ခွဲထွက်မှုကို သည်းခံမည်မဟုတ်ဟု ထိုင်ဝမ်ကို တရုတ်သတိပေး

နိုဝင်ဘာ ၁၂၊ ၂၀၁၆
M-Media

– တရုတ်သမ္မတ ရှီကျင့်ဖျင်က တရုတ်လူမျိုးအားလုံး စည်းလုံးညီညွှတ်ရန် တိုက်တွန်းလိုက်ပြီး မည်သည့်ခွဲထွက်ရေး လှုပ်ရှားမှုကိုမဆို လုံးဝ သည်းခံမည်မဟုတ်ဟု ပြောကြားလိုက်သည်။

“ကျွန်တော်တို့အနေနဲ့ မည်သည့်ပုဂ္ဂိုလ်၊ မည်သည့်အဖွဲ့အစည်း၊ မည်သည့်နိုင်ငံရေးပါတီကိုမှ ဘယ်အချိန် ဘယ်နည်း လမ်းမျိုးနဲ့မဆို တရုတ်နိုင်ငံရဲ့ နယ်နမိတ်က ခွဲထွက်ခွင့်ပေးမှာ မဟုတ်ပါဘူး” ဟု တရုတ်နိုင်ငံ၏ ပထမဆုံး သမ္မတ ဆွန်ယက်ဆင်၏ နှစ် ၁၅၀ မြောက် မွေးနေ့အဖြစ် ဘေဂျင်းရှိ ပြည်သူ့ခန်းမကြီးတွင် ယမန်နေ့က ပြုလုပ်သော အခမ်းအနားတွင် ရှီက ပြောကြားခဲ့သည်။

ထို့ပြင် တိုင်းပြည်၏ အချုပ်အခြာအာဏာနှင့် ပိုင်နက်ကို ကာကွယ်စောင့်ရှောက်သွားမည်ဟုလည်း သန္ဓိဌာန်ပြုခဲ့သည်။

“ကျွန်တော်တို့ရဲ့ ပိုင်နက်နယ်နိမိတ်နဲ့ နိုင်ငံတော်အချုပ်အခြာအာဏာကို တည်တံ့ခိုင်မြဲချင်ရင် ကျွန်တော်တို့တိုင်းပြည်ကို နောက်ထပ်ခွဲထွက်ခွင့်၊ သမိုင်းတကျော့ပြန်လည်ခွင့် လုံးဝမပေးဖို့ပါပဲ။ ဒါဟာ ပြည်သူတွေနဲ့ ကျွန်တော်တို့ သမိုင်းအပေါ် ခိုင်ခိုင်မာမာ ကတိပြုလိုက်တာပဲ ဖြစ်ပါတယ်”

သမ္မတမှာ ထိုင်ဝမ်၏ ခွဲထွက်ရေးကြိုးပမ်းမှုအား တရုတ်နှင့် ထိုင်ဝမ်ပြည်သူများ၊ ကမ္ဘာတစ်ဝှမ်းရှိ တရုတ်လူမျိုးများအားလုံးက ညီညီညွတ်ညွတ် ဆန့်ကျင်ရန်၊ ထိုင်ဝမ်ခေါင်းဆောင်များအနေဖြင့် ထိုဝမ်ကျွန်းနှင့် တရုတ်ပြည်မကြီးတို့မှာ တစ်ခုတည်းသော တရုတ်နိုင်ငံ၏ အစိတ်အပိုင်းဖြစ်သည်ဆိုသော ယူဆချက်ကို လက်ခံရန် တိုက်တွန်းခဲ့သည်။

၁၉၉၂ ခုနှစ် ထိုင်ဝမ်နှင့် တရုတ်တို့၏ သဘောတူညီချက်အရ တရုတ်တစ်နိုင်တည်းပေါ်လစီကို နှစ်ဖက်စလုံးက လက်ခံခဲ့သော်လည်း ဇန်န၀ါရီလက အာဏာရလာသည့် ထိုင်ဝမ်သမ္မတသစ်ကမူ ထိုအယူဆကို လက်ခံကြောင်း သို့မဟုတ် ငြင်းပယ်ကြောင်း ပြောကြားခဲ့ခြင်းမရှိချေ။

Ref; Presstv