ဗြိတိန်-အစ္စရေး နျူသဘောတူညီချက် စာရွက်စာတမ်းများ လန်ဒန်ရှိ အမျိုးသားမော်ကွန်းတိုက်မှ ပျောက်ဆုံး

သြဂုတ် ၃၊ ၂၀၁၆
M-Media

– အစ္စရေး၏ နျူလက်နက်စီမံကိန်းတွင် ဗြိတိန်၏ ပါဝင်မှုနှင့် ဆက်နွယ်နေသည့် အစိုးရစာရွက်စာတမ်းများမှာ ပြီးခဲ့သည့် ၄ နှစ်အတွင်း အင်္ဂလန်ရှိ အမျိုးသားမော်ကွန်းတိုက်မှ ပျောက်ဆုံးသွားခဲ့ပြီး ပျောက်ဆုံးခဲ့သည့် စာရွက်စာတမ်းများထဲတွင် ၁၉၇၀ ပြည့်နှစ်များက ဆောင်ရွက်ခဲ့သည့် ‘စစ်ရေးနှင့် နျူးကလီးယား ပူးပေါင်းဆောင်ရွက်ရေး’ ဆိုင်ရာ အထောက်အထားများလည်း ပါဝင်သွားသည်ဟု သိရသည်။

မော်ကွန်းတိုက်မှာ လန်ဒန်မြို့အနောက်တောင်ပိုင်း Kew မြို့တွင်တည်ရှိနေပြီး မှတ်တမ်းပေါင်း ၄၀၀ ကျော် ပျောက်ဆုံးခဲ့ခြင်းဖြစ်သည်။

ထိုကဲ့သို့ အစိုးရအထောက်အထားများ ပျောက်ဆုံးမှုကို ဘီဘီစီ၏ လွတ်လပ်စွာ သတင်းအချက်အလက် ရယူနိုင်ရေးအဖွဲ့ Fol ၏ တောင်းဆိုမှုကြောင့် ထုတ်ပြန်ခဲ့ခြင်းဖြစ်ပြီး ဖိုင်တွဲပေါင်း ၄၀၂ တွဲ ပျောက်ဆုံးမှုကို ၂၀၁၂ ခုနှစ် ဇန်ဝါရီလမှ အစိုးရက သိရှိခဲ့ခြင်းဖြစ်သည်။

ပျောက်ဆုံးသွားသည့်ဖိုင်များတွင် ‘အစ္စရေးနှင့် စစ်ရေး၊ နျူကလီးယားအရေး ပူးပေါင်းဆောင်ရွက်မှု – အစ္စရေး၏ နျူ လက်နက်စုဆောင်းခြင်း’ ခေါင်းစဉ်ဖြင့် ရေးသားထားသော နိုင်ငံခြားရေးဝန်ကြီးဌာနမှ ဖိုင်တွဲလည်း ပါဝင်ခဲ့ပြီး ထိုဖိုင်တွဲတွင် အစ္စရေးက နျူလက်နက်များ ၀ယ်ယူရန်ဆောင်ရွက်နေမှုကို ဖော်ပြထားသည်။

ထိုဖိုင်တွဲမှာ ၁၉၇၈ ခုနှစ်တွင် ကုလသမဂ္ဂက အရှေ့အလယ်ပိုင်းနိုင်ငံများတွင် လူအစုလိုက်အပြုံလိုက်သေစေနိုင်သည့် နျူ လက်နက်များ စုဆောင်းရန် ကြိုးစားမှုနှင့်ပတ်သက်သည့် ထင်ရှားသော အထောက်အထားများအဖြစ် စာရင်းပြုထားသည့် ဆုံးဖြတ်ချက်နှင့် ဆက်နွယ်သည်ဟု ယူဆရသည်။

အမျိုးသားမော်ကွန်းတိုက်တွင် သိမ်းဆည်းထားသည့် အင်္ဂလန်-အစ္စရေး နျူကလီးယားသဘောတူညီချက်များနှင့် ပတ်သက်သော စာရွက်စာတမ်းများ ပေါ်ထွက်လာမှုမှာ ယခုအကြိမ်သည် ပထမဆုံးမဟုတ်ဘဲ လွန်ခဲ့သည့် ၁၀ နှစ်အရင်ကလည်း အစ္စရေး၏ လျှို့ဝှက် နျူကလီးယားဓာတ်ပေါင်းဖို Dimona တွင် အသုံးပြုရန်အတွက် ပလူတိုနီယံ ထုတ်လုပ်ရာတွင် လိုအပ်သော ဟိုက်ဒရိုဂျင် အိုင်ဆိုတုပ်အရည် တန် ၂၀ ကို ဗြိတိန်က ရောင်းချမှုနှင့်ပတ်သည့် ၁၉၅၈ ခုနှစ်က စာရွက်စာတမ်းတစ်ခုကိုလည်း ဗြိတိန်အစိုးရက ထုတ်ပြန်ခဲ့သည်။

အရှေ့အလယ်ပိုင်းနိုင်ငံများတွင် နျူလှုပ်ရှားမှုနှင့်ပတ်သက်၍ အစ္စရေးက အပြင်းအထန်ကန့်ကွက်နေသော်လည်း ၎င်းတွင် နျူလက်နက်များရှိနေသည်ဟု ကမ္ဘာ့နိုင်ငံများက ယုံကြည်နေပြီး အရေအတွက် မည်မျှရှိသည်ဆိုသည်မှာ လျှို့ဝှက်ချက်တစ်ခု ဖြစ်နေသည်။

Ref : RT