ဦးဝီရသူကို တာမွေရဲစခန်းတွင် အမှုဖွင့်

ပြီးခဲ့သည့်လက ရန်ကုန်မြို့တွင် ကျင်းပခဲ့သည့် မဘသအဖွဲ့ နှစ်ပတ်လည်အခမ်းအနားသို့ တက်ရောက်လာသည့် ဦးဝီရသူ။ ဓာတ်ပုံ-အန်းဝမ်

အမျိုးသားရေးတက်ကြွလှုပ်ရှားသူ ဦးဝီရသူကို သာသနာအကြည်ညိုပျက်စေမှုဖြင့် နေပြည်တော်အခြေစိုက် လူမှုကူညီရေးအဖွဲ့တစ်ခု၏ဥက္ကဋ္ဌတစ်ဦးက တာမွေရဲစခန်းတွင် ဇူလိုင် ၁၁ က အမှုဖွင့်တိုင်ကြားလိုက်သည်။
.
၂၀၁၅ ခုနှစ် ဇန်နဝါရီက ရန်ကုန်မြို့တွင် ပြုလုပ်ခဲ့သည့် ဟောပြောပွဲတစ်ခုတွင် ဦးဝီရသူက “ကုလသမဂ္ဂထိုင်ခုံပေါ်ကို ရောက်တယ်ဆိုပြီး ကိုယ့်ကိုယ်ကို လူကြီးလူကောင်းလို့ အောက်မေ့မနေနဲ့” ဟု ဟောပြောခဲ့ပြီး ကုလလူ့အခွင့်အရေးကိုယ်စားလှယ် ယန်ဟီလီကို ရုန့်ရင်းကြမ်းတမ်းသည့် ဆဲဆိုချက်များဖြင့် ရည်ညွှန်းပြောဆိုသည့်အတွက် တရားစွဲဆိုခံရခြင်းဖြစ်သည်။
.
နေပြည်တော်အခြေစိုက် ပြည်တွင်းသက်တော်စောင့် လူမှုကူညီရေးအသင်းမှ ဥက္ကဋ္ဌ ဦးဝင်းအောင်က အမှုဖွင့်တိုင်ကြားထားခြင်းဖြစ်ပြီး တာမွေရဲစခန်းက အမှုဖွင့်လက်ခံထားပြီးဖြစ်သည်။
.
“ရဲစခန်းက သူတို့အနေနဲ့ တိုက်ရိုက် ကိုင်တွယ်လို့မရဘူး။ သံဃာ့မဟာနာယကကို တင်ရဦးမယ်လို့ ပြောတယ်။ အဲ့ဒီကနေ တုန့်ပြန်မှုရမှ ဆက်လက်ဆောင်ရွက်နိုင်မယ် လို့ပြောတယ်” ဟု ဦးဝင်းအောင်က Frontier ကို ပြောသည်။
.
ဦးဝီရသူ၏ ဟောပြောချက်မှာ တနှစ်ကျော် ရှိသွားခဲ့ပြီးဖြစ်သော်လည်း “အရင်ကတည်းက စွဲမယ်လို့ လုပ်ထားတာ။ ခုမှ အချိန်ကျလို့စွဲတာပါ” ဟု ဦးဝင်းအောင်က ဆိုသည်။
.
သာသနာရေးဦးစီးဌာနမှ ညွှန်ကြားရေးမှူးဦးအောင်ဆန်းဝင်းကို ဆက်သွယ်မေးမြန်းရာတွင် ဦးစီးဌာနသို့ အဆိုပါကိစ္စနှင့်ပတ်သက်၍ “မသိရှိကြောင်း” ဖြေကြားခဲ့သည်။
.
ထို့ပြင် သံဃမဟာနာယကအဖွဲ့မှ ညွှန်ကြားရေးမှူးဦးထွန်းညွန့်က “ကျနော်တို့ဆီကိုလည်း ခုထိဘာမှ အသိပေးတာမျိုး မရှိသေးပါဘူး” ဟု Frontier ကို ဖြေကြားခဲ့သည်။
.
လွန်ခဲ့သည့်ရက်ပိုင်းကလည်း ရန်ကုန်တိုင်းဝန်ကြီးချုပ်ဦးဖြိုးမင်းသိန်း၏ “မဘသ မလိုအပ်တော့ပါဘူး” ဟူသည့်စကားရပ်နှင့်ပတ်သက်၍ မဘသဖက်မှ ပြန်လည်ဝေဖန်ခဲ့သေးသည်။
.
သို့သော် ဇူလိုင် ၁၂ ရက်က ၎င်းတို့၏ထုတ်ပြန်ချက်အရ “ဒီမိုကရေစီမှာ သဘောထားကွဲလွဲပိုင်ခွင့်ရှိပါတယ်” ဟု ကြေညာချက်ထုတ် တုန့်ပြန်ခဲ့ကာ ယခင်က တနိုင်ငံလုံးအတိုင်းအတာဖြင့် ဆန္ဒပြမည်ဟူသည့် မဘသ၏ ပြောဆိုချက်မှာ မှေးမှိန်သွားခဲ့သည်။
.
နိုင်ငံတော် သံဃမဟာနာယက အဖွဲ့ကမူ အမျိုးဘာသာ၊ သာသနာ၊ စောင့်ရှောက်ရေးအဖွဲ့ (မဘသ) သည် သံဃအဖွဲ့အစည်း၊ အခြေခံစည်းမျဉ်း၊ လုပ်ထုံးလုပ်နည်းများနှင့် ဖွဲ့စည်းထားခြင်း မဟုတ်ဘဲ မည်သည့်ဂိုဏ်းပေါင်းစုံ အစည်းအဝေးကြီးကမျှ မဘသအဖွဲ့ကို အသိအမှတ်ပြုခြင်း၊ သန္ဓေတည်ပေါက်ပွားစေခဲ့ခြင်းမရှိဟု ထုတ်ပြန်ထားသည်။
.
ရေးသားသူ – မြတ်ကျော်သူ
Frontier Myanmar မှာ ကူးယူဖော်ပြပါသည်။
http://frontiermyanmar.net/mm/news/2221