နိုင်ဂျီးရီးယား မွတ်စလင်ဆရာဝန်အသင်းက ဆေးရုံနှင့် စာသင်ကျောင်းများ ဆောက်လုပ်လှူဒါန်းမည်

ဇွန် ၂၉၊ ၂၀၁၆
M-Media

– နိုက်ဂျီးရီးယားပြည်သူတွေ အထူးသဖြင့် ဆင်းရဲနွမ်းပါးသူတွေကို ၀န်ဆောင်မှုတွေပေးနိုင်ဖို့ ဆေးရုံတစ်ခုနဲ့ စာသင်ကျောင်းတစ်ခု ဆောက်လုပ်လှူဒါန်းသွားမယ်လို့ နိုက်ဂျီးရီးယား အစ္စလာမ့်ဆေးဘက်ဆိုင်ရာအသင်း IMAN ရဲ့ ဘောက်ချီပြည်နယ် အဖွဲ့ခွဲက ကြေငြာလိုက်ပါတယ်။

ဒီအစီအစဉ်နဲ့ပတ်သက်ပြီး တနင်္ဂနွေနေ့က ပြုလုပ်ခဲ့တဲ့ IMAN ရဲ့ ဘောက်ချီပြည်နယ်လုံးဆိုင်ရာ ညီလာခံမှာ အဖွဲ့ရဲ့ ပြည်နယ်ဥက္ကဌ ဒေါက်တာ မိုဟာမက် အလ်ကာလီက အခုလိုပြောကြားလိုက်တာဖြစ်ပြီး ဆေးရုံဆောက်လုပ်ပြီးသွားရင်လည်း မိမိတို့အသင်းက တာဝန်ယူကာ ဆေးကုသမှုတွေ ပြုလုပ်ပေးသွားမယ်လို့ ဆိုပါတယ်။

အလ်ကာလီဟာ Abubakar Tafawa Balewa တက္ကသိုလ်ရဲ့ သင်ကြားရေးဆေးရုံက ဆေးဘက်ဆိုင်ရာ ဒါရိုက်တာချုပ်လည်းဖြစ်ပြီး၊ ပြည်နယ်အတွင်း ဆောက်လုပ်သွားမယ့်ဆေးရုံမှာ သဘာဘေးအန္တရာယ်နဲ့ ကပ်ရောဂါ ကျရောက်တဲ့အချိန် တုန့်ပြန်ဆောင်ရွက်နိုင်မယ့် စနစ်တစ်ခုကိုလည်း ထားရှိသွားမှာဖြစ်ကာ ကျွမ်းကျင်တဲ့ ဆရာဝန်တွေကနေ လူမျိုးဘာသာမရွေး လူသားချင်းစာနာထောက်ထားမှုဆိုင်ရာ ၀န်ဆောင်မှုတွေကို ပေးအပ်သွားမှာဖြစ်တယ်လို့လည်း ထပ်လောင်းပြောကြားခဲ့ပါတယ်။

လက်ရှိအချိန်မှာ IMAN ရဲ့ ပြည်နယ်အဖွဲ့ခွဲဟာ ဆေးရုံတည်ဆောက်ရေးအတွက် ကော်မတီတစ်ရပ်ကို ဖွဲ့စည်းထားပြီး နေရာရှာဖွေမှုတွေ ပြုလုပ်နေပါတယ်။

အလ်ကာလီကတော့ ဒီလုပ်ငန်းမှာ မိမိတို့ဟာ အရည်အသွေးပြည့်မီတဲ့ ကျန်းမာရေးစောင့်ရှောက်မှုတွေပေးဖို့နဲ့ ဆေးဘက်ဆိုင်ရာ နယ်ပယ်အသီးသီးမှာ ကူညီထောက်ပံ့ဖို့အတွက် ဒေသတွင်း၊ နိုင်ငံတကာအဖွဲ့အစည်းတွေနဲ့ ပူးပေါင်းဆောင်ရွက်သွားမယ်လို့လည်း ထည့်သွင်းပြောကြားခဲ့ပါတယ်။

ဘောက်ချီပြည်နယ်အဖွဲ့ခွဲရဲ့ ဒီကြိုးပမ်းမှုကို IMAN ရဲ့ နိုင်ငံလုံးဆိုင်ရာ ဥက္ကဌ ဒေါက်တာ ဆာလီဆူ အစ္စမာအီလ်ကလည်း ချီးကျူးခဲ့ပါတယ်။

Ref: IINA