ကိုဖီအန်နန် လာမည့်သီတင်းပတ်တွင် မြန်မာနိုင်ငံသို့ လာရောက်မည်

စက်တင်ဘာ ၂၊ ၂၀၁၆
M-Media

– မကြာသေးခင်က ရခိုင်ပြည်နယ် အကြံပေးကော်မရှင်၏ အကြီးအကဲအဖြစ် ခန့်အပ်ခြင်းခံခဲ့ရသည့် ကုလသမဂ္ဂ အထွေထွေအတွင်းရေးမှူးချုပ်ဟောင်း ကိုဖီအန်နန်မှာ လာမည့်သတင်းပတ်တွင် မြန်မာနိုင်ငံသို့ လာရောက်လည်ပတ်ရန် ရှိနေသည်ဟု သိရသည်။

“စက်တင်ဘာ ၆ ရက်နေ့ ဖြစ်မှာပါ။ ဒါပေမယ့် ရက်စွဲကတော့ အတိအကျ မဟုတ်သေးပါဘူး” ဟု ရခိုင်ပြည်နယ်အစိုးရ၏ အတွင်းရေမှူး ဦးတင်မောင်ဆွေ၏ ပြောကြားမှုကို မြန်မာတိုင်းမ်စ် သတင်းစာက ဖော်ပြခဲ့သည်။ သမ္မတရုံးမှ ဒုတိယညွှန်ကြားရေးမှူး ဦးဇော်ဌေးကလည်း ထိုလာရောက်မှုအစီအစဉ်ကို အတည်ပြုခဲ့သော်လည်း လာရောက်မည့် နေ့ရက်နှင့် သွားရောက်မည့်နေရာများကို အသေးစိတ် မစီစဉ်ရသေးဟု ပြောကြားခဲ့သည်။

ကိုဖီအန်နန် ဦးဆောင်ပြီး အဖွဲ့ဝင် ၉ ဦးပါသည့် အဆိုပါကော်မရှင်မှာ ပဋိပက္ခတားဆီးရေး ဆောင်ရွက်ချက်များ၊ လူသားချင်း စာနာထောက်ထားမှုဆိုင်ရာ အကူအညီများ၊ အခွင့်အရေးနှင့် ပြန်လည်ရင်ကြားစေ့ရေး၊ အခြေခံအဆောက်အဦးများ တည်ဆောက်ရေးနှင့် မတည်ငြိမ်သော ရခိုင်ပြည်နယ်တွင် ဖွံ့ဖြိုးတိုးတက်ရေး ရေရှည်စီမံကိန်းများ ဆောင်ရွက်နိုင်ရေး စသည့် ကိစ္စရပ်များအတွက် နည်းလမ်းများကို ရှာဖွေရမည်ဖြစ်သည်။

ကော်မရှင်မှာ လေ့လာဆန်းစစ်မှုများ ပြုလုပ်ရန် တစ်နှစ်အချိန်ရပြီး မြန်မာအစိုးရထံ အစီရင်ခံစာ ရေးသား တင်သွင်းရမည်ဖြစ်သည်။

ထိုကော်မရှင်အား အမျိုးသားရေးဝါဒီများက ကန့်ကွက်မှု ရှိနေပြီး အစိုးရအနေဖြင့် နိုင်ငံတကာကျွမ်းကျင်သူများဖြင့် ထိုအကြံပေးအဖွဲ့ကို ဖွဲ့စည်းခဲ့ခြင်းမှာ အချုပ်အခြာအာဏာကို ထိပါးသည်ဟု စွပ်စွဲပြောဆိုမှုများ ရှိနေသည်။ ထိုကဲ့သို့ နိုင်ငံခြားသားများ ပါဝင်ခြင်းကလည်း ပြည်တွင်းအရေးကိစ္စအား နိုင်ငံရပ်ခြားသြဇာ လွှမ်းမိုးစေသည်ဟု ယူဆနေသည်။

ရခိုင်အမျိုးသားပါတီ ANP ကလည်း အဆိုပါ ကော်မရှင်အား ဖျက်သိမ်းရန် တောင်ဆိုထားပြီး၊ အစိုးရနှင့် ထိုကော်မရှင်မှာ ရခိုင်တိုင်းရင်းသားများအတွင် မျှတမှု ရှိမည်မဟုတ်ဟု စွပ်စွဲပြောကြားခဲ့သည်။ အတိုက်အခံပါတီကြီးတစ်ခုဖြစ်သော ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီက ထိုကော်မရှင်အား အမျိုးသားရေးအမြင်ဖြင့် စောင့်ကြည့်သွားမည်ဟု ကြေငြာချက် ထုတ်ပြန်ခဲ့သည်။

Ref: indianexpress