မွတ်စလင်သူရဲကောင်းများကို ဂါရ၀ပြုကာ ညီညွတ်မှုကို ပြသလိုက်တဲ့ အမေရိကန်ပြည်သူများ

သြဂုတ် ၁၀၊ ၂၀၁၆
M-Media

– ဒေါ်နယ်ထရမ့်က တိုင်းပြည်အတွက် အသက်စွန့်ခဲ့ကြတဲ့ မွတ်စလင်သူရဲကောင်းမိသားစုအပေါ် ဝေဖန်မှုကို ဆန့်ကျင်ကာ အမေရိကန်မွတ်စလင်လူ့အဖွဲ့အစည်းနဲ့ တစ်သားတည်းရှိကြောင်း ပြသတဲ့အနေနဲ့ ကိုလိုရာဒိုက ပြည်သူတွေဟာ ကျဆုံးသွားခဲ့တဲ့ မွတ်စလင်စစ်သားတွေကို စစ်သချိင်္ုင်းမှာ သွားရောက် ဂါရ၀ပြုခဲ့တယ်လို့ သိရပါတယ်။

ထရမ့်ဟာ လာမယ့်နိုဝင်ဘာ သမ္မတရွေးကောက်ပွဲမှာ ရီပက်ဘလစ်ကန်ပါတီ ကိုယ်စားပြု ယှဉ်ပြိုင်မှာဖြစ်ပြီး အီရတ်မှာ တာဝန်ထမ်းဆောင်ရင်း ကျဆုံးသွားတဲ့ အမေရိကန် မွတ်စလင်စစ်ဗိုလ် ဟူမေယွန်ခန်းရဲ့ မိသားစုကို ပြီးခဲ့တဲ့တစ်ပတ်မှာ စော်ကားပြောဆိုခဲ့တာဖြစ်ပါတယ်။

ကိုလိုရာဒိုက ပြည်သူ အယောက် ၃၀ လောက်ဟာ ထရမ့်ရဲ့ ဒီမှတ်ချက်ကို ဆန့်ကျင်တဲ့အနေနဲ့ ပြီးခဲ့တဲ့ တနင်္ဂနွေနေ့မှာ Fort Logan အမျိုသားသုဿန်ကို သွားရောက်ပြီး မွတ်စလင်သူရဲကောင်းတွေကို ဂါရ၀ပြုခဲ့တာပါ။

“ကျွန်တော်တို့ ရရှိခံစားနေရတဲ့အရာတစ်ခုဟာ ‘လွတ်လပ်ခြင်း’ ဖြစ်ပြီး အဲဒီလွတ်လပ်ခြင်းဟာ ဒီသူရဲကောင်းတွေကြောင့် ရရှိခဲ့တာဖြစ်ပါတယ်။ သူတို့ဟာ ဒီတာဝန်ကို ဂုဏ်ယူစွာ ထမ်းဆောင်ခဲ့ကြသူတွေပါ” လို့ သွားရောက်ဂါရ၀ပြုသူတွေက တစ်ဦးဖြစ်တဲ့ ဂျွန်နီ နီလ်ဆင်က ပြောကြားခဲ့ပါတယ်။

နောက်ပြီး မိမိနဲ့ လူမျိုး၊ ကိုးကွယ်တဲ့ဘာသာမတူတဲ့သူတွေကို အထူးအလေးထားပြီး ဂါရ၀ပြုခဲ့တယ်လို့လည်း သူက ပြောကြားခဲ့ပါတယ်။

မွတ်စလင်တွေအပါအ၀င် တိုင်းပြည်အတွင်း အသက်စွန့်ခဲ့ကြတဲ့ သူတွေကို ဒီလိုသွားရောက်ဂါရ၀ပြုလာအောင် လှုံ့ဆော်ပေးခဲ့သူကတော့ ကိုလိုရာဒိုက မိုက် ဆက်ဇ်တန်လို့ခေါ်တဲ့ အမျိုးသားတစ်ဦးပါပဲ။ သူက လူမျိုး၊ ဘာသာ မခွဲခြားဘဲ တိုင်းပြည်ရဲ့ သူရဲကောင်းတွေကို ကျေးဇူးတင်ကြဖို့ အမေရိကန်ပြည်သူတွေကို တိုက်တွန်းခဲ့တာပါ။

“ခင်ဗျားနဲ့ မတူညီတဲ့လူတစ်ယောက်ရဲ့ အုတ်ဂူကို အမေရိကန်တစ်ယောက်အဖြစ်သဘောထားပြီး သွားရောက်ဂါရပြုလိုက်ပါ” လို့ ဆက်ဇ်တန်က ပြောကြားခဲ့ပါတယ်။

ဆက်ဇ်တန်က ဗိုလ်ကြီးဟူမေယွန်ခန်းရဲ့ ဖခင် ဒီမိုကရက်တစ်ပါတီရဲ့ နိုင်ငံလုံးဆိုင်ရာ ညီလာခံမှာ ပြောကြားခဲ့တဲ့ မိန့်ခွန်းကြောင့် ဒီလို အတွေးရခဲ့တယ်လို့လည်း ဆိုပါတယ်။

ဗိုလ်ကြီးဟူမေယွန်ခန်းဟာ ၂၀၀၄ ခုနှစ် အီရတ်နိုင်ငံမှာ တာဝန်ထမ်းဆောင်နေစဉ်အတွင်း သူတို့ရဲ့ စစ်စခန်းဂိတ်ပေါက်အနီးမှာ သံသယဖြစ်ဖွယ် ကားတစ်စီး ကပ်လာတာကြောင့် သူ့ရဲ့တပ်ဖွဲ့ဝင်တွေကို ၀ပ်နေဖို့ပြောက သူကိုယ်တိုင် သွားရောက်စစ်ဆေးစဉ်အတွင်း ကားဗုံးပေါက်ကွဲ ကျဆုံးခဲ့ရတာဖြစ်ပါတယ်။

ထရမ့်က ဗိုလ်ကြီးဟူမေယွန်ခန်းရဲ့ မိဘတွေကို စော်ကားပြောဆိုမှုကို သမ္မတအိုဘားမာ၊ ရီပက်ဘလစ်ကန်ပါတီက ထိပ်တန်း တာဝန်ရှိသူတွေအပါအ၀င်၊ ထင်ရှားကျော်ကြားသူများ၊ အမေရိကန်ပြည်သူများက ပြင်းပြင်းထန်ထန် ကန့်ကွက်ခဲ့ကြပါတယ်။

နောက်ပိုင်းမှာ အမေရိကန်ပြည်သူတော်တော်များများဟာ အမေရိကန် အာလင်တန်အမျိုးသားသုဿန်မှာ မြှုပ်နှံထားတဲ့ ဗိုလ်ကြီးရဲ့ အုပ်ဂူမှာ သွားရောက်ဂါရ၀ပြုခဲ့ကြပါတယ်။

Ref: denver.cbslocal.com