ပြည်တွင်းတက္ကသိုလ်ကျောင်းသားများ လျှောက်ထားနိုင်မည့် ပညာသင်ဆု

ဇွန် ၂၈၊ ၂၀၁၆
M-Media

– အာရှအရင်းအမြစ်ဖောင်ဒေးရှင်း ARF က ကမကထပြုဆောင်ရွက်ပေးပြီး ဘဏ္ဍာရေးအခက်အခဲနဲ့ ရင်ဆိုင်နေရတဲ့ ပြည်တွင်းက တက္ကသိုလ်ကျောင်းသားတွေကို ထောက်ပံ့ဖို့ ရည်ရွယ်ထားတဲ့ ပညာသင်ဆုတစ်ခုကို လျှောက်ထားနိုင်တယ်လို့ သိရပါတယ်။

အဲဒီပညာသင်ဆုကို LORRAINE ROBINSON & MAEVE COUGHLAN EDUCATION FUND (LOMEF) က ပေးအပ်တာဖြ
စ်ပြီး ဘွဲ့မရသေးဘဲ တက္ကသိုလ်တက်နေတဲ့ အရှေ့တောင်အာရှက ကျောင်းသားတွေအတွက်သာ အကျုံးဝင်မှာဖြစ်ပါတယ်။

ပညာသင်ကြားရေးအတွက် ငွေကြေးတစ်စိတ်တစ်ပိုင်း ထောက်ပံ့မှုအပြင်၊ ကျူရှင်ကြေး၊ စာအုပ်နဲ့ စာရေးကိရိယာပစ္စည်းတွေလို သင်ကြားမှုအထောက်အကူပြုပြစ္စည်းတွေ အတွက်လည်း ပါဝင်မှာဖြစ်ပြီး လိုအပ်မယ်ဆိုရင် နေရာထိုင်ခင်းအတွက်နဲ့ သွားရေးလာရေး ကုန်ကျစားရိတ်တွေကိုပါ ထောက်ပံ့ပေးသွားမှာဖြစ်ပါတယ်။

လျှောက်ထားမယ့်ကျောင်းသားတွေအနေနဲ့ ပတ်စ်ပို့ဆိုက် ဓာတ်ပုံတစ်ပုံ၊ မွေးစာရင်း ဖိုတိုကော်ပီ၊ နောက်ဆုံးရရှိထားတဲ့ ပညာရေးဆိုင်ရာလက်မှတ်၊ မိဘဆုံးပါးသွားတဲ့ ကျောင်းသားတွေအတွက် တရားဝင်အုပ်ထိန်းခွင့်ရှိသူလက်မှတ်၊ recommendation letter အနည်းဆုံးတစ်ခုနဲ့အတူ LOMEF အဖွဲ့က ထုတ်ပေးထားတဲ့ လျှောက်လွှာနဲ့ [email protected] အီးမေးလိပ်စာထံ ပေးပို့လျှောက်ထားနိုင်မှာ ဖြစ်ပါတယ်။

လျှောက်ထားသူတွေကို ARF/LOMEF ရဲ့ ဘန်ကောက်ရုံးက တာဝန်ရှိသူတစ်ယောက်ဟာ မြန်မာနိုင်ငံကို လာရောက် စစ်ဆေးမှာဖြစ်ပြီး အောင်မြင်သူတွေသာ ပညာသင်ဆုကို ခံစားနိုင်မှာဖြစ်ပါတယ်။

ပညာသင်ဆုနဲ့ပတ်သက်တဲ့ အသေးစိတ်အချက်အလက်နဲ့ လျှောက်လွှာတွေကို ဒီနေရာမှာ သွားရောက် Download လုပ် ကြည့်ရှုနိုင်ပါတယ်။