ဘရာဇီးလ်က အသင်းနည်းပြ ဒွန်ဂါကို ထုတ်ပယ်

ဇွန် ၁၆၊ ၂၀၁၆
M-Media

– ကိုပါအမေရိကဖလားတွင် ရလဒ်ကောင်းရအောင် မစွမ်းဆောင်နိုင်မှုကြောင့် ဘရာဇီးလ်ဘောလုံးအဖွဲ့ချုပ်မှာ နည်းပြ ဒွန်ဂါကို အင်္ဂါနေ့တွင် ထုတ်ပယ်လိုက်ခဲ့ပြီးနောက် မိမိတို့နည်းပြ ရောဘတ်တို အန်ဒရာဒီအား ခန့်အပ်တော့မည်ဟု ဘရာဇီးလ်ပြည်တွင်းကလပ်တစ်ခုဖြစ်သည့် ကိုရင်သီယန်အသင်းက ပြောကြားလိုက်သည်။

ဘရာဇီးလ်မှာ ကိုပါအမေရိကပြိုင်ပွဲတွင် အုပ်စုအဆင့်မှ ထွက်ခဲ့ရပြီး အသင်းသမိုင်းတွင် ရှက်ဖွက်ကိစ္စတစ်ခု ဖြစ်ခဲ့သည်။ ထို့ပြင် မကြာသေးခင်က စတင်ခဲ့သည့် ကမ္ဘာဖလားခြေစစ်ပွဲတွင်လည်း ဘရာဇီးလ်မှာ ကျေနပ်လောက်ဖွယ်ရာ ခြေစွမ်းများကို မပြနိုင်ခဲ့ဘဲ ထိုအကြောင်းအရင်းများက ဒွန်ဂါအား ထုတ်ပယ်ခဲ့သည်အထိ ဖြစ်ခဲ့သည်။

ကိုရင်သီယန်အသင်းကမူ ၎င်းတို့အသင်းနည်းပြမှာ အသင်းမှ ထွက်သွားပြီဟု ဆိုသည်။

“နည်းပြ တီတီ (အန်ဒရာဒီ) ဟာ ကိုရင်သီယန်အသင်းရဲ့နည်းပြ မဟုတ်တော့ပါဘူး။ နက်ဖြန် (ကြာသာပတေးနေ့) ပွဲမှာ သူ တာဝန်ယူမှမဟုတ်တော့ပါဘူး။ ကလီဘာရ် ဇာဗီယာ၊ သူရဲ့သားဖြစ်တဲ့ မက်သီးယက်စ်နဲ့ အဒူး ဂက်စ်ပါတို့လည်း သူနဲ့အတူ အသင်းက ထွက်ခွာမှာပါ” ဟု ကိုရင်သီယန်အသင်းဥက္ကဌက ယမန်နေ့တွင်ပြုလုပ်ခဲ့သည့် သတင်းစာရှင်းလင်းပွဲတွင် ပြောကြားခဲ့သည်။

သို့သော်လည်း ထိုကိစ္စအား ဘရာဇီးလ်ဘောလုံးအဖွဲ့ချုပ်က အတည်ပြုခြင်းမရှိသေးဘဲ ယခုနှစ်အတွင်း ဘရာဇီးလ်နိုင်ငံ ရီယိုဒီဂျနေရိုးတွင် ပြုလုပ်မည့် အိုလံပစ်ပြိုင်ပွဲဝင် ဘရာဇီးလ်အသင်း နည်းပြအဖြစ် ယူ ၂၀ နည်းပြ ရိုဂီရီယို မီကာလီအား ခန့်အပ်လိုက်သည်ဟု ကြေငြာခဲ့သည်။

Ref: Goal