အမေရိကန်တွင် ပြဿနာကြုံနိုင်သည့် နိုင်ငံသားများကို ကူညီရန် မက္ကဆီကို စီစဉ်

နိုဝင်ဘာ ၁၇၊ ၂၀၁၆
M-Media

– နိုဝင်ဘာ ၈ ရက် သမ္မတရွေးကောက်ပွဲတွင် ဒေါ်နယ်ထရမ့် အနိုင်ရခဲ့ပြီးနောက် ဖြစ်လာနိုင်သည့် ပြဿနာများမှ ကာကွယ်ပေးရန် လုပ်ငန်းစဉ်များကို မက္ကဆီကိုနိုင်ငံက ကြေငြာခဲ့ပြီး အဆိုပါအစီအစဉ်တွင် ဖုန်းဖြင့် အကူအညီတောင်းခံနိုင်မှုလည်း ပါဝင်သည်။

ရွေးကောက်ပွဲ မဲဆွယ်မှုတွင် ထရမ့်မှာ မက္ကဆီကိုများအား လူမျိုးရေး ခွဲခြားစော်ကားမှုများ ရှိခဲ့ပြီး အမေရိကန် မက္ကဆီကို နယ်စပ်တွင် မက္ကဆီကို၏ ကုန်ကျမှုဖြင့် တံတိုင်းတစ်ခု တည်ဆောက်ရမည်ဟု ပြောကြားခဲ့သည်။ ထို့ပြင် နိုင်ငံအတွင်းရှိ တရားမ၀င် ရွှေ့ပြောင်းနေထိုင်သူများကိုလည်း နှိမ်နှင်းသွားမည်ဟု ဆိုသည်။

မက္ကဆီကို နိုင်ငံခြားရေးဝန်ကြီးဌာနကမူ အမေရိကန်ရှိ မက္ကဆီကိုနိုင်ငံသားများ စော်ကားမှု၊ လိမ်လည်မှုများကို ရှောင်ရှားနိုင်စေရန်အတွက် မိမိတို့၏ တယ်လီဖုန်းဖြင့်အကြံပြုမှုကို ရွှေ့ပြောင်းအခြေချ လူ့အဖွဲ့အစည်းအထိ ရောက်ရှိအောင် ချဲ့ထွင်သွားမည်ဟု ယမန်နေ့တွင် ပြောကြားခဲ့သည်။

လူဝင်မှုကြီးကြပ်ရေးဆိုင်ရာ ၀န်ဆောင်မှုများအတွက် ဖုန်းလိုင်းကိုလည်း ၂၄ နာရီ ဖွင့်လှစ်ပေးထားမည်ဖြစ်ပြီး ရွှေ့ပြောင်းအခြေချသူများ နိုင်ငံကူလက်မှတ်၊ မွေးစာရင်း၊ သံရုံးအသိအမှတ်ပြုကဒ်များ ရရှိရန်အတွက် ၀န်ထမ်းများ ထပ်တိုး ခန့်ထားမည်ဟုလည်း ဆိုသည်။

မက္ကဆီအနေဖြင့် မိမိတို့၏ နိုင်ငံသားများကို ကာကွယ်ရန်အတွက် အမေရိကန်ရှိ ဖက်ဒရယ်နှင့် ဒေသတွင်း အာဏာပိုင်များနှင့် ဆက်သွယ်ဆောင်ရွက်မှုကို အားကောင်းအောင် ပြုလုပ်သွားမည်ဖြစ်ပြီး၊ မက္ကဆီကန် ရွှေ့ပြောင်းအခြေချသူများအနေဖြင့် အမေရိကန်ရှိ မည်သည့် ပဋိက္ခအခြေအနေမျိုး၊ ဥပေဒေချိုးဖောက်မှုမျိုးတွင်မှ မပါဝင်ရန်လည်း ၀န်ကြီးဌာနက တိုက်တွန်းခဲ့သည်။

လက်တင်အမေရိကန်မှ ဆင်းရဲသော ဟွန်ဒူးရပ်စ်၊ ဂွာတီမာလာနှင့် အလ်ဆာဗေဒိုး နိုင်ငံများကလည်း အမေရိကန်ရှိ ၎င်းတို့နိုင်ငံသားများအား ကူညီနိုင်ရေး ပူးပေါင်းမဟာဗျူဟာ ချမှတ်ရန်အတွက် မက္ကဆီကို၏ ပံ့ပိုးမှုရရန် ကြိုးစားနေသည်ဟု ယမန်နေ့တွင် အလ်ဆာဗေဒိုး နိုင်ငံခြားရေးဝန်ကြီးအား ပြောကြားခဲ့သည်။

Ref: Aljazeera