လူ ၈ ဦး၏ ကြွယ်ဝမှုက ကမ္ဘာ့လူဦးရေထက်ဝက်ကျော်၏ ပိုင်ဆိုင်မှုလောက် ရှိနေ

ဇန်န၀ါရီ ၁၇၊ ၂၀၁၇
M-Media

– ကမ္ဘာပေါ်က အချမ်းသာဆုံး လူ ၈ ဦး ပိုင်ဆိုင်တဲ့ ပမာဏဟာ ကမ္ဘာ့လူဦးရေ ထက်ဝက်ရဲ့ ပိုင်ဆိုင်မှုနဲ့ ညီမျှနေတယ်လို့ ကမ္ဘာ့ ဆင်းရဲချမ်းသာ ကွာဟမှုကို စောင့်ကြည့်လေ့လာနေတဲ့ Oxfam အဖွဲ့က မနေ့မှာ ထုတ်ပြန်လိုက်ပါတယ်။

ဆွစ်ဇာလန်နိုင်ငံ ဒါဗို့စ်မြို့မှာ ကမ္ဘာ့ နိုင်ငံရေးနဲ့ စီးပွားရေး ထိပ်သီးပုဂ္ဂိုလ်တွေရဲ့ အစည်းအဝေး မပြုလုပ်ခင် ထုတ်ပြန်လိုက်တာဖြစ်ပြီး ထားစရာမရှိတဲ့သူနဲ့ စားစရာမရှိတဲ့သူတွေအကြား ကွာဟမှုဟာ လွန်ခဲ့တဲ့ တစ်နှစ်ကထက် ပိုပြီး ကြီးမားနေတယ်လို့လည်း ဆိုပါတယ်။

နောက်ပြီး ကမ္ဘာ့ခေါင်းဆောင်တွေအနေနဲ့ ဒီပြဿနာအတွက် အပြောထက် အလုပ်ပိုလုပ်ဖို့၊ ဒါမျိုးမလုပ်ဘူးဆိုရင် ဒီလိုမညီမျှမှုအတွက် ပြည်သူလူထုရဲ့ ဒေါသတွေဟာ မြင့်တက်လာပြီး အမေရိကန်မှာ ထရမ့်အနိုင်ရသလိုမျိုး၊ ဥရောပကနေ ဗြိတိန် ခွဲထွက်တာလိုမျိုးလို နိုင်ငံရေးအလှည်အပြောင်းတွေကို ပိုမြင်လာရနိုင်တယ်လို့လည်း Oxfam က သတိပေးခဲ့ပါတယ်။

ကမ္ဘာ့လူဦးရေထက်ဝက်ကျော်က ပိုင်ဆိုင်ထားသည့် ပမာဏလောက် ကြွယ်ဝနေသည့် သူကြွယ် ၈ ဦး

ပြီးခဲ့တဲ့နှစ်မှာ ထုတ်ပြန်ခဲ့တဲ့ ဒီအချက်အလက်မှာ လူ ၆၂ ဦးရဲ့ ပိုင်ဆိုင်မှုဟာ ကမ္ဘာ့လူထက်ဝက်ရဲ့ ပိုင်ဆိုင်မှုနဲ့ ညီမျှနေတယ်ဆိုတာကို တွေ့ရှိခဲ့ရပေမယ့် ဆွစ်ဇာလန်ဘဏ်တစ်ခုဖြစ်တဲ့ Credit Suisse က အချက်အလက်ကို အခြေခံကာ ပြန်လည်တွက်ချက်ပြီးတဲ့နောက် ဒီလို ထုတ်ပြန်ခဲ့တာဖြစ်ပါတယ်။

လူ သန်းပေါင်း ၃၆၀၀ ကျော်ရဲ့ ပိုင်ဆိုင်မှုလောက်ကို ရှိနေတဲ့ သူဌေး ၈ ဦးစာရင်းရဲ့ ထိပ်ဆုံးမှာ မိုက်ခရိုဆော့ဖ် တည်ထောင်ဒူ ဘီလ်ဂိတ် ရှိနေပြီး၊ Facebook တည်ထောင်သူ ဇူကာဘတ်၊ အမေဇုန်တည်ထောင်သူ ဂျက်ဖ် ဘီဇွတ်စ်တို့လည်း ပါဝင်ပါတယ်။ ဘီလ်ဂိတ်ကတော့ ဒေါ်လာ သန်းထောင်ပေါင်း ၇၅၀၀ နဲ့ အကြွယ်ဝဆုံးဖြစ်နေပါတယ်။

Ref: Aljazeera