မွတ်စလင်များအား အစ်ဖ်သာရ်ဝါဖြေပွဲ ဝေငှပေးကာ စည်းလုံးမှုကို ပြသလိုက်တဲ့ ဘင်္ဂလားဒေ့ရ်ှမှ ဘုန်းကြီးကျောင်း

ဇွန် ၂၅၊ ၂၀၁၅
M-Media

– ဘင်္ဂလားဒေ့ရ်ှနိုင်ငံမြို့တော် ဒါကာရှိ ဗုဒ္ဓဘာသာဘုန်းကြီးကျောင်းတစ်ခု၏ရှေ့တွင် မွတ်စလင် အမျိုးသား၊ အမျိုးသမီးနှင့် ကလေးသူငယ်ရာပေါင်းများစွာတို့က အခမဲ့ အဖ်သာရ်ဝါဖြေပွဲရယူရန် တန်းစီနေကြသည်။

အစ်ဖ်သာရ်ဝါဖြေခြင်းဆိုသည်က မွတ်စလင်တို့၏ ရမ်ဇာန်ဥပုသ်လတွင် ဥပုသ်ထွက်စားသောက်ခြင်းဖြစ်သည်။

ထိုကဲ့သို့ အစ်ဖ်သာရ်ဝါဖြေပွဲ လှူဒါန်းမှုကို ဒါကာမြို့ရှိ ဓမ္မရာဇိက ဘုန်းကြီးကျောင်းက ပြုလုပ်ခြင်းဖြစ်ပြီး ဆင်းရဲနွမ်းပါးသည့် မွတ်စလင်များအား အစားအသောက်များ ဝေငှခြင်းက ဘင်္ဂလားဒေ့ရ်ှနိုင်ငံတွင် မြင်ရခဲသည့် လူမှုရေးသဟဇာတဖြစ်မှု၏ သာဓကလည်း ဖြစ်လေသည်။

ဓမ္မရာဇိကဘုန်းကြီးကျောင်းမှာ ထိုလှုပ်ရှားမှုကို လွန်ခဲ့သည့် ၆ နှစ်ကတည်းက စတင်ခဲ့ခြင်းဖြစ်ပြီး ဘုန်းတော်ကြီးများကတော့ ရမ်ဇာန်ဥပုသ်လမှာ ချို့တဲ့သောမွတ်စလင်များအား ကူညီရန် အကောင်းဆုံး အခွင့်အလမ်းဖြစ်သည်ဟု ပြောကြားခဲ့ကြသည်။

ထိုလှုပ်ရှားမှုကို စတင်ခဲ့သည့် ကျောင်းထိုင်ဆရာတော် ဆူဒါနန်ဒို မိုဟာသီရိုကမူ လူပီသမှုမှာ “လူသားများ၏ အန္တိမ ရည်မှန်းချက်” ဖြစ်သည်ဟု မိန့်ကြားခဲ့သည်။

ထိုဒေသတွင်နေထိုင်သည့် စီးပွားရေးလုပ်ငန်းရှင်တစ်ဦးဖြစ်သူ အဘ်ဒူလ် ဘာဆာရ်က အဆိုပါ ဘုန်းကြီးကျောင်းမှ ဘုန်းတော်ကြီးများမှာ လူမှုကူညီရေးလုပ်ငန်းအများအပြားတွင် ယခင်ကလည်း ပါဝင်ဆောင်ရွက်ခဲ့ကြသည်ဟု ဆိုသည်။

“အဲဒီကိုယ်တော်တွေလုပ်နေတဲ့ လှုပ်ရှားမှုတွေထဲက အထင်ရှားဆုံးကတော့ ချို့တဲ့သူတွေအတွက် အစ်ဖ်သာရ်ဝါဖြေပွဲ လှူ ဒါန်းတာပါပဲ”

ဒါကာမြို့ ဘာဆာဘိုရပ်ကွက်အတွင်းရှိ အဆိုပါ ဓမ္မရာဇိက ဘုန်းကြီးကျောင်းကို ၁၉၅၁ ခုနှစ်တွင် စတည် တည်ထောင်ခဲ့ခြင်းဖြစ်ပြီး ဘုန်းတော်ကြီး ကာရူနာ ဘိက္ခူက မိမိတို့မှာ လူ့အဖွဲ့အစည်းအတွင်း သဟဇာတဖြစ်ရေးအတွက် ဆောင်ရွက်နေသည်ဟု ပြောကြားခဲ့သည်။

