ဘယ်လ်ဂျီယံပွဲတွင် အကြောက်ဆုံးကိစ္စ ဖြစ်လာခဲ့သည်ဟု ဝေးလ်နည်းပြပြော

ဇူလိုင် ၂၊ ၂၀၁၆
M-Media

– ဘယ်လ်ဂျီယံနှင့် ကွာတားဖိုင်နယ်ပွဲတွင် မိမိအကြောက်ဆုံးကိစ္စ ဖြစ်လာခဲ့သော်လည်း အသင်းမှာ ပွဲကို စိုးမိုးနိုင်ခဲ့သည်ဟု ဝေးလ်နည်းပြ ခရစ် ကိုးလ်မန်းက ပြောကြားလိုက်သည်။

ယနေ့မနက်က ကစားခဲ့သည့် အဆိုပါပွဲတွင် ဝေးလ်မှာ ပထမပိုင်း ၁၃ မိနစ်မှာပင် ဦးဆောင်ဂိုးပေးခဲ့ရသည်။ သို့သော်လည်း အက်ရ်ှလေ ၀ီလီယံ၊ ဟာလ် ရော့ဘ်ဆန် ကာနူနှင့် ဆမ် ဗိုအာက်စ်တို့က ဝေးလ်အတွက် ချေပဂိုးများနှင့် အနိုင်ဂိုးများသွင်းကာ သမိုင်းဝင်နိုင်ပွဲကို ရရှိစေခဲ့သည်။

ကိုးလ်မန်းကမူ ထိုပွဲတွင် မိမိအကြောက်ဆုံးဖြစ်သည့် ဦးဆောင်ဂိုးပေးရမှုမှာ အမှန်တကယ် ဖြစ်လာခဲ့သည်ဟု ဆိုသည်။

“ဘယ်လ်ဂျီယံလိုအသင်းမျိုးနဲ့ပွဲမှာ မဖြစ်ချင်တဲ့အရာက ပထမ ၁၀ မိနစ်အတွင်းမှာ ၁ ဂိုးပေးလိုက်ရတာပါပဲ။ အဲဒါဆို သူတို့က ဘောလုံးကို ကိုင်ကစားပြီး ပြိုင်ဘက်ကို စိတ်ဓာတ်ကျစေမယ်။ ဟာဇာ့ဒ်လိုကစားသမားမျိုးက တစ်ခုခု လုပ်ပြနိုင်တယ်ဆိုတာလည်း အားလုံး သိကြပါတယ်။ တစ်ဂိုးသာနေတဲ့ သူတို့က ပြိုင်ဘက်ကို ဒုက္ခရောက်စေမှာဖြစ်ပြီး တန်ပြန်တိုက်စစ်ကနေပြီးလည်း ဂိုးတွေအများကြီး သွင်းသွားနိုင်ပါတယ်။ ကျွန်တော့်တို့ ဂိုးပေးလိုက်ရတာဟာ အကြောက်ဆုံး ကိစ္စ ဖြစ်လာတာပါပဲ” ဟု ကိုးလ်မန်းက ပြောကြားခဲ့သည်။

ထို့ပြင် မိမိတို့အသင်းမှာ ပွဲကို စိုးမိုးနိုင်ခဲ့ပြီး ဘယ်လ်ဂျီယံမှာ မိမိတို့၏ ကစားပုံကို မယှဉ်နိုင်ခဲ့ကြောင်း၊ ၎င်းက ထပ်လောင်းပြောကြားခဲ့သည်။

“ဘယ်လ်ဂျီယံနဲ့ကစားတဲ့အခါ ဒီလိုလုပ်နိုင်တဲ့အသင်း များများစားစား မရှိပါဘူး”

ဝေးလ်မှာ ဆီမီးဖိုင်နယ်တွင် ပေါ်တူဂီနှင့် တွေ့ဆုံရမည်ဖြစ်သည်။

Ref: Goal