ရခိုင်အရေး မလေးရှားမှာ ဆန္ဒပြပြီး နောက်နေ့တွင် မလေးကာချူပ်က မြန်မာ သမ္မတ၊ ကာချုပ်တို့နှင့်တွေ့ဆုံ

ဒီဇင်ဘာ ၅၊ ၂၀၁၆
M-Media

– မလေးရှားနိုင်ငံရဲ့ ကာကွယ်ရေးဦးစီးချုပ် ဗိုလ်ချုပ်ကြီး တန်ဆရီ ဒါတိုစရီ ဒေါက်တာ ဟာဂျီ ဇွလ်ကီဖလီ ဘင် မိုဟာမက် ဇာအင်နဲ့ အဖွဲ့ဟာ မြန်မာနိုင်ငံကို ဒီနေ့မှာ ချစ်ကျည်ရေးခရီး လာရောက်လည်ပတ်ခဲ့ပြီး မြန်သမ္မတ ဦးထင်ကျော်၊ ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်တို့နဲ့ သီးခြားစီ တွေ့ဆုံခဲ့တယ်လို့ သိရပါတယ်။

မလေးရှားဝန်ကြီးချုပ် နာဂျစ် ရာဇတ်က ရခိုင်ပြည်နယ်အရေးနဲ့ပတ်သက်လို့ ပြင်းပြင်းထန်ထန် ဝေဖန်ခဲ့ပြီး နောက်တစ်နေ့မှာပဲ မလေးရှားကာကွယ်ရေးဦးစီးချုပ် ဒီလို ရောက်လာတာဖြစ်ပါတယ်။

တပ်မတော်ကာကွယ်ရေးဦးစီးချုပ်ရုံးက ထုတ်ပြန်တဲ့ သတင်းမှာတော့ ဒီနေ့မနက် ၉ နာရီ နေပြည်တော်က ဇေယျာသီရိဗိမာန် တွေ့ဆုံမှုအတွင်းမှာ ဗိုလ်ချုပ်မှူးကြီး မင်းအောင်လှိုင်က ရခိုင်ပြည်နယ်အရေးကိစ္စတွေဟာ မြန်မာနိုင်ငံက တည်ဆဲဥပေဒနဲ့အညီ လုပ်ဆောင်ဖို့ ကြိုးစားရာမှာ အဲဒီဒေသမှာရှိတဲ့ ဘင်္ဂါလီများအနေနဲ့ ဥပဒေနဲ့အညီ လိုက်နာလုပ်ဆောင်ဖို့ ပျက်ကွက်ခဲ့လို့ဖြစ်တယ်လို့ ပြောကြားခဲ့ကြောင်း ဖော်ပြထားပါတယ်။

အောက်တိုဘာ ၉ ရက်နေ့ နယ်ခြားစောင့်စခန်းတွေ တိုက်ခိုက်မှုအပြီးနောက်ပိုင်း စစ်တပ်က ရခိုင်ပြည်နယ်အတွင်း ပြုလုပ်ခဲ့တဲ့ စစ်ဆင်ရေးတွေမှာ မွတ်စလင်အရပ်သားတွေကိုသတ်ဖြတ်တာ၊ နေအိမ်တွေမီးရှို့တာ၊ အဓမ္မပြုကျင့်တာတွေ ရှိတယ်လို့ သတင်းတွေ ထွက်ပေါ်နေပြီး ဗိုလ်ချုပ်မှူးကြီးမင်းအောင်လှိုင်ကတော့ ဒီလို လူ့အခွင့်အရေးချိုးဖောက်မှုတွေ မရှိကြောင်း၊ မိမိတို့အနေနဲ့ စုံစမ်းစစ်ဆေးမှု ပြုလုပ်နေပြီး ဥပေဒချိုးဖောက်မှုရှိမယ်ဆိုရင် အရေးယူသွားမယ်လို့ မလေးရှား ကာကွယ်ရေးဦးစီးချုပ်ကို ပြောကြားခဲ့ပါတယ်။

မနက် ၁၀ နာရီခွဲက နေပြည်တော်သမ္မတအိမ်တော်မှာ သမ္မတဦးထင်ကျော်နဲ့ တွေ့ဆုံမှု အတွင်း နှစ်နိုင်ငံပြည်သူများအကြား ချစ်ကြည်ရင်းနှီးမှုနဲ့ ဆက်ဆံရေးကဏ္ဍ တိုးမြှင့်ဖော်ဆောင်ရေး၊ နှစ်နိုင်ငံအကြား ရင်းနှီးမြှုပ်နှံမှုနဲ့ ကုန်သွယ်မှုကဏ္ဍ တိုးမြှင့်ဆောင်ရွက်ရေးဆိုင်ရာ ကိစ္စရပ်တွေ ဆွေးနွေးခဲ့ကြတယ်လို့ နိုင်ငံတော်သမ္မတရုံးက သတင်းထုတ်ပြန်ပါတယ်။

ရခိုင်ပြည်နယ်အရေးနဲ့ပတ်သက်လို့ သမ္မတဦးထင်ကျော်က မောင်တောဒေသ အကြမ်းဖက်တိုက်ခိုက်မှုခံရပြီးနောက်ပိုင်း မိမိတို့အစိုးရရဲ့ ဆောင်ရွက်ချက်တွေနဲ့ပတ်သက်ပြီး သတင်းမှားများပြန့်နှံနေကာ ထိုသတင်းမှားကြောင့် အထင်အမြင်လွဲမှားမှုများ မြင့်တက်နေမှု၊ အစိုးရသစ်က ကိုင်တွယ်ဖြေရှင်းရာတွင် တည်ဆဲဥပဒေများ၊ လူ့အခွင့်အရေးစံနှုန်းများနှင့် အညီ ဆောင်ရွက်လျက်ရှိသည့်အခြေအနေများ၊ ရခိုင်ပြည်နယ်ဆိုင်ရာ အကြံပေးကော်မရှင်နှင့် စုံစမ်းစစ်ဆေး ရေးကော်မရှင် ဖွဲ့စည်းဆောင်ရွက်နေတဲ့ အခြေအနေအနေများကိုလည်း ဆွေးနွေးခဲ့ကြပါတယ်။

(Ref and Photo credit – Faceboo pages of Myanmar Pesident Office and တပ်မတော် ကာကွယ်ရေး ဦးစီးချုပ်ရုံး)