ဦကိုနီ လုပ်ကြံခံရမှုနှင့် ပတ်သက်ပြီး မြန်မာမွတ်စလင် အစည်းအရုံး(BMA) ၏ ကြေညာချက်

အထူးကြေကွဲဝမ်းနည်းကြောင်း ကြေညာချက်

ဇန္နဝါရီ ၃၀၊ ၂၀၁၇

အစိုးရအစီအမံဖြင့် အင်ဒိုနီးရှားသို့သွားရောက်ပြီး ပြန်ရောက်လာသော တရားလွှတ်တော်ရှေ့နေ ဦးကိုနီကို ဇနဝ္နါရီ ၂၉၊ ၂၀၁၇နေတွ့င် ရန်ကုန်လေဆိပ၌် အစီအစဉ်ရှိရှိ သွေးအေးအေးဖြင့် လုပ်ကြံသတ်ဖြတ်ခြင်းခံရသဖြင့် မြန်မာမွတ်စလင် အစည်းအရုံးက အထူးကြေကွဲ တုန်လှုပ်ရပါသည်။

ဦးကိုနီသည် အာဏာရပါတီဖြစ်သော အမျိုးသားဒီမိုကရေစီအဖွဲ့ချုပ်(NLD)၏ အရေးပါသော ဥပဒေအကြံပေးတစ်ဦးဖြစ်သည်။ ပြည်ထောင်စုမြန်မာနိုင်ငံ၏ ဒီမိုကရေစီရေး၊ ငြိမ်းချမ်းရေး၊ တည်ငြိမ်ရေးနှင့် တိုးတက်ဖွံ့ဖြိုးရေးတို့၏ အဓိကနှင့် တစ်ခုတည်းသော ဘေးအန္တရာယ် ကပ်ဆိုးကြီးဖြစ်သည့် ၂၀၀၈အခြေခံဥပဒေ ပြင်ဆင်ရေးအတွက် ထင်ရှားထက်မြက်သော ရှေ့တန်းတိုက်စစ်မှူးကြီး တစ်ဦးလည်းဖြစ်သည်။ မြန်မာပြည်ရှိ လူမျိုးပေါင်းစုံ၊ ဘာသာပေါင်းစုံ တိုင်းရင်းသားပြည်သူများ၏ လေးစားအားကိုးခြင်းကို ခံယူထားသူတစ်ဦးဖြစ်သည့်အပြင် မြန်မာမွတ်စလင် လူ့အဖွဲ့အစည်း၏ အစားထိုးမရသော ဦးဆောင်ကြယ်ပွင့်ကြီးလည်းဖြစ်၏။

အာဇာနည် ဦးကိုနီသည် ဆရာကြီးဦးရာဇတ်၊ ရဲဘော်ကိုထွေးတို့ကဲ့သို့ မြန်မာ့သမိုင်းကို မိမိအသက်သွေးဖြင့် စွန့်လှူ မော်ကွန်းထိုးခဲ့ချေပြီ။

အာဇာနည်မျိုး သေရိုးမရှိဆိုသော မြန်မာဆိုရိုး ရှိသကဲ့သို့ အာဇာနည်များကို သေလွန်သွားပြီလို့ ဘယ်သောအခါမှ မဆိုကြလေနဲ့ဆိုသော အစ္စလာမ့်သင်ကြားချက်လည်း ရှိပေသည်။

မြန်မာမွတ်စလင်များသည် သမိုင်းစဉ်ဆက် အစဉ်အလာအရ ခေါင်းပျော့ပေးနိုင်သော်လည်း ဘယ်သောအခါမှ ဒူးမပျော့ကြသူများဖြစ်သည်။ စိတ်ရှည်သည်းခံခြင်းနှင့် အညံ့ခံအရှုံးပေးခြင်းကို ခွဲခြားသိမြင်ကြသူများလည်း ဖြစ်သည်။

ငြိမ်းချမ်းရေးကို မြတ်နိုးသော လူမျိုးပေါင်းစုံ၊ ဘာသာပေါင်းစုံ တိုင်းရင်းသားပြည်သူများနှင့် ခိုင်မြဲစွာလက်တွဲ၍အာဇာနည် ဦးရာဇတ်၊ရဲဘော်ကိုထွေး၊ဦးကိုနီ တို့ကိုို့ စံနမူနာကိုယူပြီး ပြည်သူလူထုကို ဖိဆီး နှိပ်စက်သော ပြည်ထောင်စု၏ရန်သူ၊ ဒီမိုကရေစီ၏အန္တရာယ် အာဏာရှင် စနစ်ဆိုးကို အမိမြန်မာပြည်မှ အပြီးတိုင် အမြစ်ပြတ်ပျောက်ကွယ်သွားအောင် အကြမ်းမဖက်သော လူထုနည်းဖြင့် မဆုတ်မနစ် ဆက်လက်တိုက်ပွဲဝင်ကြမည်။

ဦးကိုနီကို လုပ်ကြံသတ်ဖြတ်သော အကြမ်းဖက်အုပ်စုကုို အမြန်ဆုံးဖော်ထုတ် အရေးယူပေးပါရန် NLDအစိုးရသို့ တောင်းဆိုလိုက်သည်။