ထိုသို့ဆောင်ရွက်ခြင်းမှာ နိုင်ငံလူဦးရေ၏ ၉၀ ရာခိုင်နှုန်းရှိသော မွတ်စလင်လူ့အဖွဲ့အစည်းနှင့် ကောင်းမွန်သော ဆက်ဆံရေး တည်ဆောက်ရန် ကြိုးပမ်းမှုဖြစ်သည်ဟုလည်း ဘုန်းတော်ကြီးက ထပ်လောင်းမိန့်ကြားခဲ့သည်။ လူဦးရေ သန်း ၁၆၀ ရှိသည့် ဘင်္ဂလားဒေ့ရ်ှနိုင်ငံတွင် ဗုဒ္ဓဘာသာဝင်မှာ ၁ ရာခိုင်နှုန်းအောက်သာ ရှိလေသည်။

ထိုရပ်ကွက်ရှိ စားသောက်ဆိုင်ပိုင်ရှင်ဖြစ်သော ဟာရွန်မီယာကလည်း လွန်ခဲ့သည့် ၅ နှစ်လုံးလုံး အဆိုပါဘုန်းကြီးကျောင်းမှ လှူဒါန်းသည့် အစ်ဖ်သာရ် ၀ါဖြေပွဲများကို ဒိုင်ခံ ချက်ပြုတ်ကျော်လှော်ပေးခဲ့သည်။ သူက ဘုန်းကြီးကျောင်း၏ အစ်ဖ်သာရ်ဝါဖြေပွဲတွင် အစာသွတ်မုန့်၊ မုန့်အချို့၊ စွန်ပလွံသီး စသည့် မုန့်မျိုးစုံပါဝင်ပြီး ဘူးတစ်ခုတွင်ထည့်၍ ဝေငှသည်ဟု ဆိုသည်။

ဘုန်းကြီးကျောင်း၏ လက်ထောက်ကျောင်းထိုင်ဆရာတော် ဘူဒါပရီယာ မဟာသီရိုကမူ ရမ်ဇာန်ဥပုသ်လတွင် နေ့စဉ် အနည်းဆုံး လူ ၃၀၀ ခန့်ကို အစ်ဖ်သာရ်ဝါဖြေပွဲ ဝေငှလှူဒါန်းနေသည်ဟု ပြောကြားခဲ့သည်။

“၃ နာရီလောက်ကတည်းက လူတွေဟာ ကျောင်းဝင်းအတွင်းမှာ တန်းလာစီကြပါတယ်”

အစ်ဖ်သာရ်ဝါဖြေပွဲကို ဖွယ်ဖွယ်ရာမလုပ်နိုင်သည့် ဆကီနာလို သူဆင်းရဲတစ်ဦးအတွက် ထိုဘုန်းကြီးကျောင်းမှဝေငှသည့် အစားအသောက်များက နတ်သုဒ္ဒါအလား ဖြစ်လေသည်။

“ကျွန်မတို့နဲ့အတူယှဉ်တွဲနေထိုင်တဲ့ တစ်ခြားဘာသာဝင်တွေဆီက ရရှိဖို့ မျှော်လင့်ထားတဲ့ လေးစားမှုကို ဒီမှာ ကျွန်မတို့ ရရှိပါတယ်” ဟု ဆကီနာက ပြောကြားခဲ့သည်။

တောင်အာရှနိုင်ငံတစ်ခုဖြစ်သော ဘင်္ဂလားဒေ့ရ်ှတွင် မကြာသေးမီကာလအတွင်း အကြမ်းဖက်တိုက်ခိုက်မှုများ ဖြစ်ခဲ့သော်လည်း ဓမ္မရာဇိက ဘုန်းကြီးကျောင်းမှ သံဃာများကတော့ မိမိတို့မှာ မွတ်စလင်လူ့အဖွဲ့အစည်းနှင့် ကောင်းမွန်သောဆက်ဆံရေးရှိသည့်အတွက် မိမိတို့၏ လုံခြုံမှုကို မစိုးရိမ်ဟု ဆိုသည်။

ဘာသာအချင်းချင်း သဟဇာတဖြစ်ရေးအပေါ် ခိုင်မြဲစွာယုံကြည်နေသည့် ဘုန်းတော်ကြီး မဟာသီရိုကမူ “ဘာ့ကြောင့် ပဋိပက္ခဖြစ်ရမှာလဲ။ ဘုန်းကြီးတို့အားလုံးဟာ ဘင်္ဂလားဒေ့ရ်ှနိုင်ငံသားတွေပဲလေ။ ဒီတိုင်းပြည်က ဘုန်းကြီးတို့အားလုံးအတွက်ပါ။ တစ်ဦးကိုတစ်ဦး ကူညီခြင်းကနေပဲ ဒီတိုင်းပြည်ကို ကြီးကျယ်အောင် လုပ်နိုင်မှာပါ” ဟု မိန့်ကြားခဲ့လေသည်။