ပြင်သစ်ဦးဆောင်သည့် ငြိမ်းချမ်းရေးအားထုတ်မှု ပါလက်စတိုင်းများအတွက် မမျှတနိုင်

ဇွန် ၃၊ ၂၀၁၆
M-Media

– ပါလက်စတိုင်းနှင့် အစ္စရေးအကြား ငြိမ်းချမ်းရေး ဆွေးနွေးပွဲများ ပြန်လည်ဖြစ်မြောက်လာရေး ပြင်သစ်နိုင်ငံ၏ အားထုတ်မှုတွင် ပါလက်စတိုင်းများအတွက် မျှတပြီး ထိရောက်သည့် ဆုံးဖြတ်ချက် ထွက်ပေါ်လာနိုင်မည်မဟုတ်ဟု တက်ကြွလှုပ်ရှားသူများနှင့် လေ့လာဆန်းစစ်သူများက ပြောကြားလိုက်သည်။

၂ နှစ်အတွင်း ငြိမ်းချမ်းရေးဆွေးနွေးမှုများ ပြန်လည်ဖြစ်ပေါ်လာစေရေး ပထမဆုံး ကြိုးပမ်းမှုအဖြစ် နိုင်ငံပေါင်း ၂၈ နိုင်ငံမှ ထိပ်တန်းကိုယ်စားလှယ်များ၊ ကုလနှင့် ဥရောပသမဂ္ဂတို့မှ ကိုယ်စားလှယ်များမှာ ယနေ့တွင် ပဲရစ်မြို့၌ တွေ့ဆုံဆွေးနွေးခဲ့ကြသည်။

ထိုအားထုတ်မှုမှာ ပြင်သစ်နိုင်ငံက ကမကထပြုလုပ်သည့် ဆောင်ရွက်မှုဖြစ်ပြီး ယခုနှစ်ကုန်ပိုင်းတွင် ပါလက်စတိုင်းနှင့် အစ္စရေးတို့မှ ညှိနှိုင်းဆွေးနွေးသူများ ပါဝင်မည့် ငြိမ်းချမ်းရေးညီလာခံတစ်ခုကို အုတ်မြတ်ချပေးရန် ရည်ရွယ်ခြင်းဖြစ်သည်။ ယနေ့တွင်ပြုလုပ်ခဲ့သည့် ပထမဆုံး အစည်းအဝေးတွင်မူ ပါလက်စတိုင်းနှင့် အစ္စရေး ၂ ဖက်စလုံးမှ တက်ရောက်ခဲ့ခြင်း မရှိပေ။

“နှစ် ၂၀ လောက်ကြာနေတဲ့ ဆွေးနွေးမှုတွေ မအောင်မမြင်ဖြစ်နေရတဲ့ အဓိကအကြောင်းအရင်းက ဆွေးနွေးပွဲမှာ အစ္စရေးနဲ့ ပါလက်စတိုင်းအကြား ဘက်မညီတဲ့အချိန်မျိုးမှာ ဘက်ညီနေတယ်လို့ သူတို့က ယူဆနေကြတာပါပဲ။ ပြီးတော့ ဒီဟာ (ပြင်သစ်က ဦးဆောင်တဲ့ အားထုတ်မှု) ကလည်း မျှတတဲ့ ဆုံးဖြတ်ချက်မျိုး ထွက်လာနိုင်စရာအကြောင်း မရှိပါဘူး။ ထိရောက်တဲ့ဆုံးဖြတ်ချက်မျိုး မချနိုင်ခဲ့တဲ့ ပြီးခဲ့တဲ့ ဆယ်စုနှစ် နှစ်ခုအတွင်း ဖြစ်ခဲ့သလိုမျိုးပဲ ဖြစ်အုံးမှာပါ” ဟု အလ်-ရှာဘာကာ ပါလက်စတိုင်း ပေါ်လစီဆိုင်ရာ ကွန်ယက်အဖွဲ့၏ ပေါ်လစီဆိုင်ရာ ကျွမ်းကျင်သူ တာရက် ဘာကိုနီက ပြောကြားခဲ့သည်။

နောက်ဆုံးပြုလုပ်ခဲ့သည့် တိုက်ရိုက်ဆွေးနွေးမှုကို ဦးဆောင်ခဲ့သော အမေရိကန်နိုင်ငံခြားရေးဝန်ကြီး ဂျွန်ကယ်ရီအပါအ၀င် ကမ္ဘာ့ခေါင်းဆောင်များမှာ ပြင်သစ်ဦးဆောင်သည့် ယခုအားထုတ်မှုတွင် နယ်ခြားကိစ္စ၊ လုံခြုံရေး၊ ဒုက္ခသည်များအရေး၊ ဂျေရုလစလင်အရေး၊ တရားမ၀င်အခြေချအိမ်ယာများအရေး၊ သောက်သုံးရေ ကိစ္စ စသည်တို့နှင့် ပတ်သက်သည့် နောက်ဆုံး သဘောတူညီချက်တစ်ခု ရရှိနိုင်ရန်အတွက် အဓိကပြဿနာများကို ဖြေရှင်းရန် သတ်မှတ်ချက်များကို ဖော်ဆောင်သွားမည်ဖြစ်သည်။

ယခု ကြိုးပမ်းမှုကို ဟားမက်စ်အဖွဲ့က ဆန့်ကျင်ထားသော်လည်း ပါလက်စတိုင်းခေါင်းဆောင်ပိုင်းမှ အခြားအုပ်စုများကမူ ကြိုဆိုခဲ့သည်။

“မအောင်မြင်တဲ့ နှစ်နိုင်ငံ တိုက်ရိုက်ဆွေးနွေးမှုကနေ နိုင်ငံတကာအသိုင်းအ၀ိုင်းက တာဝန်ခံရမယ့် အဖွဲ့စုံပါဝင်တဲ့ နည်းလမ်းကို ကျွန်တော်တို့ သွားနေပါတယ်။ လိုအပ်နေတာက လုပ်ငန်းစဉ်တစ်ခုကို သတ်မှတ်ဖော်ဆောင်ဖို့၊ အစ္စရေးရဲ့ ကျူးကျော်သိမ်းပိုက်မှုတွေ ရပ်တန့်ဖို့၊ ဒုက္ခသည်ကိစ္စအပါအ၀င် နောက်ဆုံး အပြီးသတ်ရမယ့် ပြဿနာတွေရဲ့ အဖြေအတွက် နိုင်ငံတကာ ဥပဒေနဲ့ ကုလရဲ့ သက်ဆိုင်ရာဆုံးဖြတ်ချက်တွေကို အကောင်အထည်ဖော်ဖို့ ဖြစ်ပါတယ်” ဟု ပါလက်စတိုင်းလွတ်မြောက်ရေးအဖွဲ့မှ အတွင်းရေးမှူးဖြစ်ပြီး ညှိနှိုင်းရေးအဖွဲ့ခေါင်းဆောင် ဒေါက်တာ စအစ်ဘ် အီရီကတ်က ပြောကြားခဲ့သည်။

Ref : Aljazeera