တိုင်းပြည်ကို စောင့်ရှောက်သည့် မွတ်စလင်များကို လစ်လျူမရှုရန် ထရမ့်ကို နယူးယောက်မြို့တော်ဝန် သတိပေး

နိုဝင်ဘာ ၁၉၊ ၂၀၁၆
M-Media

– နုယူးယောက်မြို့တော်ဝန် ဘီလ် ဒီ ဘလာဆီယိုက ရွေးကောက်ခံသမ္မတ ဒေါ်နယ်ထရမ့်နဲ့ ဗုဒ္ဓဟူးနေ့ မျက်နှာချင်းဆိုင်တွေ့ဆုံတဲ့အချိန်မှာ မွတ်စလင်တွေကလည်း အမေရိကန်လူ့အဖွဲ့အစည်းကို ကာကွယ်ပေးနေတယ်ဆိုတဲ့အကြောင်း အသိပေးပြောကြားခဲ့တယ်လို့ ဆိုပါတယ်။

လုံခြုံရေးတွေ၊ လက်ထောက်တွေမပါဘဲ နှစ်ဦးချင်း အဲဒီလို မျက်နှာချင်းဆိုင်တွေ့ဆုံမှုဟာ ၆၂ မိနစ်တာ ကြာမြင့်ခဲ့တယ်လို့ နယူးယောက်တိုင်းမ်စ် သတင်းဌာနက ဖော်ပြခဲ့ပါတယ်။ ထရမ့်ဟာ ဒီ ဘလာစီယိုကို နယူးယောက်သမိုင်းတစ်လျှောက် အဆိုးရွားဆုံးမြို့တော်ဝန်လို့ သမုတ်ခဲ့ဖူးပါတယ်။

သူဌေးတွေအတွက် အခွန်လျှော့မှာတွေ၊ အထောက်အထားမရှိတဲ့ ရွှေ့ပြောင်းနေထိုင်သူတွေကို မောင်းထုတ်မှာတွေ၊ ရာဇ၀တ်မှုတွေကိုနှိမ်နင်းဖို့ လူမျိုးရေးခွဲခြားတဲ့ ရဲလုပ်ငန်း လုပ်ဆောင်မှာတွေအတွက် စိုးရိမ်မိတယ်လို့ ပြောကြားခဲ့ကြောင်း ဒီဘလာဆီယိုက Twitter စာမျက်နှာကနေတစ်ဆင့် သူနဲ့ ထရမ့် တွေ့ဆုံမှု အကြောင်းကို မျှဝေခဲ့ပါတယ်။

နောက်ပြီး ဘီဘလာဆီယိုက သူအနေနဲ့ ထရမ့် တစ်ခါမှမကြားဖူးတဲ့စကားကို ပြောခဲ့တယ်လို့လည်း ဆိုပါတယ်။

“ရွေးကောက်ခံသမ္မတကို ဘယ်သူမှ သိပ်မသိကြတဲ့ အကြောင်းတွေလည်း ပြောခဲ့ပါသေးတယ်။ နယူးယောက် ရဲတပ်ဖွဲ့အတွင်း မွတ်စလင် ၉၀၀ လောက်ရှိပြီး ကျွန်တော်တို့ကို ကာကွယ်ပးနေတယ်ဆိုတာကိုလည်း ပါပါတယ်” လို့ မြို့တော်ဝန်က Twitter စာမျက်နှာမှာ ရေးသားခဲ့ပါတယ်။

ထရမ့်ဟာ သူ့ရဲ့မဲဆွယ်ပွဲအတွင်းမှာ မွတ်စလင်တွေကို စော်ကားပြောဆိုမှုတွေ ရှိခဲ့ပြီး နယူးယောက်မြို့တော်ဝန်က ဒီလို ငါ့စကားနွားရတွေပြောပြီး နေ့စဉ် တိုင်းပြည်ကို စောင့်ရှောက် ကာကွယ်ပေးနေတဲ့ မွတ်စလင်တွေရဲ့ သစ္စာစောင့်သိမှုကို လစ်လျူမရှုဖို့ အသိပေးလိုက်တာလည်း ဖြစ်ပါတယ်။

နယူးယောက် ရဲမင်းကြီးဟောင်း ဘီလ် ဘရက်တန်ကလည်း နယူးယောက်ရဲဌာနမှာအလုပ်လုပ်နေတဲ့ မွတ်စလင်ရဲဝန်ထမ်းက တော်တော်များများကို ထရမ့်တာဝါမှာ တာဝန်ပေးထားပြီး ထရမ့်ကို ကာကွယ်စောင့်ရှောက်ပေးနေတယ်လို့ ထောက်ပြခဲ့ပါတယ်။

Ref: mic.com