ကိုနေဝင်း၏ ကျန်ရစ်သူ မိသားစု အတွက် မွတ်စလင်မ် အဖွဲ့များမှ အလှူငွေပေးအပ်

ဖေဖော်ဝါရီ ၃ ၊ ၂၀၁၇
M-Media
သတင်း-သီဟ

အမျိုးသားဒီမိုကရေစီအဖွဲ့ချုပ် (NLD) ပါတီရဲ့ ဥပဒေအကြံပေး တရားလွှတ်တော် ရှေ့နေကြီး ဦးကိုနီ ကို လုပ်ကြံခဲ့သည့် တရားခံအား ဖမ်းဆီးရန် ကြိုးပမ်းရင်း အသတ်စွန့်သွားခဲ့ရသူ (ဦး​နေဝင်း) ၏ ကျန်​ရစ်​​သော သမီးကြီး နှင့်​ သားများအတွက်​ ပညာ​ရေး ရံပုံ​ငွေ ထူ​ထောင်​ရန်​ စီစဉ်​​နေ​သော ၈၈   ငြိမ်းချမ်း​ရေး နှင့်​ ပွင့်​လင်းလူ့အဖွဲ့အစည်းထံသို့ အလှူငွေ ၂.၅၀၀.၀၀၀ ကျပ် (၂၅သိန်း ကျ ပ်​တိတိ)  အစ္စလာမ်ဘာသာဝင် များဖြင့် ဖွဲ့စည်းထားသော Social Alliance ( လူမှု့မဟာမိတ်​အဖွဲ့) အာဇာနည်​​ခေါင်း​ဆောင်​ကြီး ဦးရာဇတ်​၏သား ဦးတင်​မြင့်​နှင့်​ အတူ ၈၈ ရုံးခန်းရှိရာ​နေရာသို့ သွား​ရောက်​​ပြီး ဦးကိုကိုကြီးထံသို့ ​ပေးအပ်​ခဲ့ကြောင်းသိရှိရသည်။

အဲဒီ​နောက်​တွင်​ မင်္ဂလာဒုံရှိ (ဦး​နေဝင်း) အိမ်​သို့သွား​ရောက်​၍ ရက်​လည်​တွင်​ ကပ်​လှူရန်​ ပစ္စည်း ၅ ပါး လှူဒါန်းခဲ့ကြောင်း သိရပါတယ်

\

အလားတူ ရန်ကုန်တိုင်းဒေသကြီး အိုလမာ သာသနာ့ ပညာရှင်များအဖွဲ့ချုပ် ပညာရေးနဲ့ လူမှုရေးအကျိုးဆောင်အဖွဲ့မှ ကွယ်လွန်သူ ကိုနေဝင်း၏ အမျိုးသမီးထံသို့ ဖေဖော်ဝါရီလ ၂ ၇က်နေ့က သွားရောက်၍ အလှူငွေများပေးအပ်ခဲ့ကြောင်း RFA သတင်း၏ ဖော်ပြချက်အရသိရှိရပါတယ်။

အစ္စလာမ်ဘာသာရေး အဖွဲ့ကြီးမှ တာဝန်ရှိသူများမှလည်း (၃၀-၁-၂၀၁၇)ရက်နေ့တွင် ကိုနေဝင်း၏ ကျန်ရစ်သူမိသားစုထံ  သွားရောက်တွေ့ဆုံ နှစ်သိမ့်အားပေးပြီး နာရေးကူငွေ ကျပ်(၁၀)သိန်း ပေးအပ်လှူဒါန်းခဲ့ကြောင်း သိရှိပါတယ်။

ရှေ့နေ ဦးကိုနီဟာ အင်ဒိုနီးရှားနိုင်ငံကနေ ပြီးခဲ့တဲ့ ဇန်န၀ါရီ ၂၉ ရက်နေ့က ရန်ကုန်နိုင်ငံတကာလေဆိပ် ကိုပြန်ရောက်ရောက်ချင်းသေနတ်သမား ကြည်လင်းက အနီးကပ်လုပ်ကြံသတ်ဖြတ်ခဲ့တာဖြစ်ပါတယ်။

အဲဒီနောက် သေနတ်သမားကြည်လင်းကို လေဆိပ်မှာရှိတဲ့ အငှားယာဉ်မောင်းတွေ နဲ့ ရဲတပ်ဖွဲ့က လိုက်လံဖမ်းဆီးခဲ့ပြီး၊ အဲဒီလိုဖမ်းဆီးစဉ်အတွင်း အငှားယာဉ်မောင်း ကိုနေ၀င်း သေနတ်ထိမှန် သေဆုံးခဲ့ပါတယ်။