ပြင်သစ်နိုင်ငံခြားရေးဝန်ကြီး မြန်မာနိုင်ငံလာမည်

ဇွန် ၁၃၊ ၂၀၁၆
M-Media

– ပြင်သစ်နိုင်ငံခြားရေးဝန်ကြီး ဂျင်း-မာ့ခ် အေရုလ်မှာ ယခုလအတွင်း မြန်မာနိုင်ငံသို့ တရားဝင် လာရောက်လည်ပတ်မည်ဟု ရန်ကုန်မြို့ရှိ ပြင်သစ်သံရုံးက ပြောကြားလိုက်သည်။

အဆိုပါခရီးစဉ်မှာ ဇွန်လ ၁၆ ရက်နေ့မှ ၁၉ ရက်နေ့အထိ ကြာမြင့်မည်ဖြစ်ပြီး ဇွန်လ ၁၇ ရက်နေ့တွင် နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် သမ္မတဦးထင်ကျော်အပါအ၀င် ထိပ်တန်းတာဝန်ရှိသူများနှင့် တွေ့ဆုံရန် ရှိနေသည်ဟု သံရုံး၏ ပထမအတွင်းဝန် ဆိုနီယာ တဘ်ဘက်ခ်က ပြောကြားခဲ့သည်။

ထို့ပြင် ပြင်သစ်နိုင်ငံခြားရေးဝန်ကြီးမှာ ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်၊ စွမ်းအင်ဝန်ကြီး ဦးဖေဇင်ထွန်းတို့နှင့်လည်း တစ်နေ့တည်း တွေ့ဆုံသွားရန် ရှိနေသည်။

“ရည်ရွယ်ချက်ကတော့ မြန်မာနိုင်ငံက ဒီမိုကရေစီအကူးအပြောင်းအတွက် ပြင်သစ်အစိုးရရဲ့ ထောက်ခံအားပေးမှုကို ပြန်လည်းဆန်းသစ်ဖို့နဲ့ ပြင်သစ်ဖွံ့ဖြိုးရေးအေဂျစီကနေတစ်ဆင့် ပေးနေတဲ့ ပြင်သစ်ရဲ့ ဖွံ့ဖြိုးတိုးတက်ရေး အကူအညီမှာ လာမည့်နှစ်တွေအတွက် ဘဏ္ဍာငွေထည့်ဝင်သွားမယ်ဆိုတာကို ကြေငြာဖို့ဖြစ်ပါတယ်” ဟု မစ် တဘ်ဘက်ခ်က ထပ်လောင်းပြောကြားခဲ့သည်။

မစ္စတာအေရုလ်မှာ ရန်ကုန်တိုင်းဝန်ကြီးချုပ် ဦးဖြိုးမင်းသိန်၊ ပြင်သစ် အန်ဂျီအိုအဖွဲ့များနှင့် စီးပွားရေး လုပ်ငန်းရှင်များ၊ မြန်မာနိုင်ငံရှိ အရပ်ဖက်အဖွဲ့အစည်းများနှင့်လည်း ဇွန်လ ၁၈ ရက်နေ့တွင် တွေ့ဆုံမည်ဖြစ်သည်။ ဇွန်လ ၁၉ ရက်နေ့တွင်မူ ရန်ကုန်မြို့ရှိ ၀န်ကြီးများရုံးဟောင်းနှင့် ကုလအတွင်းရေးမှူးချုပ်ဟောင်း ဦးသန့်၏ နေအိမ်သို့ သွားရောက်လည်ပတ်မည်ဖြစ်သည်။

၎င်းလာရောက်လည်ပတ်မှုမှာ အမျိုးသားဒီမိုကရေစီအဖွဲ့ချုပ် ပါတီက ဖေဖော်ဝါရီလတွင် အာဏာရပါတီအဖြစ် တာဝန်ယူခဲ့ပြီးနောက် ပြင်သစ်နိုင်ငံ၏ ကိုယ်စားလှယ်တစ်ဦး ပထမဆုံး လာရောက်လည်ပတ်ခြင်းဖြစ်သည်။

Ref: mmtimes