အကြီးကျယ်ဆုံး ကစားသမားအဖြစ် ကင်ပွန်းတပ်ခံချင်သည့် အူစိန်ဘော့

သြဂုတ် ၁၉၊ ၂၀၁၆
M-Meida

– ဘရာဇီးလ်နိုင်ငံ ရီယိုဒီဂျနေရိုးတွင် ကျင်းပပြုလုပ်နေသော အိုလံပစ်ပြိုင်ပွဲတွင် သမိုင်းသစ် ရေးထိုးနိုင်ခဲ့သည့် ဂျမေကာအပြေးသမား အူစိန်ဘော့က ၎င်းအနေဖြင့် မိုဟာမက်အလီ၊ ပီလီတို့ကဲ့သို့ အကြီးကျယ်ဆုံးကစားသမား ဖြစ်ချင်သည်ဟု ပြောကြားလိုက်သည်။

အူစိန်ဘော့မှာ မီတာ ၁၀၀၊ မီတာ ၂၀၀ နှင့် လက်ဆင့်ကမ်းအပြေးပြိုင်ပွဲတို့တွင် ရွှေတံဆိပ်ဆုများ ရရှိခဲ့ပြီး အိုလံပစ် ၃ကြိမ်ဆက် ကစားနည်း ၃ မျိုးစလုံးတွင် ရွှေဆုများ ရယူနိုင်ခဲ့ခြင်းဖြစ်သည်။ ၎င်းကမူ ပီလီ၊ မိုဟာမက်အလီနှင့် အမေရိကန် ရေကူးသမား မိုက်ကယ် ဖဲလ်ပ်ကဲ့သို့ ဖြစ်ချင်သည်ဟု ဆိုသည်။

“အကြီးကျယ်ဆုံးကစားသမားဖြစ်အောင် ကြိုးစားနေပါတယ်။ အလီနဲ့ ပီလီတို့လိုပါ” ဟု မီတာ ၂၀၀ ပြိုင်ပွဲတွင် ပန်းဝင်ပြီး စက္ကန့်အနည်းငယ်အကြာတွင် ပြောကြားခဲ့သည်။

ထို့ပြင် နောက်ပိုင်း သတင်းစာရှင်းလင်းပွဲတွင်လည်း အူစိန်ဘော့က မိမိအနေဖြင့် မီဒီယာများက မည်သို့ရေးမည်ကို စောင့်ကြည့်နေသည်ဟု ပြောကြားခဲ့သည်။

“မီဒီယာက ဘာရေးမလဲ။ သူတို့ကျွန်တော့်ကို ဘယ်လိုအဆင့်မျိုးထားပြီး ရေးမလဲဆိုတာ စောင့်ကြည့်နေပါတယ်။ ဒီအချိန်ရောက်ရှိလာဖို့အတွက် ကျွန်တော့်ရဲ့ ကစားသမားဘ၀တစ်လျှောက်လုံး၊ ကျွန်တော့်တစ်ဘ၀လုံး ကြိုးစားခဲ့ရတာပါ။ ခင်ဗျားတို့အနေနဲ့ ကျွန်တော့်ကို အားကစားလောကမှာ အကြီးကျယ်ဆုံးသူတစ်ယောက်အဖြစ် ရေးသားမယ်လို့ မျှော်လင့်ပါတယ်” ဟု အူစိန်ဘော့က ပြောကြားခဲ့သည်။

အူစိန်ဘော့မှာ အိုလံပစ်နှင့် နိုင်ငံတကာပြိုင်ပွဲများတွင် ဆုတံဆိပ်ပေါင်း ၁၉ ခုကို သိမ်းပိုက်ထားပြီး ယခုအိုလံပစ်က ၎င်း၏ နောက်ဆုံးအိုလံပစ်ဖြစ်သည်ဟု ပြောကြားခဲ့သည်။

“ကျွန်တော်ဟာ အကြီးကျယ်ဆုံး အားကစားသမားတစ်ယောက်ဖြစ်တယ်ဆိုတာကို သက်သေပြခဲ့ပြီးပါပြီ။ ဒီအတွက်ပဲ ကျွန်တော် ဒီကိုလာခဲ့တာပါ။ ဒ့ါကြောင့်ပဲ ကျွန်တော့်ရဲ့ နောက်ဆုံး အိုလံပစ်လို့ ပြောခဲ့တာပါ”

Ref : Aljazeera