ရခိုင်ပြည်နယ်က အစ္စလာမ် ဘာသာဝင် ၄ ဦးကို တာမွေမှာ တွေ့လို့ ဖမ်း

အောက်တိုဘာ ၂၂ ၊ ၂၀၁၆
M-Media
သီဟ

ရခိုင်ပြည်နယ် ကျောက်တော်က အစ္စလာမ်ဘာသာဝင် (၄) ဦးကို တာမွေမြို့နယ်မှာ တွေ့လို့ ဖမ်းဆီးလိုက်ကြောင်း ပြည်တွင်းသတင်း ဌာန တခု ဖြစ်တဲ့ 5 Plus News ရဲ့ ဖော်ပြချက်အရ သိရှိရပါတယ်။

ရန်ကုန်တိုင်း တာမွေမြို့နယ် အရိုးကုန်ရပ်ကွက် အတွင်း အောက်တိုဘာ ၂၂ ရက် မနက် (၃) နာရီလောက်မှာ မီးတန်းလှည့်ကင်း ကားက တွေ့ရှိလို့ ဖမ်းဆီးခဲ့တာဖြစ်ကြောင်း နဲ့ စစ်ဆေးတွေ့ရှိချက်တွေအရ ရခိုင်ပြည်နယ် ကျောက်တော်မြို့ကနေ တယောက်ကို ပွဲစားခ (၁၅) သိန်းနဲ့ လွန်ခဲ့တဲ့ (၅) ရက်ကတည်းက ရောက်ရှိခဲ့တာဖြစ်တယ်လို့ 5 Plus News မှာ ဖော်ပြပါတယ်။

မလေးရှားကို  အလုပ်သွားရောက်လုပ်ကိုင်ဖို့ ကျောက်တော်က လာတာ စုစုပေါင်း (၅) ဦး ဖြစ်ပြီး ဖမ်းဆီးခံသူများမှာ နာစီး(၂၀)နှစ်၊ ရွှေမောင် (၂၁)နှစ်၊ မောင်လှ (၂၀)နှစ်နဲ့ လာလူး(၂၀)နှစ်  ၄ ဦး ဖြစ်ပြီး လွတ်မြောက်နေသူ  စူမီယာဒန်ဘာ (၂၀)နှစ် ကို ဆက်လက်ရှာဖွေနေတယ်လို့ သိရပါတယ်။ ဖမ်းဆီးထားသူတွေကို လ.၀.က အက် နဲ့ တာမွေ ရဲစခန်းက အမှုဖွင့်ထားကြောင်း သတင်းမှာ ဖော်ပြထားပါတယ်။

ရခိုင်ပြည်နယ်မှ အစ္စလာမ် ကိုးကွယ်သူ ကမန်လူမျိုးများအပါအဝင် အခြားသော အစ္စလာမ်ဘာသာဝင်များမှာ လွတ်လပ်စွာ သွားလာခွင့် မရှိကြောင်း ၊  မိမိတို့ နေထိုင်ရာမြို့နယ် ပြင်ပသို့ ခရီးသွားလိုလျင် သက်ဆိုင်ရာ လဝက သို့ အကြောင်းကြား ခွင့်ပြုမိန့် တောင်းခံရပြီး သက်ဆိုင်ရာမှ ခွင့်ပြုမှသာ သွားလာခွင့်ရှိသည်။ အဆိုပါ ခွင့်ပြုမိန့် မပါရှိလျင် နယ်ကျော် လဝက ပုဒ်မဖြင့် တရားစွဲဆို၍ ပြစ်ဒဏ်ချမှတ်ခြင်း ခံရကြောင်း သံတွဲမြို့ခံ အစ္စလာမ်ဘာသာဝင်တဦးမှ ပြောပြပါတယ်။

၂၀၁၄ ခုနှစ် သန်းခေါင်စာရင်း ထုတ်ပြန်ချက်အရ ရခိုင်ပြည်နယ်တွင် အစ္စလာမ်ဘာသာဝင် ၁ သန်း ကျော်ရှိတယ်လို့ သိရှိရပါတယ်။