ရခိုင်ပြဿနာကို IS က အမြတ်ထုတ်နိုင်သည်ဟု မလေးရှားကာချုပ် သတိပေး

ဒီဇင်ဘာ ၈၊ ၂၀၁၆
M-Media

မလေးရှား စစ်တပ်အကြီးအကဲ ဇူလ်ကီဖလီ မိုဟာမက် ဇာအင်

– ရခိုင်ပြည်နယ်ရှိ မွတ်စလင်များ ကြုံတွေ့နေရသည့် ပြဿနာကို IS အကြမ်းဖက်အဖွဲ့က အမြတ်ထုတ်ကာ အရှေ့တောင်အာရှတွင် ၎င်းတို့၏ သြဇာလွှမ်းမိုးမှု ချဲ့ထွင်နိုင်သည်ဟု မလေးရှား ကာကွယ်ရေးဦးစီးချုပ် ဗိုလ်ချုပ်ကြီး ဇူလ်ကီဖလီ မိုဟာမက် ဇာအင်က မြန်မာစစ်တပ်ခေါင်းဆောင်များကို ပြောကြားခဲ့သည်ဟု သိရသည်။

ရာထူးမှ အနားမယူခင် အာဆီယံ ကာကွယ်ရေးဦးစီးချုပ်များနှင့် တွေ့ဆုံမှု တစ်စိတ်တစ်ပိုင်းအဖြစ် ယခုသီတင်းပတ် အစောပိုင်းက မြန်မာနိုင်ငံသို့ လာရောက်ကာ ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် တွေ့ဆုံစဉ် ထိုကဲ့သို့ ပြောကြားခဲ့ခြင်းဖြစ်ပြီး ထိုပြဿနာကို သင့်သင့်မြတ်မြတ် ကိုင်တွယ်ဖြေရှင်းရန်လည်း တိုက်တွန်းခဲ့သည်။

ထို့ပြင် မလေးရှားနိုင်ငံအနေဖြင့် အခြေအနေကို အလေးထား စောင့်ကြည့်နေကြောင်း၊ ထိုခြိမ်းခြောက်မှုကို ကိုယ်တွယ်ဖြေရှင်းရန်မှာ အာဆီယံနိုင်ငံများအကြား ပူးပေါင်းဆောင်ရွက်မှုနှင့် ဆက်စပ်နေကြောင်း မလေးရှား ကာကွယ်ရေးဦးစီးချုပ်က အလေးထား ပြောကြားခဲ့သည်။

ရခိုင်ပြည်နယ်ရှိ မွတ်စလင်များ ဖိနှိပ်ချုပ်ချယ်ခံရမှုကို ဆန့်ကျင်သည့်အနေဖြင့် ပြီးခဲ့သည်တစ်ပတ်က ပြုလုပ်ခဲ့သည့် ဆန္ဒပြမှုတွင် မလေးရှားဝန်ကြီးချုပ် နာဂျစ်ရာဇတ် ပါဝင်ခဲ့ပြီးနောက် မလေးရှားနှင့် မြန်မာအကြား သံတမန်ရေးအရ တင်းမာမှု ဖြစ်ပွားခဲ့သည်။

အောက်တိုဘာ ၉ ရက်နေ့က ရခိုင်ပြည်နယ်မြောက်ပိုင်းရှိ နယ်ခြားစောင့်စခန်းများ အကြမ်းဖက်တိုက်ခိုက်ခံရမှုနောက်ပိုင်းတွင် မြန်မာစစ်တပ်က ပြုလုပ်သော စစ်ဆင်ရေးများတွင် ဒေသခံမွတ်စလင်အမျိုးသမီးများ အဓမ္မပြုကျင့်ခံရခြင်း၊ နေအိမ်များ မီးရှို့ဖျက်ဆီးခံရခြင်း၊ တရားလက်လွတ်သတ်ဖြတ်မှုများ ရှိသည်ဟု စွပ်စွဲမှုများ ထွက်ပေါ်ခဲ့ပြီး မြန်မာစစ်တပ်ကမူ ထိုစွပ်စွဲမှုများကို ငြင်းဆိုခဲ့သည်။

Ref: Freemalaysiatoday