နိုက်ဂျီးရီးယားတွင် ကလေးငယ် ၇ သောင်းကျော် အငတ်ဘေးဆိုက်နေ

အောက်တိုဘာ ၂၊ ၂၀၁၆
M-Media

– အကူအညီများ အလျင်အမြန် မရရှိပါက ဘိုကိုဟာရမ်အဖွဲ့၏ လက်ချက်ကြောင့် နိုက်ဂျီးရီးယား ကလေးငယ် ၇၅၀၀၀ ခန့်မှာ အစာရေစာပြတ်လပ်သည့် အခြေအနေမျိုးဖြင့် လာမည့်နှစ်တွင် သေဆုံးနိုင်ဖွယ် ရှိနေသည်ဟု ကုလသမဂ္ဂ နိုင်ငံတကာ ကလေးငယ်များ အရေးပေါ်ရန်ပုံငွေအဖွဲ့ (UNICEF) က သတိပေးလိုက်သည်။

ထိုတွက်ချက်မှုမှာ ဘိုကိုဟရမ်၏ ၇ နှစ်တာ အစွန်းရောက်တိုက်ခိုက်မှုကြောင့် သေကြေခဲ့သည့် လူ ၂၀၀၀၀ ထက်ပင် ပိုမိုများပြားနေသည်။

အာဟာရချို့တဲ့မှုအဆင့် ပြင်းထန်နေပြီး သေဆုံးမှုနှင့် ရင်ဆိုင်ရဖွယ်ရှိနေသည့် ကလေးငယ်အမြောက်အများမှာ နိုက်ဂျီးရီးယားအရှေ့မြောက်ခြမ်းတွင် လူသားချင်းစာနာထောက်ထားမှုဆိုင်ရာ အကျပ်အတည်း ဖြစ်စေပြီး ကမ္ဘာ့အဆိုးရွားဆုံး ဖြစ်လာနိုင်ဖွယ်ရှိကြောင်း နိုင်ဂျီးရီးယားဆိုင်ရာ UNICEF အာဟာရအဖွဲ့ ခေါင်းဆောင် အာရ်ဂျန် ဒီ ၀ါဂ်ျ က ပြောကြားခဲ့သည်။

ထို့ပြင် ထိုကလေးငယ်များ သေဆုံးအံ့ဆဲဆဲ ဖြစ်နေသည့် ထိုကိစ္စအတွက် တုန့်ပြန်မှု မရှိဟုလည်း ၎င်းက ဆိုသည်။

နိုင်ငံအရှေ့မြောက်ပိုင်းရှိ အဆိုပါဒေသမှ ကလေးငယ် ၂၀ ရာခိုင်နှုန်းမှ ၅၀ ရာခိုင်နှုန်းအကြားတွင် ထိုကဲ့သို့ ဆိုးရွားသော အဟာရချို့တဲ့မှုများကို တွေ့နေရသည်ဟု ယူနီဆက်ဖ်က ထောက်ပြခဲ့သည်။

“ကမ္ဘာကြီးက ဒီအခြေအနေကို မမြင်ချင်ယောင် ဆောင်နေမယ်ဆိုရင် လွန်ခဲ့တဲ့ ၅ နှစ်ကာ ဆိုမာလီယာလို နေရာမျိုးမှာ ဖြစ်ပျက်ခဲ့တဲ့ အခြေအနေမျိုးကို ပြန်ရောက်သွားမှာပါ” ဟု ဒီ ၀ါဂ်ျက ထည့်သွင်းပြောကြားခဲ့သည်။

၂၀၁၀ ခုနှစ်မှ ၂၀၁၂ ခုနှစ်အတွင် ဆိုမာလီယာနိုင်ငံတွင် အလွန်ဆိုးရွားသော မိုးခေါင်မှုကြောင်၊ ပဋိက္ခများ ဖြစ်ပွားမှုတို့ကြောင့် လူပေါင်း ၂၆၀၀၀၀ နီးပါး သေဆုံးခဲ့သည်။

Ref : IINA