အမေရိကန်ရှိ ခရစ်ယာန်ဘုရားကျောင်းတစ်ခု ဗလီဖြစ်လာတော့မည်

ဒီဇင်ဘာ ၇၊ ၂၀၁၆
M-Media

မကြာခင် ဗလီဖြစ်လာတော့မည့် ကွန်နက်တီကက်ပြည်နယ် ဘရစ်ဂ်ျပို့တ်မှ ခရစ်ယာန်ဘုရားကျောင်း

– အမေရိကန်ပြည်ထောင်စု ကွန်နက်တီကတ်ပြည်နယ်မှ သမိုင်းဝင်ခရစ်ယာန်ဘုရားကျောင်းတစ်ခုမှာ ပရဟိတစင်တာနှင့် ဒေသခံ မွတ်စလင်များအတွက် ဗလီဝတ်ကျောင်းတော် ဖြစ်လာတော့မည်ဖြစ်ပြီး ကျွမ်းကျင်သူများကမူ ထိုအချင်းအရာက အမေရိကန်တွင် မွတ်စလင်များ ၎င်းတို့၏ အခန်းကဏ္ဍနှင့်ပတ်သက်၍ အများအမြင်ကို ပြောင်းလဲနိုင်သည့် ပြယုဂ်တစ်ခုလည်း ဖြစ်သည်ဟု ပြောကြားခဲ့သည်။

ဘရစ်ဂ်ျပို့တ်မြို့မှ United Congregational အသင်းတော်ပိုင် ဘုရားကျောင်းဖြစ်ပြီး ဂျော်ဂျီယာဗိသုကာလက်ရာဖြင့် တည်ဆောက်ခဲ့သည့် ထိုအဆောက်အဦးကို ဘရစ်ဂ်ျပို့စ် အစ္စလာမ့်ယဉ်ကျေးမှုစင်တာသို့ ကန်ဒေါ်လာ ၁ သန်းဖြင့် မေလတွင်ရောင်းချမည်ဟု အသင်းတော်က ဆိုသည်။

အဆိုပါအသင်းတော်နှင့် အစ္စလာမ့်ယဉ်ကျေးမှုစင်တာတို့မှာ အိမ်ယာမဲ့များအား နေရာထိုင်ခင်း စီစဉ်ပေးခြင်း၊ အဟာရဒါနပြုခြင်းတို့ကဲ့သို့ ပရဟိတလုပ်ငန်းများကို ဒေသတွင်း အတူတကွ ဆောင်ရွက်နေကြသည်။

United Congregational ခရစ်ယာန်အသင်းတော်မှာ ဗြိတိန်ကိုယ်လိုနီခေတ်ကတည်းက အမေရိကန်တွင် အခြေတည်ခဲ့ခြင်းဖြစ်ပြီး ဘရစ်ဂ်ျပို့တ်ရှိ လက်ရှိဘုရားကျောင်းကို ၁၉၂၀ ပြည့်နှစ်များတွင် ဘာသာဝင် ၃ ထောင်အတွက် ရည်ရွယ်ဆောက်လုပ်ခဲ့ခြင်းဖြစ်သည်။

သို့သော်လည်း သိက္ခာတော်ရဆရာတော် ဆာရာစမစ်မူ ယနေ့တွင် သက်ဝင်သူအရေအတွက်မှာ ၃၀၀ ခန့်သာ ရှိတော့ပြီး ပိုသေးသောနေရာကို ရှာဖွေကာ ငွေကြေးပိုထွက်လာစေရန် ရောင်းချခြင်းဖြစ်သည်ဟု ပြောကြားခဲ့သည်။

“ကျွန်တော်တို့ ပျောက်ကွယ်သွားတာ မဟုတ်ပါဘူး။ နေရာရွှေ့သွားရုံပါ” ဟု ဆရာတော်စမစ်က ပြောကြားခဲ့သည်။

ဘရစ်ဂ်ျပို့တ် အစ္စလာမ့်ယဉ်ကျေးမှုစင်တာ အကြီးအကဲ အဟ်မဒ် အီဘရာဟင်ကမူ အဆိုပါဘုရားကျောင်းမှာ ဒေသအတွင်းရှိ အစ္စလာမ်ဘာသာဝင်မိသားစု ၁၀၀၀ ခန့်၏ လိုအပ်ချက်နှင့် လုံးဝ ကိုက်ညီနေသည်ဟု ပြောကြားခဲ့သည်။

အမေရိကန်ရှိ အစ္စလာမ်ဘာသာဝင်လူ့အဖွဲ့အစည်းမှာ ပြီးခဲ့သည့်နှစ်များအတွင်း ၀တ်ပြုရာနေရာများ ငှားရမ်းခြင်း၊ ၀ယ်ယူခြင်းတို့တွင် အခက်အခဲများရှိသည်ဟု သတင်းများ ထွက်ပေါ်ခဲ့သည်။

ခရစ်ယာန်-မွတ်စလင် ဆက်ဆံရေးနှင့် အစ္စလာမ့်ရေးရာ လေ့လာမှုပညာရှင် ဒေးဗစ် ဂရက်ဖ်တန်ကမူ ယခု အဖြစ်အပျက်က ၉/၁၁ အကြမ်းဖက်တိုက်ခိုက်မှုနောက်ပိုင်း အမေရိကန်လူ့အဖွဲ့အစည်းတွင် ၎င်းတို့၏အခန်းကဏ္ဍအပေါ် အများ၏ အမြင်ကို မွတ်စလင်များက ပြောင်းလဲနိုင်ခဲ့သည့် ဥပမာတစ်ခုဖြစ်သည်ဟု ပြောကြားခဲ့သည်။

Ref: Fortune.com