နိုင်ငံတကာပညာရေးတွင် ယူအေအီး၏ အခန်းကဏ္ဍကို ယူနက်စကို ချီးကျူး

အောက်တိုဘာ ၁၁၊ ၂၀၁၆
M-Media

ယူနက်စကိုအဖွဲ့ကြီး၏ အထွေထွေဒါရိုက်တာ အိုင်ရီနာ ဘိုကိုဗာ

– နိုင်ငံတကာ ပညာရေးကဏ္ဍတွင် အာရပ်စော်ဘွားများပြည်ထောင်စု (ယူအေအီး) နိုင်ငံ၏ ကူညီပံ့ပိုးပေးမှုများအတွက် ယူနက်စကိုအဖွဲ့ကြီး၏ အထွေထွေဒါရိုက်တာဖြစ်သူ အိုင်ရီနာ ဘိုကိုဗာက ချီးကျူးပြောဆိုလိုက်သည်။

ကျောင်းဆရာများ၏ ထိထိရောက်ရောက်ပညာသင်ကြားနိုင်စွမ်း မြှင့်တင်ရေးအတွက် ‘ထူးခြားသည့် ကျင့်သုံးမှုနှင့် စွမ်းဆောင်ရည်ဆိုင်ရာ ဟမ်ဒန် ဘင် ရာရှစ် အလ်-မက်ခ်တွမ်ဆု’ နှင့်ပတ်သက်၍ အိုကိုဗာက ရည်ညွှန်းပြောကြားခဲ့ခြင်းဖြစ်ပြီး ထိုဆုမှာ စွမ်းဆောင်ရည် ထူးခြားကောင်းမွန်သည့် ကျောင်းဆရာများကို အသိအမှတ်ပြုကာ၊ ပညာရေးဆိုင်ရာ အသင်းအဖွဲ့များတွင် အလွန်ကောင်းမွန်သည့် ကျင့်သုံးမှုများကို ဖြစ်ထွန်းစေသည်ဟု ဆိုသည်။

ထို့ပြင် ဖက်ဒရယ်အမျိုးသားကောင်စီ (FNC) ၏ ဥက္ကဌ ဒေါက်တာ အမလ် အဗ္ဗဒူလာ အလ်-ကူဘိုင်စီကိုလည်း သူမ၏ ပြည်သူလူထုအတွက် လှုပ်ရှားမှုနှင့် လူမှုရေး၊ ယဉ်ကျေးမှု၊ ဘာသာရေးနှင့် လွှတ်တော်ရေးရာကဏ္ဍများတွင် အားထုတ်မှုများ အတွက်လည်း ချီးကျူးခဲ့သည်။

အာရပ်ဒေသအတွင်း ပထမဆုံး အမျိုးသမီးလွှတ်တော်ဥက္ကဌ ဖြစ်လာမှုအတွက် မိမိအနေဖြင့် ကူဘိုင်စီကို လေးစားအားကျမိကြောင်း၊ သူမမှာ မိမိတို့ ယူနက်စကိုအတွက်လည်း ကြီးကျယ်သည့် မိတ်ဆွေတစ်ဦးဖြစ်ပြီး အာရပ်ဒေသတွင်လည်း ထင်ရှားသည့် ပုဂ္ဂိုလ်ကျော်များမှ တစ်ဦးဖြစ်ကြောင်း ဘိုကိုဗာက ထပ်လောင်းပြောကြားခဲ့သည်။

ဘိုကိုဗာနှင့် အလ်ကူဘေစီတို့သည် ပဲရစ်မြို့တွင် တွေ့ဆုံခဲ့ပြီး အကြမ်းဖက်ဝါဒနှင့် သမိုင်းဝင် အမွေအနှစ်များကို အကြမ်းဖက်သမားများက ဖျက်ဆီးမှုများအား တန်ပြန်တိုက်ခိုက်ရေး၊ ရေရှည်တည်တံ့သည့် ဖွံ့ဖြိုးတိုးတက်ရေး၊ ငြိမ်းချမ်းရေး၊ ဒုက္ခသည်းအရေး၊ ယဉ်ကျေးမှုများ အပြန်အလှန်ဖလှယ်ရေး စသည်တို့နှင့်ပတ်သက်၍ ဆွေးနွေးခဲ့ကြသည်။

ဘုိုကိုဗာမှာ ဒီဇင်ဘာလတွင် ဒူဘိုင်းရှိ လွှတ်တော်၌ ကျင်းပမည့် အမျိုးသမီး လွှတ်တော်ဥက္ကဌများ၏ ထိပ်သီးအစည်းဝေးကို တက်ရောက်မည်ဖြစ်သည်။ အဆိုပါ ထိပ်သီးအစည်းဝေးမှာ အာရပ်နိုင်ငံတစ်ခုတွင် ပထမဆုံးပြုလုပ်ခြင်းဖြစ်ပြီး ယူအေအီး၏ မူဝါဒများ ချမှတ်ခြင်း၊ ပြည်သူလူထုများအား တိုက်တွန်းအားပေးခြင်း၊ ကမ္ဘာ့ရေးရာများတွင် ပါဝင်ဆောက်ရွကခြင်း စသည်တို့နှင့်ပတ်သက်၍ FNC ၏ အခန်းကဏ္ဍကို ဆွေးနွေးသွားမည်ဖြစ်သည်။

Ref : IINA