ပီအက်စ်ဂျီအရှုံးမျိုး ထပ်ဖြစ်၍မရဟု ရီးယဲလ်နည်းပြပြော

ဇူလိုင် ၂၈၊ ၂၀၁၆
M-Media

– International Champions Cup တွင် ပီအက်စ်ဂျီအသင်းအား ရှုံးနိမ့်ခဲ့သည့် ရှုံးနိမ့်မှုမျိုး နောက်ထပ်ဖြစ်၍မရဟု ရီးယဲလ်မက်ဒရစ်နည်းပြ ဇီဒိန်းက ပြောကြားလိုက်သည်။

ယမန်နေ့က ကစားခဲ့သည့် အဆိုပါပွဲတွင် ပီအက်စ်ဂျီအသင်းမှာ ဥရောပချန်ပီယံ ရီးယဲလ်ကို ဦးဆောင်ဂိုး ၃ ဂိုးသွင်းကာ ၃ ဂိုး ၁ ဂိုးဖြင့် အနိုင်ရရှိခဲ့သည်။

ထိုပွဲတွင် ရီးယဲလ်မှာ ခြေစွမ်းကောင်းကို ပြသနိုင်ခြင်းမရှိဘဲ ဇီဒိန်းကလည်း အသင်းအနေဖြင့် လာလီဂါပြိုင်ပွဲမစခင် ကြိုးပမ်းအားထုတ်မှုများစွာ ပြုလုပ်ရန် လိုအပ်နေသည်ဟု ၀န်ခံခဲ့သည်။

“ဒီလိုရလဒ်မျိုး နောက်ထပ် ဖြစ်လာလို့ မဖြစ်ပါဘူး။ ဒါပေမယ့် ကျွန်တော်တို့ရဲ့ ကြိုးပမ်းမှုတွေ၊ အားထုတ်မှုတွေဟာ ကစားတဲ့အခါမှာ ရေကုန်ရေခမ်းကစားဖို့ပါ။ လက်ရှိ ကျွန်တော်တို့ဟာ ပြင်ဆင်ဆဲကာလမှာ ရှိနေပြီး ထပ်အားထုတ်သွားဖို့ လိုအပ်ပါတယ်။ ရာသီအကြိုပြင်ဆင်မှုကလည်း ဒါအတွက်ပါပဲ” ဟု ဇီဒိန်းက ပြောကြားခဲ့သည်။

Ref: Goal