားအားလုံးမှာ တ
ရားဥပဒေနှင့်အညီ လေးစားလိုက်နာကြရန် လိုအပ်ကြောင်း ပြောကြားခဲ့သည်။
.
ထိုကဲ့သို့ တွေ့ဆုံမှုမှာ မိနစ် ၂၀ ခန့်သာ ကြာမြင်ပြီး မွတ်စလင်ဒုက္ခသည်များဘက်မှာ ၎င်းတို့၏ အခက်အခဲများကို တင်ပြခွင့်မရကြောင်း သိရသည်။
.
ဒါအပြင် ဒီကနေ့ မနက် စစ်တွေမြို့မှာ ရခိုင်ပြည်နယ်တည်ငြိမ်အေးချမ်းရေး နဲ့ ဖံွ့ဖြိုးမှုတိုးတက်ရေး အကောင်အထည် ဖော်မှု ကော်မတီ အဖွဲ့ဝင် ဝန်ကြီးတွေဟာ မြို့ခံတွေနဲ့ တွေ့ဆုံဆွေးနွေးစဉ်မှာ လူ့အဖွဲ့အစည်းတွေအကြား ဘာသာရေး၊ ဓလေ့ထုံးတမ်းစဉ်လာတွေ ကိုလည်း အပြန်အလှန် ယုံကြည်လေးစားကြဖို့ နဲ့ ဘာသာရေးကို ခုတုံးမလုပ်ကြဖို့ နယ်စပ်ရေးရာ ၀န်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီးရဲအောင်က ပြောခဲ့ပါတယ်။
.
ရခိုင်ပြည်နယ်ဖံွ့ဖြိုးတိုးတက်ရေးအတွက် ငွေကျပ်သိန်းပေါင်း ၇ သောင်းကျော် အသုံးပြုသွားမယ်လို့ နယ်စပ်ရေးရာဝန်ကြီး ဒုတိယဗိုလ်ချုပ်ကြီးရဲအောင်က ပြောပါတယ်။
.
အဆိုပါ ခရီးစဉ်တွင် ရခိုင်ပြည်နယ် တည်ငြိမ်အေးချမ်းမှုနှင့် ဖွံ့ဖြိုးမှု တိုးတက်ရေး အကောင်အထည်ဖော်ရေး ဗဟိုကော်မတီ ဥက္ကဌ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ပါဝင်မည်ဟု စောစောပိုင်းက သတင်းထွက်ပေါ်ခဲ့သော်လည်း လိုက်ပါလာခြင်း မရှိပေ။

ref:CJ,RFA
ဗီဒိယို-CJ