အစ္စလာမ့်နည်းကျ ၀တ်ပြုဆုတောင်းပြီး၊ ဥပုသ်သီလလည်း ဆောက်တည်ဖူးတယ်လို့ လင်ဆေးလိုဟန် ပြော

ဖေဖော်ဝါရီ ၆၊ ၂၀၁၇
M-Media

– ဟောလီးဝုဒ်က နာမည်ကျော် မင်းသမီး လင်ဆေးလိုဟန်က သူမအနေနဲ့ အစ္စလာမ်က ပြသထားတဲ့ နည်းအတိုင်း ၀တ်ပြုဆုတောင်းဖူးပြီး၊ ရမ်ဇာန်ဥပုသ်လမှာလည်း ၃ ရက်တိတိ ဥပုသ်သီလ ဆောက်တည်ဖူးတယ်လို့ ကူဝိတ်က တွေ့ဆုံမေးမြန်းခန်းတစ်ခုမှာ ဖွင့်ဟလိုက်ပါတယ်။

၂၀၁၅ ခုနှစ် ဘရွတ်ကလင်းမှာ ကုရ်အာန်ကျမ်းတော်မြတ်ပိုက်ကာ လမ်းလျှောက်လာတဲ့ ဓာတ်ပုံတွေကြောင့် လင်ဆေးလိုဟန်နဲ့ အစ္စလာမ်သာသနာ ပတ်သက်မှုအကြောင်း သို့လောသို့လော ဖြစ်ခဲ့ရပါတယ်။ လင်ဆေးလိုဟန်ကတော့ သူမရဲ့ အခင်ဆုံးသူငယ်ချင်းက ကုရ်အာန်စာအုပ် ပေးခဲ့တာကြောင့် ဖတ်ဖြစ်နေကြောင်း၊ ကုရ်အာန်ဖတ်ခြင်းအားဖြင့် စိတ်ကို တည်ငြိမ်စေကြောင်း ဖွင့်ဟခဲ့ပါတယ်။

ဇန်န၀ါရီလအတွင်းက သူမရဲ့ Twitter စာမျက်နှာ ကိုယ်ရေးအချက်အလက်မှာ အစ္စလာမ်သာသနာရဲ့ မေတ္တာပို့ဆုတောင်းစာကို အင်္ဂလိပ်ဘာသာစကားနဲ့ ထည့်သွင်းရေးသားခဲ့တာကြောင့် လိုဟန်ဟာ အစ္စလာမ်ဘာသာဝင်တစ်ယောက် ဖြစ်နေပြီလို့ ကောလဟာတွေ ထွက်ပေါ်ခဲ့ပြန်ပါတယ်။ ဒါပေမယ့် လင်ဆေးလိုဟန်က ဒီကိစ္စကို အတည်ပြု ပြောကြားခြင်း မရှိခဲ့ပါဘူး။

ကူဝိတ်က ရိုအာဘစ် ရာရှစ်တင်ဆက်ပြီး Yotube မှာ လွှင့်တင်လေ့ရှိတဲ့ Siwar Shoaib အစီအစဉ်မှာ ပြီးခဲ့တဲ့ရက်ပိုင်းအတွင်း ဖြေကြားခဲ့ရာမှာတော့ လိုဟန်က သူ့အနေနဲ့ အစ္စလာမ့်နည်းလမ်းအတိုင်း ၀တ်ပြုဆုတောင်းဖူးကြောင်း၊ ရမ်ဇာန်ဥပုဒ်လမှာလည်း ဥပုသ်သီလ ၃ ရက်တိတိစောင့်ဖူးကြောင်း ပြောကြားခဲ့ပါတယ်။

“ခက်တော့ ခက်ခဲတာပေါ့ရှင်။ ဒါပေမယ့် ကောင်းပါတယ်။ စိန်ခေါ်မှုကို ကျွန်မ နှစ်သက်တယ်။ ကျွန်မ တကယ်လုပ်နိုင်ရဲ့လားဆိုတာကို ကြည့်ချင်တယ်” လို့ လိုဟန်က ဆိုပါတယ်။

ကုရ်အာန်ကျမ်းတော်မြတ်ကို ဘယ်လောက် ဖတ်ထားလဲလို့ မေးတဲ့အခါမှာတော့ လိုဟန်က ၁၅ ရွက်ဖတ်ထားကြောင်း အင်္ဂလိပ်ဘာသာပြန်ကို ဖတ်တာဖြစ်ပြီး၊ ဖုန်းထဲမှာလည်း ထည့်ပြီးနားထောင်ကြောင်း၊ အစပဲ ဖတ်ထားတာဖြစ်တဲ့အတွက် ဘာမှ မပြောချင်သေးကြောင်း ပြန်လည်ဖြေကြားခဲ့ပါတယ်။ ဒါပေမယ့် သူဟာ မွတ်စလင်တစ်ယောက်ဖြစ်နေပြီလားဆိုတာကိုတော့ တိတိကျကျ မပြောခဲ့ပါဘူး။

Ref: Alarabiya