တရုတ်က ကိုယ်ပျောက်တိုက်လေယာဉ်ကို ပထမဆုံး ထုတ်ပြ

နိုဝင်ဘာ ၁၊ ၂၀၁၆
M-Media

– တရုတ်နိုင်ငံက ၎င်းတို့၏ ပြည်တွင်းဖြစ် ကိုယ်ပျောက်တိုက်လေယာဉ်ကို ယနေ့တွင် ပထမဆုံးအကြိမ် ထုတ်ဖော်ပြသလိုက်သည်ဟု သိရသည်။

Chengdu J-20 ဟုအမည်ပေးထားပြီး အင်ဂျင်နှစ်လုံးတပ် အဆိုပါ တိုက်လေယာဉ်ကို နိုင်ငံတောင်ပိုင်း ဇွန်ဟိုင်းမြို့တွင် ယနေ့ပြုလုပ်သည့် တရုတ်လေကြောင်းပြပွဲ Airshow China ဖွင့်ပွဲအခန်းအနားတွင် ၁ မိနစ်ကြာ ပျံသန်းပြသခဲ့ခြင်းဖြစ်သည်။

“J-20 တိုက်လေယာဉ်ဟာ ကိုယ်ပိုင်မျိုးဆက်သစ် ကိုယ်ပျောက်တိုက်လေယာဉ်ဖြစ်ပြီး အနာဂတ်စစ်မြေပြင် လိုအပ်ချက်တွေနဲ့ ကိုက်ညီအောင် ဖန်တီးထားတာဖြစ်ပါတယ်” ဟု တရုတ် လေတပ်မှ ပြောရေးဆိုခွင့်ရှိသူ ရှင်ကျီခီက ပြောကြားခဲ့သည်။

အဆိုပါလေယာဉ်မှာ တရုတ်လေတပ်၏ တိုက်ခိုက်နိုင်စွမ်းကို ပိုမိုအားကောင်းလာစေမည်ဖြစ်ပြီး တိုင်းပြည်၏ အချုပ်အခြာအာဏာ၊ လုံခြုံရေးနှင့် ပိုင်နက်တို့ကို ထိန်းသိန်းရေး စစ်တပ်၏ တာဝန်အတွက် အကူအညီဖြစ်စေမည်ဟုလည်း ၎င်းက ဆိုသည်။

J-20 တိုက်လေယာဉ်များမှာ အမေရိကန်က ပစိဖိတ်ဒေသတွင် မကြာမီချထားတော့မည့် F-22 တိုက်လေယာဉ်များကို ယှဉ်ရန်ဖြစ်သည်ဟု ယူဆရသည်။ ကျွမ်းကျင်သူများကမူ အမေရိကန်၏ F-22 ကိုယ်ပျောက်လေယာဉ်နှင့် ယခု တရုတ်၏ J-20 လေယာဉ်တို့အား နှိုင်းယှဉ်ရန် စောလွန်းသည်ဟု ပြောကြားခဲ့သည်။

၂၀၁၄ ခုနှစ်ကလည်း ထိုကဲ့သို့ လေကြောင်းပြပွဲတွင် ပြည်ထွင်းထုတ် ရေဒါရှောင်ကွင်းနိုင်သော J-31 တိုက်လေယာဉ်များကို တရုတ်က ထုတ်ဖော်ပြသဖူးသည်။

Ref: Press TV