ဗြိတိန် ပါလီမန်အမတ်တစ်ဦး သေနတ်ပစ်ခတ်ခံရကာ သေဆုံး

ဇွန် ၁၇၊ ၂၀၁၆
M-Media

– ဗြိတိန်ပါလီမန်အမတ်တစ်ဦးဖြစ်သူ အမျိုးသမီး ဂျိုးကော့စ်မှာ အင်္ဂလန်မြောက်ပိုင်းတွင် သေနတ်ဖြင့် ပစ်ခတ်မှုအတွင်း သေဆုံးခဲ့သည်ဟု ယူကေရဲတပ်ဖွဲ့က ပြောကြားလိုက်သည်။

ပစ်ခတ်မှုမှာ လိဒ်မြို့အနီး ဘီရ်စတောလ်မြို့ရှိ စာကြည့်တိုက်တစ်ခုအနီးတွင် ယမန်နေ့က ဖြစ်ပွားခဲ့ခြင်းဖြစ်ပြီး ထိုစာကြည့်တိုက်မှာ ဂျိုးကော့စ်က ၎င်း၏ မဲဆန္ဒနယ်မှ ပြည်သူများနှင့် ပုံမှန်တွေ့ဆုံရာ နေရာလည်းဖြစ်သည်။ ၀က်စ်ယော့ခ်ရှိုင်းယား ရဲတပ်ဖွဲ့ကမူ ထိုအဖြစ်အပျက်နှင့်ပတ်သက်၍ အသက် ၅၂ နှစ်အရွယ် အမျိုးသားတစ်ဦးကို ဖမ်းဆီးခဲ့သည်ဟု ကြေငြာခဲ့သည်။

ထို့ပြင် လာမည့်တစ်ပတ်တွင်း ကျင်းပပြုလုပ်ရန်ရှိနေသည့် ဥရောပသမဂ္ဂမှ အဖွဲ့ဝင်အဖြစ်မှ ဗြိတိန်နှုတ်ထွက်ရေး လူထုဆန္ဒခံယူပွဲကိုလည်း ယခုအဖြစ်အပျက်ကြောင့် ရွှေ့ဆိုင်းခဲ့သည်။

မျက်မြင်သက်သေများ၏ အဆိုအရ ဂျိုးကော့စ်မှာ အမျိုးသား ၂ ဦး စကားများရန်ဖြစ်မှုကို ကြားဝင်ဖြန်ဖြေပေးရာတွင် ထိုအထဲမှ တစ်ယောက်က အိတ်ထဲမှ သေနတ်ထုတ်ကာ သူမအား ၂ ချက်ဆက်တိုက် ပစ်ခဲ့ခြင်းဖြစ်ပြီး ဓားဖြင့်လည်း ထိုးခဲ့သည်ဟု ဆိုသည်။ ထိုအဖြစ်အပျက်အတွင်း အသက် ၇၇ နှစ်အရွယ် အမျိုသားတစ်ဦးမှာလည်း ဒဏ်ရာအနည်းငယ် ရရှိခဲ့သည်။

လေဘာပါတီခေါင်းဆောင် ဂျယ်ရီမီ ကော်ဘန်က ဂျိုးကော့စ်သေဆုံးမှုအတွက် မိမိတို့ လေဘာပါတီ၊ ပါတီမိသားစုနှင့် တစ်နိုင်ငံလုံးက တုန်လှုပ်ခဲ့ရကြောင်း ပြောကြားခဲ့သည်။ ၀န်ကြီးချုပ် ဒေးဗစ်ကင်မရွန်းကမူ ထိုအဖြစ်အပျက်အား ဖြစ်ရပ်ဆိုးကြီးဖြစ်ကြောင်း၊ မိမိတို့အနေဖြင့် ကြယ်တစ်ပွင့် ဆုံးရှုံးခဲ့ရခြင်းဖြစ်ကြောင်း ပြောကြားခဲ့သည်။

Ref: Aljazeera