အီတလီငလျင်မှ ရင်ကိုထိမှန်စေသော စာ

သြဂုတ် ၂၈၊ ၂၀၁၆
M-Media

ညီမငယ်ကို ကာကွယ်ရင်း အသက်ဆုံးရှုံးခဲ့ရသည့် ဂူလီယာ

– အခုတစ်ပတ်အတွင်း အီတလီနိုင်ငံအလယ်ပိုင်းမှာ ဖြစ်ပွားခဲ့တဲ့ မြေငလျင်လှုပ်ခတ်မှုမှာ သေဆုံးသွားသူတွေထဲက အချို့ကို မနေ့က နိုင်ငံတော်အခမ်းအနားနဲ့ သဂြိင်္ုဟ်ခဲ့ပါတယ်။

လူပေါင်း ၂၉၀ လောက်သေဆုံးခဲ့တဲ့ အဲဒီ ဖြစ်ရပ်ဆိုးကြီးမှာ မနေ့က ၃၄ ဦးကို သင်္ဂြိုဟ်ခဲ့ပြီး၊ အသက် ၁၀ နှစ်အရွယ် သမီးငယ် ဂူလီယာ ရီနာလ်ဒိုလေးရဲ့ အခေါင်းဖြူဖြူလေးမှာ တင်ထားတဲ့ မီးသတ်သမားတစ်ဦးရဲ့ စာကတော့ အီတလီနိုင်ငံသားတွေရဲ့ရင်ကို ထိမှန်စေခဲ့ပါတယ်။

ဂူလီယာလေးရဲ့အလောင်းကို ငလျင်လှုပ်ပြီး ၁၆ နာရီအကြာမှာ Pescara del Tronto မြို့က အပျက်အဆီးတွေအောက်မှာ တွေ့ရှိခဲ့တာဖြစ်ပြီး သူမရဲ့ ညီမငယ်လေးဖြစ်သူ ဂျော်ဂျီယာကို အုတ်ကျိုးအုတ်ပဲ့တွေ မပိဖို့ ကာကွယ်ပေးရင်း အသက်ဆုံး ရှုံးခဲ့ရတာဖြစ်ပါတယ်။ ဂျော်ဂျီယာလေးကတော့ အသက်ရှင်ခဲ့ပါတယ်။

မနေ့က ဂူလီယာလေးရဲ့အခေါင်းမှာ တင်ထားခဲ့တဲ့စာဟာ မီးသတ်သမားတစ်ဦးက ရေးထားတာဖြစ်ပြီး နာမည်ကိုတော့ အန်ဒရီယာလို့သာ ရေးထိုးထားပါတယ်။

စာအပြည့်အစုံကတော့ အောက်ပါအတိုင်းဖြစ်ပါတယ်။

“သမီးလေးရ- အုတ်ပုံတွေကြားထဲကနေ သမီးကို ကယ်ထုတ်ဖို့ ဦးလေး မစွမ်းဆောင်နိုင်ခဲ့ဘူး။ ဦးလေးတို့ လာတာ သိပ်နောက်ကျသွားတယ်ဆိုရင် ခွင့်လွှတ်ပါနော်။ ဦးတို့ရောက်တဲ့အချိန်မှာ သမီးလေး အသက်မရှိတော့ပေမယ့် ဦးလေးက သမီးလေးကို ကယ်ထုတ်ဖို့ အစွမ်းကုန်ကြိုးစားခဲ့တယ်ဆိုတာကိုတော့ သမီးကို သိစေချင်ပါတယ်ကွယ်။ l’Aquila က ဦးအိမ်ကို ပြန်တဲ့အချိန်မှာ ကောင်းကင်တမန်က ဦးကိုကြည့်နေမယ်ဆိုတာ ဦးသိတယ်”

“သမီးလေးဟာ ညဘက်ကောင်းကင်ယံမှာ တောက်ပတဲ့ကြယ်လေးတစ်လုံး ဖြစ်မှာပါ။ နှုတ်ဆက်ပါတယ် ဂူလီယာ – သမီးလေးက ဦးလေးကို မသိပေမယ့် ဦးလေးကတော့ သမီးလေးကို ချစ်မြတ်နိုးနေမှာပါ”

စာရဲ့အဆုံးမှာတော့ အသဲနှလုံးပုံလေးကို လက်မှတ်အဖြစ် ရေးထိုးထားပါတယ်။

ဘုန်းတော်ကြီး ဂျီယိုဗာနီ ဒီ အာရ်ကိုးလ်က ဂျော်ဂျီယာလေး အသက်ရှင်သန်မှုကိုအတွက် အခုလို တင်စား ပြောကြားခဲ့ပါ
တယ်။

“ဂျော်ဂျီယာလေးအတွက် သေခြင်းနဲ့ ရှင်ခြင်းက ဒွန်တွဲလာခဲ့ပြီး အသက်ရှင်သန်မှုက အနိုင်ရရှိခဲ့တာပါ”

Ref: BBC