ဖီဖာ၏ တစ်နှစ်တာအကောင်းဆုံးကစားသမားဆု ရော်နယ်ဒို ရရှိ

ဇန်န၀ါရီ ၁၀၊ ၂၀၁၇
M-Media

ဆု လက်ခံရယူနေသည့် ရော်နယ်ဒို

– ရီးယဲလ်မက်ဒရစ်အသင်း တိုက်စစ်မှူး ခရစ္စတီယာနို ရော်နယ်ဒိုမှာ ကမ္ဘာ့ဘောလုံးအဖွဲ့ချုပ် ဖီဖာမှ ပေးအပ်ချီးမြှင့်သည့် တစ်နှစ်တာအကောင်းဆုံး ဘောလုံးသမားဆုကို ရရှိခဲ့ပြီး ထိုဆုကို ၄ ကြိမ်မြောက် ရရှိခြင်းလည်းဖြစ်သည်။

ကလပ်အသင်း၊ နိုင်ငံအသင်းအဆင့်တွင် ရီးယဲလ်၊ ပေါ်တူဂီအသင်တို့နှင့် နှစ်ထပ်ကွမ်း ဥရောပချန်ပီယံဖြစ်ခဲ့သည့် ရော်နယ်ဒိုမှာ ဘာစီလိုနာမှ မက်ဆီ၊ အက်သလက်တီကိုမှ ဂရီဇ်မန်းတို့ကို ကျော်ဖြတ်ကာ အဆိုပါဆုကို ဆွတ်ခူးနိုင်ခဲ့ခြင်းဖြစ်သည်။

“ပြီးခဲ့တဲ့နှစ်ဟာ တစ်ဦးတစ်ယောက်ချင်း အဆင့်မှာရော၊ ဘောလုံးအားကစားအဆင့်မှာပါ (ကျွန်တော့်အတွက်) ကြီးကျယ်တဲ့ နှစ်တစ်နှစ်ပါ” ဟု ရော်နယ်ဒိုက ပေါ်တူဂီတွင် ပြုလုပ်ခဲ့သည့် ဆုလက်ခံရယူပွဲ အခမ်းအနားတွင် ပြောကြားခဲ့သည်။

ဇကာတင် ၃ ဦးစာရင်းတွင် ရော်နယ်ဒိုက မဲအရေအတွက် ၃၅.၅၄ ရာခိုင်နှုန်း၊ မက်ဆီက ၂၆.၄၂ ရာခိုင်နှုန်းနှင့် ဂရီဇ်မန်းက ၇.၅၃ ရာခိုင်နှုန်း ရရှိခဲ့သည်။ မဲများကို နိုင်ငံအသင်းနည်းပြများ၊ အသင်းခေါင်းဆောင်များ၊ မီဒီယာသမားအချို့နှင့် ပရိတ်သတ်အချို့က ပေးခဲ့ခြင်းဖြစ်သည်။

မက်ဆီမှာ ဖီဖာ အကောင်းဆုံး ဘောလုံးသမားအဖြစ် ၅ ကြိမ် ရွေးချယ်ခံထားရပြီး ရော်နယ်ဒိုကမူ မက်ဆီကို လိုက်မီရန် တစ်ကြိမ်သာ လိုတော့သည်။

၂၀၁၆ ခုနှစ်အတွင်း ရော်နယ်ဒိုမှာ ယူရို ၂၀၁၆ ဖလား၊ ချန်ပီယံလိဂ် ဖလား၊ ကလပ်အသင်းများ ကမ္ဘာ့ဖလားတို့ကို ရီးယဲလ်၊ ပေါ်တူဂီလက်ရွေးစင်အသင်းတို့နှင့်အတူ ရရှိခဲ့ပြီး တစ်ဦးချင်းဆုအဖြစ် ဥရောပ အကောင်းဆုံး ဘောလုံးသမားဆု၊ ကမ္ဘာအကောင်းဆုံးဘောလုံးသမားဆု (Ballon D’Or)၊ ယခု ဖီဖာ၏ တစ်နှစ်တာ အကောင်းဆုံး ဘောလုံးသမားဆု တို့ကို ရရှိခဲ့သည်။

“တစ်ယောက်ချင်းရော၊ အဖွဲ့လိုက်မှာရော ကျွန်တော် ဆုဖလားတွေ တော်တော်များများ ရခဲ့ပါတယ်။ အဲဒီအတွက် ကျွန်တော် ဂုဏ်ယူပါတယ်” ဟု ရော်နယ်ဒိုက ဆိုပြီး၊ ယခုဆုဖလားကို ၎င်း၏ မွေးရပ်မြေ မာဒီရာကျွန်းတွင်ရှိသည့် ၎င်း၏ ပြတိုက်တွင် ထားရှိသွားမည်ဟုလည်း ပြောကြားခဲ့သည်။

Ref: USA Today