နည်းပညာကို အကျိုးရှိစွာသုံးနိုင်ရေး ပုပ်ရဟန်မင်းကြီးနှင့် ဇူကာဘာ့ဂ်တို့ ဆွေးနွေး

သြဂုတ် ၃၀၊ ၂၀၁၆
M-Media

– ခရစ်ယာန် ကက်သလစ်အသင်းတော်၏ အကြီးအကဲဖြစ်သော ပုပ်ရဟန်းမင်းကြီး ဖရန်စစ်မှာ ယမန်နေ့က Facebook တည်ထောင်သူ မာ့ခ် ဇူကာဘာ့ဂ်နှင့် တွေ့ဆုံခဲ့ပြီး ဆက်သွယ်ရေး နည်းပညာများအား အများအကျိုးအတွက် အသုံးချရေး ဆွေးနွေးခဲ့ကြသည်ဟု သိရသည်။

ဗာတီကန်တွင် တွေ့ဆုံခဲ့ကြခြင်းဖြစ်ပြီး ဆင်းရဲမွဲတွေမှုလျှော့ချရေး၊ တွေဆုံဆွေးနွေးအဖြေရှာမှု ဓလေ့အား တွန်းအားပေးရေး၊ အချို့တဲ့ဆုံးသူများအတွက် မျှော်လင့်ချက်သတင်းစကားပါးရေး စသည့် ကဏ္ဍများအတွက် ဆက်သွယ်ရေးနည်းပညာကို မည်ကဲ့သို့ အသုံးချရမည်ဆိုသည့် ကိစ္စများကို ဆွေးနွေးခဲ့ကြခြင်းဖြစ်သည်ဟု ဗာတီကန် ပြန်ကြားရေးဌာနမှ ဒါရိုက်တာ ဂါ့ဂ်ျ ဘာရ်ကီက ပြောကြားခဲ့သည်။

ဇူကာဘာ့ဂ်မှာ ပုပ်ရဟန်းမင်းကြီးအား ဒရုန်းလေယာဉ်းတစ်စင်း လက်ဆောင်ပေးအပ်ခဲ့ပြီး၊ ၎င်းတို့နှစ်ဦး၏ ဓာတ်ပုံကိုလည်း Facebook စာမျက်နှာတွင် လွှင့်တင်ခဲ့သည်။ ထို့ပြင် မိမိလေးစားသည့် ပုပ်ရဟန်းမင်းကြီးနှင့် တွေ့ဆုံမှုမှာ မိမိအတွက် မမေ့နိုင်မည့် တွေ့ဆုံမှုဖြစ်သည်ဟု ပြောကြားခဲ့သည်။

Ref: huffingtonpost