သူရဲသူမိန်အကြမ်းဖက်မှုကို မြန်မြန်ဆန်ဆန်နှင့် ပွင်းလင်းမြင်သာစွာ စုံစမ်းစစ်ဆေးရန် နိုင်ငံတကာ လူ့အခွင့်အရေး အဖွဲ့က တိုက်တွန်း

ဇွန် ၂၅၊ ၂၀၁၆
M-Media

– ကြာသာပေတးနေ့က ပဲခူးတိုင်းဒေသကြီးတွင် ဖြစ်ပွားခဲ့သည့် မွတ်စလင်များအပေါ် အကြမ်းဖက်တိုက်ခိုက်မှုအတွက် မြန်မာအာဏာပိုင်များအနေဖြင့် လွတ်လပ်ပြည့်ဝပြီး ပွင့်လင်းမြင်သာကာ ဘက်လိုက်မှုကင်းသည့် စုံစမ်းစစ်ဆေးမှု ပြုလုပ်ရမည်ဟု နိုင်ငံတကာ လူ့အခွင့်အရေးအဖွဲ့တစ်ခုဖြစ်သော Amnesty International က ပြောကြားလိုက်သည်။

“မွတ်စလင်တွေနဲ့ အခြား ဘာသာရေးလူနည်းစုတွေအပေါ်မှာ ဖြစ်ပွားတဲ့ ဒီလိုအဖြစ်အပျက်တွေကို ထိထိရောက်ရောက် ကိုင်တွယ်ဆောင်ရွက်တယ်ဆိုတာကို ပြသဖို့အတွက် အာဏာပိုင်တွေအနေနဲ့ မြန်မြန်ဆန်ဆန် အရေးယူဖို့ လိုပါတယ်။ ပြီးတော့ ဒီဖြစ်ရပ်ကို လွတ်လွတ်လပ်လပ်နဲ့ မဆိုင်းမတွ စုံစမ်းစစ်ဆေးရမှာဖြစ်ပြီး ဒီတိုက်ခိုက်မှုမှာ ပါဝင်တယ်လို့ သံသယရှိသူတွေကို တရားဥပဒေအတိုင်း စီရင်ရပါမယ်။ ထိခိုက်ခံစားရသူတွေကိုလည်း နစ်နာကြေးပေးတာမျိုး အပါအ၀င် ပြန်လည်ကုစားမှုတွေ ပြုလုပ်ပေးရပါလိမ့်မယ်” ဟု Amnesty International အဖွဲ့၏ အရှေ့တောင်အရှနှင့် အာရှ ပစိဖိတ်ရေးရာ ဒါရိုက်တာဖြစ်သူ ရာဖန်ဒီ ယာမင်က ပြောကြားခဲ့သည်။

သူရဲသမိန်ကျေးရွာတွင် ဇွန်လ ၂၃ ရက်နေ့က ဖြစ်ပွားခဲ့သည့် အဆိုပါတိုက်ခိုက်မှုမှာ အိမ်နီးနားချင်း စကားများရာမှ စတင်ခဲ့ခြင်းဖြစ်ပြီး လူအုပ်ကြီးမှာ ဗလီဝတ်ကျောင်းတော်တစ်ခုနှင့် အခြားအဆောက်အဦးများကို ဖျက်ဆီးခဲ့သည်။ မွတ်စလင်ဦးမှာလည်း တိုက်ခိုက်မှုအတွင်း ဒဏ်ရာရရှိခဲ့ပြီး ဦးခေါင်းဒဏ်ရာဖြင့် ဆေးရုံ၌ ဆေးကုသမှု ခံယူနေရသည်။

အခင်းဖြစ်ပွားပြီးနောက်ပိုင်း အာဏာပိုင်များမှာ ထိုရွာအားစောင့်ကြပ်လျက်ရှိနေသော်လည်း မွတ်စလင်ရွာသာများကမူ ကြောက်လန့်မှုကြောင့် ထွက်ပြေးနေရပြီး ၎င်းတို့၏ နေအိမ်များသို့ မပြန်ရဲ ဖြစ်နေသည်။

“စုံစမ်စစ်ဆေးမှုမလုပ်ဘူး၊ ပါဝင်သူတွေကို တာဝန်ယူစေတာမျိုး မလုပ်ဘူးဆိုရင် လူနည်းစုတွေအပေါ် တိုက်ခိုက်မှုတွေဟာ အပြစ်ပေးခံရခြင်းမရှိဘဲ ဆက်လက်ဖြစ်ပွားနိုင်တယ်ဆိုတဲ့ စိုးရိမ်စရာ သတင်းစကား ပါးလိုက်သလို ဖြစ်ပါလိမ့်မယ်” ဟု ယာမင်က ထပ်လောင်းပြောကြားခဲ့သည်။

ပြီးခဲ့သည့်နှစ်များအတွင်း မြန်မာနိုင်ငံတွင် မွတ်စလင်များကို တိုက်ရိုက်ရည်ရွယ်သည့် ဘာသာရေးအရ သည်းမခံနိုင်မှုများ ကြောက်စရာကောင်းအောင် မြင့်တက်လာခဲ့ပြီး သဘောထားတင်းမာသည့် ဗုဒ္ဓဘာသာ အမျိုးသားရေးအဖွဲ့များကလည်း ထိုအခြေအနေကို မီးထိုးပေးနေသည်။

ယခင်ဖြစ်ပွားခဲ့သည့် အလားတူ အကြမ်းဖက်တိုက်ခိုက်မှုများကို အစိုးရကဟောင်းက ထိထိရောက်ရောက်စုံစမ်းစစ်ဆေးမှုများ မပြုလုပ်ခြင်းကြောင့် ထိုတိုက်ခိုက်မှုများကို ဖန်တီးသူများမှာ အတင့်ရဲလာခဲ့သည်။

“အစိုးရသစ်ဟာ ဒီတိုက်ခိုက်မှုနဲ့ ဘာသာရေးလူနည်းစုတွေအပေါ် ပြုလုပ်တဲ့ တိုက်ခိုက်မှုတွေကို ရှုတ်ကိုရှုတ်ချရမှာပါ။ ပြီးတော့ ဒီလို အကြမ်းဖက်တိုက်ခိုက်မှုဟာ ရာဇ၀တ်မှုဖြစ်ပြီး သည်းခံမှာမဟုတ်ဘူးဆိုတဲ့ အကြောင်းကိုလည်း ရှင်းရှင်းလင်းလင်း ဆောင်ရွက်ရပါမယ်။ အမုန်းတရားဖြန့်ဖြူးနေတာ၊ အကြမ်းဖက်ဖို့၊ ခွဲခြားဆက်ဆံဖို့ လှုံ့ဆော်နေတာတွေကိုလည်း ပြတ်ပြတ်သာသား ရှုတ်ချဆန့်ကျင်ရမှာဖြစ်ပြီး ဘာသာရေးမခွဲခြားဘဲ မြန်မာပြည်သူအားလုံးရဲ့ အခွင့်အရေးကို ကာကွယ်ဖို့ ခိုင်မာတဲ့ ဆောင်ရွက်မှုတွေကိုလည်း ပြုလုပ်ရပါမယ်” ဟု ယာမင်က ထည့်သွင်း ပြောဆိုခဲ့သည်။

Ref: amensty.org