ပင်လယ်နက်အတွင်း အမေရိကန်စစ်သင်္ဘောများ ၀င်ရောက်မှု တုန့်ပြန်ရတော့မည်ဟု ရုရှားပြော

ဇွန် ၁၁၊ ၂၀၁၆
M-Media

– ပင်လယ်နက်အတွင်းကို အမေရိကန် ဖျက်သင်္ဘောတွေ ၀င်ရောက်လာမှုဟာ ရုရှားဘက်က တန်ပြန်တုန့်ပြန်လာဖို့ လှုံ့ဆော်လိုက်တာဖြစ်ပြီး မြေထဲပင်လယ်အတွင်း အမေရိကန်ရဲ့ လေယာဉ်တင်သင်္ဘော ရောက်ရှိနေတာကလည်း နေတိုးအဖွဲ့ ထိပ်သီးအစည်းအဝေးမတိုင်ခင် အမေရိကန်က အင်အားပြဖို့ ကြိုးစားနေတာ ထင်ရှားတယ်လို့ ရုရှားရဲ့ ဥရောပဆိုင်ရာ ပူးပေါင်းဆောင်ရွက်ရေးဌာန အကြီးအကဲ အန်ဒရေ ကီလင်က ပြောကြားလိုက်ပါတယ်။

ခရုဇ်ဒုံးကျည်တွေနဲ့ Aegis တိုက်ချင်းပစ်ဒုံးခွင်းစနစ် တပ်ဆင်ထားတဲ့ အမေရိကန်ရဲ့ USS Porter ဖျက်သင်္ဘောဟာ အခုတစ်ပတ်အတွင်း ပင်လယ်နက်ထဲကို ၀င်ရောက်လာခဲ့တာဖြစ်ပါတယ်။

“အမေရိကန်စစ်သင်္ဘောတွေဟာ မကြာခဏဆိုသလို ပင်လယ်နက်ထဲကို ၀င်လာပါတယ်။ အဲ့ဒီလို ၀င်လာတာဟာ (ရုရှားဆီက) ခွင့်ပြုချက်မတောင်းဘဲနဲ့ ၀င်လာတာ ဖြစ်ပါတယ်။ ဒါ့ကြောင့် အခြေအနေက သတိပေးတုန့်ပြန်မှုတွေလုပ်ဖို့ဆီ ဦးတည်နေပါပြီ” လို့ ကီလင်က ပြောကြားခဲ့ပါတယ်။

ဇူလိုင်လ ၀ါဆောမှာကျင်းပမယ့် နေတိုးတပ်ဖွဲ့ ထိပ်သီးညီလာခံမတိုင်ခင် မြေထဲပင်လယ်ထဲမှာ အမေရိကန် လေယာဉ်တင်သင်္ဘော USS Harry S.Truman ထားရှိတာကိုလည်း ကီလင်က ကန့်ကွက်ခဲံပါတယ်။ အဲဒီအစည်းအဝေးမတိုင်ခင် အမေရိကန်ဟာ ဥရောပမှာ သူတို့ရဲ့ တပ်အင်အားတည်ရှိမှုကို တိုးမြှင့်လာခဲ့ပြီး အခုလို ရုရှားနဲ့ ထိပ်တိုက်တွေ့လာတာဖြစ်ပါတယ်။

အမေရိကန်ကတော့ အဲဒီလို ၀င်ရောက်သွားလာမှုဟာ လွတ်လပ်စွာ ရေကြောင်းသွားလာခွင့် အခွင့်အရေးအရ သွားလာဖြစ်တယ်လို့ တုန့်ပြန်ပြောကြားခဲ့ပါတယ်။

Ref : RT