နေးမာအပြောင်းအရွှေ့ အခွန်ကိစ္စအမှားအတွက် လျောကြေးပေးရန် ဘာစီလိုနာ သဘောတူ

ဇွန် ၁၄၊ ၂၀၁၆
M-Media

– တိုက်စစ်မှူးနေးမာအား ၂၀၁၃ ခုနှစ်တွင် ဆန်းတို့စ်အသင်းမှ ခေါ်ယူရာတွင် အခွန်ကိစ္စနှင့်ပတ်သက်၍ အမှားအယွင်းများ ပြုလုပ်ခဲ့မှုအတွက် ယူရို ၅.၅ သန်းပေးဆောင်ရန် ဘာစီလိုနာအသင်းက သဘောတူညီခဲ့သည်ဟု သိရသည်။

လက်ရှိ တရားရင်ဆိုင်နေရသည့် ထိုကိစ္စတွင် စပိန်တရားသူကြီးများက နေးမာနှင့် ၎င်း၏အေးဂျင့်အဖြစ်ဆောင်ရွက်သူ နေးမာ၏ ဖခင်တို့မှာ အမှန်တကယ် ရရှိခဲ့သည့် ပြောင်းရွှေ့ကြေးကို ထိန်ချန်ထားသည်ဟု စွပ်စွဲထားသည်။

ဘာစီလိုနာကမူ ၎င်းတို့မှာ နေးမာအတွက် ယူရို ၅၇ သန်းကုန်ကျခဲ့ပြီး ထိုထဲမှ ၁၇ သန်းကို ဆန်းတို့စ်အသင်းအား ပေးခဲ့ရကာ ကျန်ရှိသည့် ငွေများကို နေးမာ၏ မိသားစုက ယူခဲ့သည်ဟု ရုံးတော်သို့ ပြောကြားခဲ့သည်။

နေးမာ၏ အခွင့်အရေးများကို ၄၀ ရာခိုင်နှုန်းပိုင်ဆိုင်သော ဘရာဇီးလ် ရင်းနှီးမြှုပ်နှံမှုလုပ်ငန်းတစ်ခုကမူ မိမိတို့မှာ ရသင့်ရထိုက်သည့် ပမာဏကို မရခဲ့ဟု တိုင်ကြားခဲ့ပြီး စုံစမ်းစစ်ဆေးမှုများအရ နေးမာ၏ ပြောင်းရွှေ့ကြေးမှာ ယူရို ၈၃ နီးပါး ရှိခဲ့သည်ကို တွေ့ခဲ့ရသည်။

ယခုတွင်မူ ထိုကိစ္စအတွင်း အခွန်ပိုင်းဆိုင်ရာ အမှားအယွင်းများအတွက် ဘာစီလိုနာက လျော်ကြေးပေးရန် သဘောတူခဲ့သည်။

“သဘောတူညီချက်မှာ ၂၀၁၁-၂၀၁၃ ဘဏ္ဍာရေးနှစ်က ကစားသမားကို ခေါ်ယူမှုနဲ့ပတ်သက်ပြီး အခွန်ကိစ္စအတွက် အသင်းရဲ့ မှားယွင်းမှုကို အသိအမှတ်ပြုဖို့ ပါဝင်ပါတယ်။ နောက်ပြီး အပြောင်းအရွှေ့လုပ်ငန်းစဉ်မှာ ပါဝင်တဲ့ ၂၀၁၄ ခုနှစ် ဘဏ္ဍာ ရေးနှစ်မှာတော့ အသင်းဟာ လုံးဝအပြစ်ကင်းခဲ့ပါတယ်။ ဘုတ်အဖွဲ့အနေနဲ့ ဒီသဘောတူညီချက်ကို အပြုသဘောဆောင်တဲ့ ခြေလှမ်းတစ်ခုအဖြစ်၊ အသင်းရဲ့ လာမယ့်နှစ်တွေအတွင်း အားကစားပိုင်းနဲ့ စီးပွားရေးဆိုင်ရာ အစီအစဉ်တွေကို ထိခိုက်နိုင်တဲ့ ဥပဒေပိုင်း မရေရာမှုအခြေအနေတွေကို အဆုံးသတ်မှုအဖြစ် ရှုမြင်ပါတယ်” ဟု ဘာစီလိုနာအသင်းက ထုတ်ပြနသည့် ကြေငြာချက်တွင် ဖော်ပြထားသည်။

Ref: Goal