မြန်မာစစ်တပ်မှာ စစ်ရာဇ၀တ်မှုကျူးလွန်သည်ဟု ALP ပါတီ၏ ပြောဆိုမှု ပယ်ဖျက်ပေးရန် နယ်စပ်ရေးရာဝန်ကြီး တောင်းဆို

သြဂုတ် ၄၊ ၂၀၁၆
M-Media

– မြန်မာအစိုးရစစ်တပ်မှာ ရခိုင်ပြည်နယ်အတွင်း စစ်ရာဇ၀တ်မှု ကျူးလွန်ခဲ့ပြီး၊ ရခိုင်ပြည်သူများကို အလုပ်သမားများ၊ လူတံတိုင်းများအဖြစ် ဖမ်းဆီးအသုံးပြုကာ ဂျီနီဗာသဘောတူညီချက်ကို ချိုးဖောက်သည်ဟု ရခိုင်လွတ်မြောက်ရေးပါတီ (ALP) ၏ စွပ်စွဲပြောဆိုမှုများကို ရုပ်သိမ်းပေးရန်အတွက် ရခိုင်ပြည်နယ် နယ်စပ်ရေးရာနှင့် လုံခြုံရေးဝန်ကြီးက ထပ်လောင်း တိုက်တွန်းလိုက်သည်။

ALP က ဧပြီလတွင် ထုတ်ပြန်ခဲ့သည့် သတင်းထုတ်ပြန်ချက်တွင် အစိုးရစစ်တပ်အား ထိုကဲ့သို့ စွပ်စွဲထားခြင်းဖြစ်ပြီး ဗီဒီယိုနှင့် ဓာတ်ပုံအထောက်အထားများလည်း ပါဝင်ခဲ့သည်။ စစ်တပ်ကမူ ထိုစွပ်စွဲချက်များကို ပြင်းပြင်းထန်ထန် ငြင်းဆိုထားသည်။

ထိုကိစ္စနှင့်ပတ်သက်၍ ဇူလိုင်လ ၂၅ ရက်နေ့က ALP က ဆက်ဆံရေးအရာရှိ ဦးခိုင်မျိုထွန်းမှာ ဖမ်းဆီးခံခဲ့ရပြီး ပြစ်မှုဆိုင်ရာ ဥပေဒ ပုဒ်မ ၅၀၅ (ခ)-(ဂ) တို့ဖြင့် တရားစွဲဆိုခံထားရသည်။

ဇူလိုင်လ ၂၉ ရက်နေ့က ALP ပါတီမှာ နယ်စပ်ရေးရာဝန်ကြီး ဗိုလ်မှူးကြီး ထင်လင်းနှင့် တွေ့ဆုံခဲ့သော်လည်း မည်သည့်သဘောတူညီချက်မှ မရရှိခဲ့ဟု ALP ၏ အကြီးတန်းအဖွဲ့ဝင်တစ်ဦးဖြစ်သူ ဗိုလ်ကြီး ခိုင်နေလင်းက ပြောကြားခဲ့သည်။ ထိုတွေ့ဆုံမှုအတွင်း စစ်တပ်အား စော်ကားသည့် စွပ်စွဲမှုကို ရုပ်သိပ်ပေးရန် သို့မဟုတ် ပြင်ဆင်ပေးရန် ၀န်ကြီးက တိုက်တွန်းခဲ့သည်ဟု ဆိုသည်။ ထို့ပြင် ဆက်ဆံရေးအရာရှိကို ပြန်လည်လွှတ်ပေးရန်လည်း ၀န်ကြီးက ငြင်းဆိုခဲ့သည်။

ဗိုလ်ကြီးခိုင်နေလင်းကမူ နယ်စပ်ရေးရာဝန်ကြီး၏ တောင်းဆိုမှုအတွက် မိမိတို့ပါတီ၏ အမှုဆောင်ကော်မတီများမှာ ဆွေးနွေးမှုများပြုလုပ်သွားမည်ဟု ပြောကြားခဲ့သည်။

ရခိုင်ပြည်နယ် ပြန်ကြားရေးဌာနကလည်း ဇူလိုင် ၂၉ ရက်တွေ့ဆုံမှုနှင့် ဆွေးနွေးမှုအတွင်း အဖြေမထွက်ခဲ့မှုတို့ကို အတည်ပြုခဲ့ပြီး နှစ်ဖက် ထပ်မံဆွေးနွေးမှု ဆက်လုပ်မည်လားဆိုသည်ကို ရှင်းရှင်းလင်းလင်း မသိရသေးပေ။

Ref: mmtimes